"شعبان لي عندو حبيب يبان"

[*amani*]

آلُـۜسـۨۚ()ــِۖلُأمٌ ؏ـليۜـ()ـكـۜم وݛحـٍّْـٍّْ⁽₎ـٍّْمهہ الًـًٍۖـٍـٍۖ(☝)ٍۖـًٍٍٍّـًٍلۖهًٍۖۂ وبـۗـۗـۗـۗـۗـۗركۧۧــۧۧۧۧۧـۗـۗ(ۗ)ـۗـۗاتهۂ
ان شاء الله تكونوا بخير❤

يقولك في شعبان لي عندو حبيب يبان

حنا هنا عندنا كي يدخل شهر شعبان تلقى غير لي تقولك رايحين نشعبنوا هههه
شغل يجتمعوا العائلات كل واحد في دار والديه ولا دار الأخ مثلا
ويديروا غذاء منوع وكل واحد كيفاه يدير
ولعشية قهوة حليب الغرايف(البغرير) لقاطو وكذا
المهم شغل عيد هههه
حنا في دارنا مانديروش مانروحو نشعبنوا مايجيو عندنا هههه
حتى اذا تلمينا مانتلموش على جالت شعبان شغل نتلمو برك عادي كسائر الأيام
حبيت نعرف اذا نتوما تاني عندكم هذي العادة
اذا عندكم عرضوني نشعبن


​

 

[aljentel]

نحن لا نعرف الشعبنه هههههه
انما اللمه مستمره على طول وخاصة في الويك اند

 

[الامين محمد]

عجبني العنوان اختي ههههههه
حنا ما عندناش ها العادة
بس اللي يحب يشعبن و يعزمني مافي اي مشكل هههههههه

 

[إلياس]

هههه مليح عنوان لازم يعرضنا كامل

 

[*amani*]

نحن لا نعرف الشعبنه هههههه
انما اللمه مستمره على طول وخاصة في الويك اند

هههه الله يدوم اللمة ان شاء الله

عجبني العنوان اختي ههههههه
حنا ما عندناش ها العادة
بس اللي يحب يشعبن و يعزمني مافي اي مشكل هههههههه

حتى انا اني نسنى في كاش عزومة

هههه مليح عنوان لازم يعرضنا كامل

ههههه اا لازم

 

[أبو عاتكة]

عندنا هاذ العادة ويسموها الڨرش ولا كيما قلتي يشعبن

الڨرش هو لمة عائلية كل واحد وين يختار المنزل اللي يحب وغالبا يكون بيت الكبيرة يعني بيت العايلة الاب والام او الاخ الكبير او غيره. يمكن كذلك للاصدقاء اختيار منزل صديق لذلك. حتى العمال مثلا في شونطي قد يصلهم من الڨرش نصيب.
والڨرش معناه ماتبقى من الاكل ويقصد ما تبقى من مأكولات قبل رمصان لان رمضان له طبخ خاص واطباق جديدة ومغايرة مثل البوراك مثلا فكأنها مناسبة او موعد للفصل بين باقي الشهور وهذا لمكانة الشهر الكريم لدى الناس وخصوصيته وتفرده.

المتميز فيها هو يتم تجهيز و تناول وجبات لا تكون في شهر رمضان ولا تطبخ في ايامه وكانه توديع لتلك المأكولات مثل المحاجب ( المختومة) والغرايف( بغرير) والشخشوخة والزفيطي وغيرها وفي نفس الوقت هي مناسبة ل استحضار اجواء رمضان والاستعداد لاستقباله بالفرح والسرور والمودة والتقارب والتسامح بين افراد العائلة والعوائل والجيران كذلك يتبادلون هذه الانواع من المأكولات بينهم.

في الجزائر يوجد في الحقيقة عادات فيها أهداف عميقة قد ترون ان الامر مبالغ فيه وحتى مبتدع الا انو كاين امور تصلحها داخل العائلة وبين الناس لهذا البعض يتمسك بها خاصة كبار السن والاولياء يقصدون جمع شتات اولادهم واحفادهم وليس بهم قضية الاكل والشرب والبعض لايوليها اهتمام خاصة الصغار لا يعرفون المغزى العميق فيها.

المهم عندنا هاذ العادة وربي يدومها.

 

[وۣۗهۣۗہۣۗم]

امرحباا بياا عندك امانى ....​

منورة زينة ​

​

شوفي ياختى حناا نشعبنووو عند جداتى يمات ماما غير الويكاند اللى فات كناا تم هههه لمة بين العايلة هادوو الخوال والخالات وولادهم طبعاا وديك الرشتة وداك التاي بالسفنج وش نقول لختى الله يبارم هههههههه كون راكى هدرتى من قبل رانا دهمنا عليك ورحناا في رحبة هههه متزعفيش بصح العام الجاي ان شاء الله​

 

[السلطانة]

عندنا هاذ العادة ويسموها الڨرش ولا كيما قلتي يشعبن

الڨرش هو لمة عائلية كل واحد وين يختار المنزل اللي يحب وغالبا يكون بيت الكبيرة يعني بيت العايلة الاب والام او الاخ الكبير او غيره. يمكن كذلك للاصدقاء اختيار منزل صديق لذلك. حتى العمال مثلا في شونطي قد يصلهم من الڨرش نصيب.
والڨرش معناه ماتبقى من الاكل ويقصد ما تبقى من مأكولات قبل رمصان لان رمضان له طبخ خاص واطباق جديدة ومغايرة مثل البوراك مثلا فكأنها مناسبة او موعد للفصل بين باقي الشهور وهذا لمكانة الشهر الكريم لدى الناس وخصوصيته وتفرده.

