هو أجمل منها، لقد سحرته

[حاتم خليفة]

هو أجمل منها، لقد سحرته

نعم لقد سحرته بجمال دينها وأخلاقها و روحها…
وحتى الجمال الخارجي لا يوجد فيه معيار ثابت ينطبق على الجميع، فما تراه أنت جميلا ليس بالضرورة هو جميل في أعين البقية.
وعليه فكل من على الأرض له نصيب، فإذا كان يراك الكل بشعا، فاعلم أن هنالك من سيعارض الكل و يراك جميلا.
رزقكم الله زيجات صالحات و أزواجا صالحين ❤​

 

[secret de coeur]

وكي تكون هي شااابة عليه يقولك عندو زهر
مجتمع ذكوري يحب الخير للذكر فقط والأنثى حاجة ثانوية
... للعلم مانيش فيمينست بصح نحب العدل

 

[حاتم خليفة]

وكي تكون هي شااابة عليه يقولك عندو زهر
مجتمع ذكوري يحب الخير للذكر فقط والأنثى حاجة ثانوية
... للعلم مانيش فيمينست بصح نحب العدل

كل واحد ونظرته المختلفة عن الآخر
شعبنا يركز أكثر على الزين والجمال الخارجي
الله المستعان

 

[حاتم خليفة]

لنرى رأي بقية الأعضاء​

 

[aljentel]

مالاحظته هو :
كل فتاة جميله انيقه زوجها دميم مقرف
كل فتى انيق جميل زوجته دميمه .

هذا ملاحظته على طول لم احد شابا وسيما الا ان زوجته مش ولابد والعكس صحيح …

سبحان الله يمكن لله حكمة في ذلك …

 

[حاتم خليفة]

مالاحظته هو :
كل فتاة جميله انيقه زوجها دميم مقرف
كل فتى انيق جميل زوجته دميمه .

هذا ملاحظته على طول لم احد شابا وسيما الا ان زوجته مش ولابد والعكس صحيح …

سبحان الله يمكن لله حكمة في ذلك …

أصبت يا أخي بارك الله فيك

 

[EL General]

مجتمع متمكر في روحو مايحبش يتطور ، اللهم اهدنا للطريق الصحيح

 

[حاتم خليفة]

مجتمع متمكر في روحو مايحبش يتطور ، اللهم اهدنا للطريق الصحيح

اللهم آمين يارب العالمين
أصبت

 

[إلياس]

سلمت يداك على الطرح الرائع والمميز جعلها الله في ميزان حسناتك يارب العالمين اجمعين

 

[حاتم خليفة]

أسعدني مرورك على الموضوع
راك ماعطيتناش رأيك في الموضوع​

 

[saho souhila]

نيشآن كاينة
منكدبوش على رواحنا مجتمعنا يشوف لزين ويقيمو لبنادم اول شي على حساب وجهه منبعد يجو صوالح الاخرين
بصح فنفس لوقت كل واحد وزينه كل واحد و جاذبيته و يلقا لي يشوفه شباب على قاع ناس
ربي يرزقنا بالحلال و لي يحب روحنا مشي مظهرنا

 

[حاتم خليفة]

نيشآن كاينة
منكدبوش على رواحنا مجتمعنا يشوف لزين ويقيمو لبنادم اول شي على حساب وجهه منبعد يجو صوالح الاخرين
بصح فنفس لوقت كل واحد وزينه كل واحد و جاذبيته و يلقا لي يشوفه شباب على قاع ناس
ربي يرزقنا بالحلال و لي يحب روحنا مشي مظهرنا

يعطيك الصحة هذا واش كنت حاب نقول

آمين يارب

 

[وۣۗهۣۗہۣۗم]

وش يقولووا الطيور على اشكالها تقع ههههههه ولالا كاين اللي في شكلووو زين ويدي وحدة شينة في شكلها الخارجي مي زينة في روحها واخلاقها ودينها طبعاا وكاين اللى في شكلووا شين مي يدي وحدة زينة في شكلها برك ومن داخل مخروبة كل واحد وزهروووا وللمجتع كلمته الاخير ههههه
ربي يجيب الخير

