خليني نعرف ولايتك

[ذكريات]

ولايتي همزة الوصل بين الساحل والهضاب العليا
عاصمة بايلك التيطري.. ​

مدينة المدية زرتها في 2011 ونتمنى نحوسها من جديد إن شاء الله

 

[ذكريات]

ولاية روعوية تقع أقصى الشرق الجزائري تشتهر بعيد النعجة مشهورة بطبق الكسكس من هي

أخي إلياس مدينة تبسة هي مسقط رأسك؟

 

[إلياس]

أخي إلياس مدينة تبسة هي مسقط رأسك؟

صحيح اختي @ذكريات

 

[الامين محمد]

تيارت

صحيييييح من تيارت

هادو الأهرامات كاين في عدة ولايات من الجزائر، هي مقابر ملوك الأمازيغ، أنا زرت الموجود في تبازة وبما أنك ذكرت الشرق يمكن يكون في باتنة؟ وبالفعل يقال أنها بنيت قبل الأهرامات المصرية

لالا اختي هي تيارت
المنطقة اسمها اهرامات لجدار في منطقة اسمها توسنينة
لحد الساعة لم تعرف دراسات معمقة لمعرفة مافيها او نسبها
للاسف لم تجد الرعاية و الاشهار اللازمين

 

[الامين محمد]

انا مدينتي معروفة بكترة الينابيع وماءها العذب الحلو، صناعة النسيج والمنسوج، معروفة بزي تقليدي عريق مصنف ضمن التراث الثقافي اللامادي، وآثارها العريقة التي بناها الملوك المرينيون ومن أشهرها قلعة المنصورة، ماشي صعيبة

و الله ناوي نزورها في القريب ان شاء الله
لأسباب خاصة و ممكن نكون مع المدام

ولاية روعوية تقع أقصى الشرق الجزائري تشتهر بعيد النعجة مشهورة بطبق الكسكس من هي

خيار الناس اهلنا في التبسة الغالية

ولايتي همزة الوصل بين الساحل والهضاب العليا
عاصمة بايلك التيطري.. ​

المدية زرتها و بقيت فيها ثلاث ايام
عندي بنت عمي متزوجة فيها
ناسها اروع ناس
عجبتني مساجدها العامرة و مدارسها الغير مختلطة
تعرفت على صاحب دكان اسمه امين جدا جدا رااائع و متخلق و كريم

 

[وۣۗهۣۗہۣۗم]

صحيييييح من تيارت

ييسسسسسسسسسس جبتهااا

احسن ناس لى الشرف وعظيم الشرف نعرف اخ فاضل اخلاق ودين مثلك طبعاا



دورى دوووك

ولايتى ساحلية معروفة برتفاع عدد سكانها صيفاا هههههههههههههههه توجد بها اعتق الاثار الرومانية في الجزائر
مشهورة بمختلف انواع الخضر والفواكه

 

[dahman kz]

بعض الاخوة والاخوات ولاياتكم ظاهرة في محل الاقامة اسفل اسم العضوية
حاولو تموهو شوي اسيدي ههه

 

[النورس]

ولايتي ولاية فتية تتميز بالسياحة الصحراوية...أحسن سلالة كباش عالميا. الأطباق التقليدية( الشخشوخة)..أجود انواع التمور..... الخ من هي!

 

[ذكريات]

بعض الاخوة والاخوات ولاياتكم ظاهرة في محل الاقامة اسفل اسم العضوية
حاولو تموهو شوي اسيدي ههه

راهي باينا، كما أنا اعتبرها مساعدة

 

[dahman kz]

مشاهدة المرفق 156088ولايتي ولاية فتية تتميز بالسياحة الصحراوية...أحسن سلالة كباش عالميا. الأطباق التقليدية( الشخشوخة)..أجود انواع التمور..... الخ من هي! مشاهدة المرفق 156087

راني عرفتها من لاجيب
ولاجيب في الجزاير علامة مسجلة للولاية هاذي
نخلي الجماعه يحاولو كاشما يعرفوها

 

[ذكريات]

مشاهدة المرفق 156088ولايتي ولاية فتية تتميز بالسياحة الصحراوية...أحسن سلالة كباش عالميا. الأطباق التقليدية( الشخشوخة)..أجود انواع التمور..... الخ من هي! مشاهدة المرفق 156087

أظن ولاد جلال

 

[ذكريات]

ماشاء الله صور سياحية رائعة @النورس

 

[النورس]

ماشاء الله صور سياحية رائعة @النورس

هناك الكثير و الكثير ممكن ندير عليها موضوع في المنتدى السياحي

 

[السها]

بوشلاغم الراحل الرئيس المرحوم الزعيم
هواري بومدين
ولاية قالم

قالولي راه وكيل جمهورية في ولاية وسط البلاد معرفتهاش وصاحبي نتاع سيلينديون استاذ جامعي في باتنة راه متزوج ثم وعايش

حاول تتصل بيهم ابعتلهم رساله في الفيس اكيد ما نظنش نساو ذكريات المراهقة سيرتو هذاك وكيل الجمهورية نحتاجوه

 

[الامين محمد]

ييسسسسسسسسسس جبتهااا

احسن ناس لى الشرف وعظيم الشرف نعرف اخ فاضل اخلاق ودين مثلك طبعاا



دورى دوووك

ولايتى ساحلية معروفة برتفاع عدد سكانها صيفاا هههههههههههههههه توجد بها اعتق الاثار الرومانية في الجزائر
مشهورة بمختلف انواع الخضر والفواكه

و الله اتشرف و اسعد ان اكون اخا لك
ربي يسعدك سعادة الدارين و يحقق لك كل امنياتك
ــــــــــــــــــــــــــــــــــــــــــــــــــــــــــــــــــــــــــــــــــــ
عاونينا بصورة من ولايتك ههههههه

ننتظر مرور بقية الاخوة

 

[razan roza]

تتميز ولايتي بتضاريسها الوعرة وبحلة ثلوجها شتاءا، والمناظر الخلابة ربيعا وصيفا. ويقطنها "العرب" و"الشاوية"
من اكلاتها (بربوشة مغمومة )
البوفجوخ..........

 

[النورس]

تتميز ولايتي بتضاريسها الوعرة وبحلة ثلوجها شتاءا، والمناظر الخلابة ربيعا وصيفا. ويقطنها "العرب" و"الشاوية"
من اكلاتها (بربوشة مغمومة )
البوفجوخ..........

باتنة؟!
البوفجوخ ظرك يحسبوه سلاح بااليستي نووي اسمو يخوف هههه.... بوفجوووووخ حاااار

 

[razan roza]

باتنة؟!
البوفجوخ ظرك يحسبوه سلاح بااليستي نووي اسمو يخوف هههه.... بوفجوووووخ حاااار

هههههه ايه ااسمو يخوف ولكنه بنين بزاف خاصة في فصل الشتاء والثلج هههه
مشكور اخي لمعرفتك الولاية

 

[النورس]

هههههه ايه ااسمو يخوف ولكنه بنين بزاف خاصة في فصل الشتاء والثلج هههه
مشكور اخي لمعرفتك الولاية

بااتنة بلاد الثوار غنية عن التعريف.. البوفجوخ كاين لي يسموه فلفل مرقد للتوضيح

 

[razan roza]

بااتنة بلاد الثوار غنية عن التعريف.. البوفجوخ كاين لي يسموه فلفل مرقد للتوضيح

لالا االفلفل المرقد يقولولو الطرشي ويكون فلفل كامل غير مقطع
البوفجوخ يجي فلفل مقطع مع طماطم وثوم وخل وملح وزيت ويخلوه يترقد