المتميز فيها هو يتم تجهيز و تناول وجبات لا تكون في شهر رمضان ولا تطبخ في ايامه وكانه توديع لتلك المأكولات مثل المحاجب ( المختومة) والغرايف( بغرير) والشخشوخة والزفيطي وغيرها وفي نفس الوقت هي مناسبة ل استحضار اجواء رمضان والاستعداد لاستقباله بالفرح والسرور والمودة والتقارب والتسامح بين افراد العائلة والعوائل والجيران كذلك يتبادلون هذه الانواع من المأكولات بينهم.

في الجزائر يوجد في الحقيقة عادات فيها أهداف عميقة قد ترون ان الامر مبالغ فيه وحتى مبتدع الا انو كاين امور تصلحها داخل العائلة وبين الناس لهذا البعض يتمسك بها خاصة كبار السن والاولياء يقصدون جمع شتات اولادهم واحفادهم وليس بهم قضية الاكل والشرب والبعض لايوليها اهتمام خاصة الصغار لا يعرفون المغزى العميق فيها.

المهم عندنا هاذ العادة وربي يدومها.

حنا تاني نديروها في عايلة الزوج
جيت ناوية نطيب زفيطي للڨرش
شوي معندناش السميد
قتلهم طيحولي بالسميد ولانخدم رخساس بالفرينة

 

[السلطانة]

حنا معندناش هاذ العادة لكن في دار شيخي عندهم واسمها الڨرش
يطيبو اكلة تقليدية
مرات رفيس مرات زفيطي شخشوخة ولا كعبوش المهم حاجة تقليدية
ويتلمو عليه العايلة ولا، يبعثو لبعض

اللهك بلغنا رمضان

 

[ilina loulou]

هههههههههه حبيت تعليقك و تعقيبك على الموضوع هذا ..
العادة هذي موجودة و لكن عن نفسي حتا فالدار ما نديروهاش لانو الحمد لله اللمة تاعنا تكون في سائر الايام ماشي لازم مناسبة معينة او وقت محدد و طبعا كل واحد و عاداتو .. (المهم لي يعجبني فيها الماكلة و تنوعها والله يسخفوك صح )
اللهم بلغنا رمضان لا فاقدين ولا مفقودين

 

[ذكريات]

أنا شعبنت ابحدي هاد السنة هي عادة عند معظم العايلات يديرو ملمة وعرضة للأحباب، كنت نروح لدارنا كي كانو الوالدين حيين ولا عند عجوزتي ربي يرحمهم أجمعين، وهوما تاني كانو يجيو ودرك غي وحدي وندير لولادي الأطباق الثقيلة الي في رمضان ما يحبوش ياكلوها كما العصبانة يحبوها والبوزلوف أنا والزوج برك الأبناء مقاطعينو كامل العام، واليوم إن شاء الله راكم معروضين على التريد والتمر والروب لقهوتنا لعشية

 

[Hakan]

حنا شعبنا والحمد لله ،ختي جات عندنا درنا الرفيس و الكعبوش و شوي اكلات كملت نهاراتها وراحت ،من بعد راحت أمي لبيت باباها و مع خواتاتها وخاوتها اجتمعوا ،بقات زوجتي برك راهي تتمسخر في دار باباها

 

[سعد نايلي]

اللهم بلغنا رمضان، اللهم بلغنا رمضان، اللهم بلغنا رمضان أياما عديدة وأعواما مديدة بفضلك وكرمك يا كريم،
اللهم أعنا على طاعتك على الوجه الذي ترضاه منا يا كريم

 

[*amani*]

عندنا هاذ العادة ويسموها الڨرش ولا كيما قلتي يشعبن

الڨرش هو لمة عائلية كل واحد وين يختار المنزل اللي يحب وغالبا يكون بيت الكبيرة يعني بيت العايلة الاب والام او الاخ الكبير او غيره. يمكن كذلك للاصدقاء اختيار منزل صديق لذلك. حتى العمال مثلا في شونطي قد يصلهم من الڨرش نصيب.
والڨرش معناه ماتبقى من الاكل ويقصد ما تبقى من مأكولات قبل رمصان لان رمضان له طبخ خاص واطباق جديدة ومغايرة مثل البوراك مثلا فكأنها مناسبة او موعد للفصل بين باقي الشهور وهذا لمكانة الشهر الكريم لدى الناس وخصوصيته وتفرده.

