تم الإجابة لونكات مع عسكري اخ من الاب كان ارهابي تائب

[machamacha]

سلام و عليكم انا بنت مخطوبة منذ سنتين لواحد عسكري درنا لونكات تاع العقد عندنا سبعة شهر مرجعولناش اذا قبلو ولا لا مع العلم عندي اخ من الاب فقط ليس من نفس الام كان ارهابي تائب و قعد عشرة سنين فالحبس البريود تاع العشرية السوداء نورمالمون و انا سيد هذا ماني عايشة معاه مانعرفو و الأب تاعي متوفي اذا مقبلوش لونكات هاذي كاين حل نقدر نديرو ولا نبطل من فضلكم دلوني على حل راني في حالة يرثى لها

 

[Adem4dz]

في رأيي .. مادام فيها الحكاية اتاع "ارهااب" اذا كمل عام ولم يردو عليكم ولو بالرفض انصحكما كل واحد يشوف مكتوبو من جهة أخرى .

 

[Hakan]

يأختي اونكات تبع اللقب ومادام خوك من الأب معناها احتمال كبير يرفض الزواج والله أعلم ،وثاتي حاجة مادام هذا لي خطبك في سلك الجيش علاش ما يسقسيش هو مش حتان تقعدوا 6 اشهر .

 

[إلياس]

استخري الله عزوجل أن شاء الله خير

 

[razan roza]

اظن يرفضو مام ولد خالتي هكا عسكري وخطب وحدة خوها ارهابي وماقبلولهمش

 

[وۣۗهۣۗہۣۗم]

على الاغلب يرفضوو لانوو من القربين من الدرجة الاولى .... وسبعة اشهر راها بالمدة طويلة جدااا كيفاه صبرتووا كل هذاا كون راكم رحتووا سقسيتووو
وحدة من اهل المنزلى هكداا تزوجت بعسكري وداروو لونكات مى خرجت في يومين برك كانوو ردلولهم بالقبول والحمد لله اصلا هاد اللونكات باه يعرفوو العلاقات العائلية تاعك وروابطها

متقلقيش روحك ختى وسقسي ماتخليش الحالة راقدة هاك

 

[Amine7N]

99% رفضوا يمنحوه رخصة الزواج
خوك رآه قريب من الدرجة الأولى ، أقارب الدرجة الثانية ويرفضوهم
ربي يوفقك في حياتك إن شاء الله

 

[Imy23]

نسقسيكم انا خطيبي يخدم عسكري بحرية و انا عندي خويا قيد البحت (روشارشي) مع العلم ماشي قضايا ارهاب او سياسية اسكو كون يدير لونكات يقبلولي ولا يرفضو
افيدوني
شكون عدات عليه حالة كيمك

 

[الامين محمد]

لا الامر عادي في الحالة تاعك
حتى الاونكات امر روتيني قانوني سهل و بسيط
ربي ييسر ليك و يسعدك

 

[Imy23]

لا الامر عادي في الحالة تاعك
حتى الاونكات امر روتيني قانوني سهل و بسيط
ربي ييسر ليك و يسعدك

شكرا ربي يبارك فيك

 

[أفنانوه]

بالتوفيق لكما

 

[aljentel]

معقول !!!
انتي شو ذنبك ؟
حتى لو عائلتك كلها ارهابيه انتي مالك علاقه والله سبحانه قال ( ولاتزروا وازرة اخرى )
لاتيأسي راجعيهم او ابعثي من يراجع واذا لزم الامر قدمي دعوى عليهم مو معقول يجرموك بجرم غيرك …

 

[Adem4dz]

معقول !!!
انتي شو ذنبك ؟
حتى لو عائلتك كلها ارهابيه انتي مالك علاقه والله سبحانه قال ( ولاتزروا وازرة اخرى )
لاتيأسي راجعيهم او ابعثي من يراجع واذا لزم الامر قدمي دعوى عليهم مو معقول يجرموك بجرم غيرك …

يوجد قانون في الجزائر بهذا الشئ..

 

[Imy23]

نسقسيكم انا خويا صغير حاب يسجل في لامرين لكن عندو قضية جنحة حيازة مخدرات و عقب عام حبس
اسكو يرفضوه ف لونكات؟

 

[Adem4dz]

نسقسيكم انا خويا صغير حاب يسجل في لامرين لكن عندو قضية جنحة حيازة مخدرات و عقب عام حبس
اسكو يرفضوه ف لونكات؟

هذا غير ما يشقاش .