 

[حاتم خليفة]

وش يقولووا الطيور على اشكالها تقع ههههههه ولالا كاين اللي في شكلووو زين ويدي وحدة شينة في شكلها الخارجي مي زينة في روحها واخلاقها ودينها طبعاا وكاين اللى في شكلووا شين مي يدي وحدة زينة في شكلها برك ومن داخل مخروبة كل واحد وزهروووا وللمجتع كلمته الاخير ههههه​

ربي يجيب الخير

كفيتي ووفيتي يعطيك الصحة

 

[Adem4dz]

اعجبني العنوان فقط/ هو أجمل منها، لقد سحرته هههههههه
كيف حتى خطر على بالك هذا العنوان يا صديقي @حاتم خليفة ههههه

 

[ابيبا]

ممكن لان معاير الجمال المتفق عليها مجتمعيا تناقض ما جبل عليه الانسان فطريا ... بمعنى ان ميزان الجمال يتغير من شخص الى شخص ولكن المجتمع يحاول فرض نسب ثابتة تقيد ما افسح الله فيه ... والذي لا يتبع هذه المعايير والنسب فمصيره العتب واللوم و الخروج مما هو متعارف عليه او بالاحرى ما قاموا بالترويج له ...

 

[أفنانوه]

للأسف كاين منها
يشوفوه شباب عليها يقلك كفاش ؟؟؟
نعرف وحدة ماشي شابة بصح منقولوش بشعة لالا لاباس عليها
راجلها شباب عليها بلمليار
عماتها يعني مراهمش بعاد عليها بقاو حايريين كفاه داها ما ادراك نظرة الناس عليها

انا برأييي الخاص مش صح فالزين والله
الصح فلقلب التقي والتفاهم
كيما يقولوا الزين ما يبني دار
لواحد يتزوج باش يرتاح مش باش يصراولوا مشاكل
بلاك تكون شابة وعلقها مزال ذراري
يندم عنهار لي تزوج ولعكس

مهم ربي يرزق الجميع على حساب نيتوا

وان شاء الله تخف ظاهرة تاع تفريق هذي لي طغات فلأونة الاخيرة

 

[dahman kz]

صحيح خويا و يقولو واش عجبه فيها اذا كانت ذميمة وكان هو صاحب جمال و انيق
وله يقولو العكس واش عجبها فيه

و في نفس الوقت مش عارفين انو هاذاك الشخص مقتنع بيها و يشوفها احسن و اجمل نساء الدنيا رغم انو نظرتهم ليها العكس
ومش عارفين انو هاذاك الشخص يعيش معاها بسعادة تامة ويرزقه ربي بمحبة معاها ربما لا يحظى بها اغلبهم
ولو كان الامر بالجمال لما بقي للذميم و الذميمة نصيب
و الله هو من يجعل العبد جميلا في اعين و قلوب الغير وهاذي حكمة من حكم الله عز وجل

 

[حاتم خليفة]

صحيح خويا و يقولو واش عجبه فيها اذا كانت ذميمة وكان هو صاحب جمال و انيق
وله يقولو العكس واش عجبها فيه

و في نفس الوقت مش عارفين انو هاذاك الشخص مقتنع بيها و يشوفها احسن و اجمل نساء الدنيا رغم انو نظرتهم ليها العكس
ومش عارفين انو هاذاك الشخص يعيش معاها بسعادة تامة ويرزقه ربي بمحبة معاها ربما لا يحظى بها اغلبهم
ولو كان الامر بالجمال لما بقي للذميم و الذميمة نصيب
و الله هو من يجعل العبد جميلا في اعين و قلوب الغير وهاذي حكمة من حكم الله عز وجل

بارك الله فيك خويا دحمان كفيت ووفيت

 

[fadila_alger]

في مجتمعنا يهدرو يهدرو فيك ههههه