المتميز فيها هو يتم تجهيز و تناول وجبات لا تكون في شهر رمضان ولا تطبخ في ايامه وكانه توديع لتلك المأكولات مثل المحاجب ( المختومة) والغرايف( بغرير) والشخشوخة والزفيطي وغيرها وفي نفس الوقت هي مناسبة ل استحضار اجواء رمضان والاستعداد لاستقباله بالفرح والسرور والمودة والتقارب والتسامح بين افراد العائلة والعوائل والجيران كذلك يتبادلون هذه الانواع من المأكولات بينهم.

في الجزائر يوجد في الحقيقة عادات فيها أهداف عميقة قد ترون ان الامر مبالغ فيه وحتى مبتدع الا انو كاين امور تصلحها داخل العائلة وبين الناس لهذا البعض يتمسك بها خاصة كبار السن والاولياء يقصدون جمع شتات اولادهم واحفادهم وليس بهم قضية الاكل والشرب والبعض لايوليها اهتمام خاصة الصغار لا يعرفون المغزى العميق فيها.

المهم عندنا هاذ العادة وربي يدومها.

صحيت شرح كافي ووافي. وربي يدومها ان شاء الله
يعطيك الصحة

امرحباا بياا عندك امانى ....​

منورة زينة ​

​

شوفي ياختى حناا نشعبنووو عند جداتى يمات ماما غير الويكاند اللى فات كناا تم هههه لمة بين العايلة هادوو الخوال والخالات وولادهم طبعاا وديك الرشتة وداك التاي بالسفنج وش نقول لختى الله يبارم هههههههه كون راكى هدرتى من قبل رانا دهمنا عليك ورحناا في رحبة هههه متزعفيش بصح العام الجاي ان شاء الله​

اهلا حبيبتي
الله الله الاجواء هذي ولا خليني خاصة بحضور الماكلة هههه
بصحتكم وربي يدومها ان شاء الله
صايي مازعفتش مخلوفة ان شاء الله

حنا معندناش هاذ العادة لكن في دار شيخي عندهم واسمها الڨرش
يطيبو اكلة تقليدية
مرات رفيس مرات زفيطي شخشوخة ولا كعبوش المهم حاجة تقليدية
ويتلمو عليه العايلة ولا، يبعثو لبعض

اللهك بلغنا رمضان

مكنتش علابالي بهذا الاسم "الڨرش" اول مرة نعرفو
امين وربي يدخلو علينا بالصحة والهنا ان شاء الله ♥

 

[*amani*]

هههههههههه حبيت تعليقك و تعقيبك على الموضوع هذا ..
العادة هذي موجودة و لكن عن نفسي حتا فالدار ما نديروهاش لانو الحمد لله اللمة تاعنا تكون في سائر الايام ماشي لازم مناسبة معينة او وقت محدد و طبعا كل واحد و عاداتو .. (المهم لي يعجبني فيها الماكلة و تنوعها والله يسخفوك صح )
اللهم بلغنا رمضان لا فاقدين ولا مفقودين

مام حنا مانديروهاش في دارنا.. ربي يدوم اللمة ان شاء الله بشعبان ولا بلا بيه ❤
اللهم اامين

أنا شعبنت ابحدي هاد السنة هي عادة عند معظم العايلات يديرو ملمة وعرضة للأحباب، كنت نروح لدارنا كي كانو الوالدين حيين ولا عند عجوزتي ربي يرحمهم أجمعين، وهوما تاني كانو يجيو ودرك غي وحدي وندير لولادي الأطباق الثقيلة الي في رمضان ما يحبوش ياكلوها كما العصبانة يحبوها والبوزلوف أنا والزوج برك الأبناء مقاطعينو كامل العام، واليوم إن شاء الله راكم معروضين على التريد والتمر والروب لقهوتنا لعشية

الله يرحمهم ويوسع عليهم
بصحتكم وربي يدوم لمتكم ان شاء الله
وميرسي على العرضة حبيبتي ههه

حنا شعبنا والحمد لله ،ختي جات عندنا درنا الرفيس و الكعبوش و شوي اكلات كملت نهاراتها وراحت ،من بعد راحت أمي لبيت باباها و مع خواتاتها وخاوتها اجتمعوا ،بقات زوجتي برك راهي تتمسخر في دار باباها

ماحقش عليها هذي الزوجة طولت بزاف
بصحتكم وربي دوم لمتكم وشعبان الجاي تشعبن عند نسابك ان شاء الله ههههه

اللهم بلغنا رمضان، اللهم بلغنا رمضان، اللهم بلغنا رمضان أياما عديدة وأعواما مديدة بفضلك وكرمك يا كريم،
اللهم أعنا على طاعتك على الوجه الذي ترضاه منا يا كريم

اللهم ااامين يارب
اللهم اعنا على الصيام والقيام يارب

 

[آمِيْرَتُه]

السلام عليكم
عندنا هذي العادة بصح درك كل واحد تزوج بعيد مناش نشعبنو رانا نصيفو هههههههه