ظاهرة منتشرة حولي

[أفنانوه]

كاين وحد الظاهرة منتشرة حولي لدرجة كبيرة والصراحة تقلقني تقول نروح نخنق ذاك لبنادم والله

عندك تاع يحسبوا لي يهدر ب ق متحضر وجاي ملمدينة وكذا ووليد ألجي
ومعلاباليش
نا هذي لعقلية تعييييينيييي
يقلك العودة الى الاصل فضيلة
ذرك انا بكل صراحة نهدر ب ڨ
مثلا منقولش قتلك نقول ڨتلك عادي
ولا قلبي نقول ڨلبي
عادي والله حاجة نفتخر بيها في حياتي مجاتنيش عيب
بصح كاين لي ني نشوفهم ما فالاصل يهدروا بل ڨ وكبروا يهدروا بيه ومنبعد زعما يهدروا بل ق
تكون تهدر عادي منبعد تغلط وتقول ڨ تحس وجهها تبدل منبعد تكمل ب ق
وهكا
انا وش ندير كي نشوف هذا النوع من النساء هههه باسكوا غير عند النسا هذي هههه
انا عفوية الصراحة وكي نطيح فذوا الناس تبدأ مهمة التصنع هههههه ونضيق خاطري معاهم نحسهم شي كفاه والله
يختي طبيعتك هكا علاش تبيني روحك هههه
مهم الله يهديهم وخلاص
قلولي عندكم عباد هكا فحياتكم ولا غير انا لي مبلية بيهم

 

[Hakan]

على حساب شخصية البنادم ،كاين لي مخلوق هذا هو إنسان ضعيف ما عندوش شيء لي يقدر يحقق بيه الشخصية في المجتمع نتاعو ما يصيب غير يلوي لسانو ، كل واحد يهدر بلهجة نتاعو ، وكي تشوفي انسان مبلي في لسانو وغير يدبل في اللهجة نتاعوا تعرفي بلي هاذ الانسان ما يهنيش و مكاين والو .

 

[أفنانوه]

على حساب شخصية البنادم ،كاين لي مخلوق هذا هو إنسان ضعيف ما عندوش شيء لي يقدر يحقق بيه الشخصية في المجتمع نتاعو ما يصيب غير يلوي لسانو ، كل واحد يهدر بلهجة نتاعو ، وكي تشوفي انسان مبلي في لسانو وغير يدبل في اللهجة نتاعوا تعرفي بلي هاذ الانسان ما يهنيش و مكاين والو .

يتني زعما ضعف شخصية

 

[إلياس]

كل شخص لهجته و عليه قول كلام صواب بدل قول البذيء عنه

 

[الرومانسي الجاد]

نورماال خوناا ديفوا تتحتم تخكي علا حساب الجماعة.. وديفوا نقلبوها شاوية لي فهم فهم ولي مافهمش يتوسوس عادي الله يسهل عليه ماشي شغلنا ههه
المليحة في بلادنا بزاااف لهجات وبزاااف عقليات... تع آلجي صح كاين هديك تاع الكابيتال وحنا الفري ليزوم والHD مي نورماال حقهم... و كاين لي ال"غ" يقولوها "ق" ونورماال ههه سورتو بريكة.. الغرب كيف كيف كاين شوي حروف شكلة كبيرة بصح أومبيونص

كاين وحد مجموعات فتيليغرام والfB سبيسيال تنمر علا الولايات ضحك ولعب عادي ناس عدات هدو صوالح مبقاش كيما زمان... ونقه نقه في خاطر ماساكراا هههه

 

[وۣۗهۣۗہۣۗم]

كاين ناس هكداا هوما يحكوو بال ق وكاين طبعاا اللى متصنعين مي الواحد يبان الى موالف بيها موالف واللى مش موالفها يزلق لسانوو عليهاا طبعاا كل منطقة وكيفاه اللهجة تاعهم اللى تميزهم مفيهاش عيب كل واحد يكون على طبيعتوووا

 

[أفنانوه]

كاين ناس هكداا هوما يحكوو بال ق وكاين طبعاا اللى متصنعين مي الواحد يبان الى موالف بيها موالف واللى مش موالفها يزلق لسانوو عليهاا طبعاا كل منطقة وكيفاه اللهجة تاعهم اللى تميزهم مفيهاش عيب كل واحد يكون على طبيعتوووا

ايوووه وانا هذة لي نقصدوووو علاش التصنع هذا
نحسوا حاجة بيزار

 

[secret de coeur]

حنا في تلمسان عندنا أ و الق و ال ڨ
والكل يضحك ع الكل
انا نهدر كيما نبغي ومعلابالي حتى بواحد
وماشي المهم اللهجة الي تحكي بيها الكلام بذاتو يحدث فرق.

 

[السلطانة]

لي يحشم بهدرتو غير،لمعقد


انا بنت ڨالمة ونهدر بال ڨ

يعني علاه نتأثر،بهدرة العاصمة ولاسكيكدة ونهدر بال ق

نشوفها نقص وتصنع

 

[أفنانوه]

لي يحشم بهدرتو غير،لمعقد

ههه صح اختي والله

انا بنت ڨالمة ونهدر بال ڨ

الله يبارك خيار الناس

يعني علاه نتأثر،بهدرة العاصمة ولاسكيكدة ونهدر بال ق

فارغين شغل هههههه

نشوفها نقص وتصنع

يب يب

الموضوت هذا سبب لي ازمة هههههه
باسكوا عائلتي زعما كامل تحلبوا ويهدرولك بل ق مرة عمرة يزلق لسانها وتقول ڨ
وجها يتبدل هههههه

 

[Adem4dz]

ڨ ڨ ڨ هههههه

 

[أفنانوه]

ڨ ڨ ڨ هههههه

عيب

 

[Adem4dz]

عيب

ق ق ق ههههههه

 

[Adem4dz]

رانا نضحكو برك واش من عيب بنيتي ههههه

هي صراحة .. هذا الامر يعود للثقة بالنفس بالدرجة الاولى كما ذكر بعض الاصدقاء ''شخصيا رأيت من ينطق ث بدلا من التاء محاولا تقمص لسان الآخرين .. وهذا هو الغباء بحد ذاته !!

 

[فادي محمد]

كل واحد وشخصيته وتربيته وهناك بشر لما يربحو يتبدلو