خليني نعرف ولايتك

السلام عليكم ورحمة الله وبركاته


موضوع خفيف ظريف

كل عضو يدخل يخليلنا اشارة أو كلمة عن
ولايته تدل عليها ولي بعدو يجي يقوللنا اسم الولاية 😅😅ويمدلنا تعريف قصير بيها



هيا شاركوا متحشموناش
 
تحية طيبة ليك اخي @dahman kz ولناس واد سوف الطيبين والمعروف عنهم اتقانهن للغة العربية وحفظ القرآن الكريم
images (1).jpeg
 
ياودي هي بالذات يكون مسقاهاش مليح برك
المهم شخشوختكم وشخشوختنا بنات عم ماهمش خواتات

بصح طرف لحم ول في التصويرة
البيض غالي راه مقاطعنا
شخشوختنا بنينه يمكن هو وكلهالك شايحا بهدل بينا 😱 يا ودي احنا نقولولها لفتات و لازم يتشبح بمورصوات لحم هك و لا جاج فخاض و لا الداند تجي زادا تحفة مع لحميصة امي الله يرحمها كانت تعملو بالكرمب يجي تحفه زادا عالعموم راني سخفت على سحن هكا 😩
 
اجمل ولايات بدون شك
ولاية واد سوف جوهرة من جواهر الجزائر ماشاء الله قلباا وقالبااا تحية للاخ @dahman kz

ولاية سكيكدة نقولووو الشخاشخ نقولوو البنة الكرم والجوم تحية تانى للاخت @السها
 
هاذ التصويرة اللي تقبش المشاعر
علاه اختي حطمتيني ههههههه



هاه هاو جاء خوياا الامين صراتلوو كى حالتى نحب نذوق هههههههههههههههه
 
جات دالتي نسقسيكم

ولاية بوشلغومة ههههه
واش من ولاية؟
بوشلاغم الراحل الرئيس المرحوم الزعيم
هواري بومدين
ولاية قالمة
 
هاذ التصويرة اللي تقبش المشاعر
علاه اختي حطمتيني ههههههه
كون جا خويا يسكن هنا نديرلك طويجن الله الله حار محرحر باللحم الغنمي و حميصه مالفوق و نجيبهولك لعندك تاكلو انت و العايلة بالصحا و الراحه
 
كون جا خويا يسكن هنا نديرلك طويجن الله الله حار محرحر باللحم الغنمي و حميصه مالفوق و نجيبهولك لعندك تاكلو انت و العايلة بالصحا و الراحه
والله اعرفك كريمة بنت الاكارم اخيتي السها

ــــــــــــــــــــــــــــــــــــــــــــــــ
@السلطانة اختي جا دوري لكن فيه شرط
انا ولايتي فيها ها الهرم لازم تخبرني بالولاية تاعي
و في نفس الوقت تقول واشنوا هاذ المعلم و اين يوجد
للمعلومة يقال انه اقدم من اهرامات الجيزة

download.jpg
 
والله اعرفك كريمة بنت الاكارم اخيتي السها

ــــــــــــــــــــــــــــــــــــــــــــــــ
@السلطانة اختي جا دوري لكن فيه شرط
انا ولايتي فيها ها الهرم لازم تخبرني بالولاية تاعي
و في نفس الوقت تقول واشنوا هاذ المعلم و اين يوجد
للمعلومة يقال انه اقدم من اهرامات الجيزة

مشاهدة المرفق 156034


تيارت 😌😌😌
 
والله اعرفك كريمة بنت الاكارم اخيتي السها

ــــــــــــــــــــــــــــــــــــــــــــــــ
@السلطانة اختي جا دوري لكن فيه شرط
انا ولايتي فيها ها الهرم لازم تخبرني بالولاية تاعي
و في نفس الوقت تقول واشنوا هاذ المعلم و اين يوجد
للمعلومة يقال انه اقدم من اهرامات الجيزة

مشاهدة المرفق 156034
هادو الأهرامات كاين في عدة ولايات من الجزائر، هي مقابر ملوك الأمازيغ، أنا زرت الموجود في تبازة وبما أنك ذكرت الشرق يمكن يكون في باتنة؟ وبالفعل يقال أنها بنيت قبل الأهرامات المصرية
 
انا مدينتي معروفة بكترة الينابيع وماءها العذب الحلو، صناعة النسيج والمنسوج، معروفة بزي تقليدي عريق مصنف ضمن التراث الثقافي اللامادي، وآثارها العريقة التي بناها الملوك المرينيون ومن أشهرها قلعة المنصورة، ماشي صعيبة
 
والله اعرفك كريمة بنت الاكارم اخيتي السها

ــــــــــــــــــــــــــــــــــــــــــــــــ
@السلطانة اختي جا دوري لكن فيه شرط
انا ولايتي فيها ها الهرم لازم تخبرني بالولاية تاعي
و في نفس الوقت تقول واشنوا هاذ المعلم و اين يوجد
للمعلومة يقال انه اقدم من اهرامات الجيزة

مشاهدة المرفق 156034
tombeau de la chrétienne
قبر الرومية في سيدي راشد ❤️
تحية ليك خويا محمد ولناس تيبازة الطيبين الكل
عندي معلومة انو تبنى بضعة عقود بعد الميلاد
وسأكون سعيدة اذا عطيتنا تفاصيل البناء ومعلومات أدق..



 
ولاية روعوية تقع أقصى الشرق الجزائري تشتهر بعيد النعجة مشهورة بطبق الكسكس من هي
 
انا مدينتي معروفة بكترة الينابيع وماءها العذب الحلو، صناعة النسيج والمنسوج، معروفة بزي تقليدي عريق مصنف ضمن التراث الثقافي اللامادي، وآثارها العريقة التي بناها الملوك المرينيون ومن أشهرها قلعة المنصورة، ماشي صعيبة
ناس تلمسان الهمة والشان
❤️
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top