واش راكم مع الغلاء والتضخم ؟

[خيرة الوهرانية]

والله غير نورمالمون نقابات الوظيف في الجزائر كلها تدخل اضراب وطني مفتوح بسب بغلاء الأسعار والتضخم لي راه صاري .. يا سبحان الله دولة عاجزة عن تنظيم السوق بالنسبة للمواطن البسيط وفي نفس الوقت تخلي شركات وطنية مثل سونطراك تبذر مال الشعب على كرة القدم لي ما فيها حتى فائدة للدولة وتضيع فيها الاف الملايير والموظف المسكين تزيدلو 100 الف وتخليه يقابل التضخم والغلاء وحدوو ؟! كيفاه تعيش براتب من الحقبة الاشتراكية تاع 4 ملاين و5 ملاين أمام هذه الأسعار الفلكية؟؟مكاش توازن قاع الأسعار ارتفعت بأكثر من 6 أضعاف بش تقدر تواكب هذا التضخم لازم الراتب يتضاعف 6 مرات ثاني ولا كيفاه ضك؟ راسك يبلوكي والله فهمونا وش راه صاري الواحد راسو راه راح يحبس!

 

[secret de coeur]

هادي بلادنا.
مزالنا نخلصو خلصة تاع الفين وحنا عايشين في 2023
كلش غلا
تجي تشري باش تلبس النار
تشري باش تاكل النار
تركب في تاكسي يركبك 200 متر يقول هاتي 150 دج
والضرائب زادو كلش زاد والخلصة مزال تطلع غير كيما كونكسيون ثقيلة في دزاير
زوج حوايج مطلعوش الخلصة والكونكسيون
ربي يعون مول لوليدات ( يعين لوليدات على وجه الخصوص مساكن يشوفو بعينيهم

 

[الامين محمد]

حجز مكان لي عودة

 

[أفنانوه]

ربي يكون فالعون وخلاص
الحالة كلما تصعاب
ان شاء الله فيها خير

 

[ذكريات]

يعطيك الصحة على الموضوع الي الواحد يكتب جرنان وما يكفيش، العصابة خونت وحنا رانا نخلصو سلخو الشعب باش يردو أموال الدولة الي مانعرف فاين راها، ربي يهديهم زادونا أزمة السكر هاد اليامات. حتى نتوما راه مقطوع عندكم؟ ولا غي تلمسان وصل ينباع 150دج للكيلو واقيلا باغي يسقفوه حتى هو، كما لحم الدجاج.

 

[ᴹᴿ᭄𝕯𝖎𝐯𝖊᭓]

يعطيك الصحة على الموضوع الي الواحد يكتب جرنان وما يكفيش، العصابة خونت وحنا رانا نخلصو سلخو الشعب باش يردو أموال الدولة الي مانعرف فاين راها، ربي يهديهم زادونا أزمة السكر هاد اليامات. حتى نتوما راه مقطوع عندكم؟ ولا غي تلمسان وصل ينباع 150دج للكيلو واقيلا باغي يسقفوه حتى هو، كما لحم الدجاج.

في الرمشي لقاو اكياس سكر مدعم في لابوبال تسما فرغوه في شكاير و باعوه فراك تع 9 لاف راكم تشرو فيه 15 ألف

 

[ذكريات]

في الرمشي لقاو اكياس سكر مدعم في لابوبال تسما فرغوه في شكاير و باعوه فراك تع 9 لاف راكم تشرو فيه 15 ألف

راحنا نشروه ب150دج هاذ الأزمات كثروا وكل مرة تقفر مادة أساسية في الغذاء، بلا ما نحكو على غلاء مكسرات الفقراء الي هي (لوبيا عدس وحمص ) وخلقونا عصابات من التجار، الله يجيب الخير، وكما قالت الأخت

يا سبحان الله دولة عاجزة عن تنظيم السوق بالنسبة للمواطن البسيط وفي نفس الوقت تخلي شركات وطنية مثل سونطراك تبذر مال الشعب على كرة القدم لي ما فيها حتى فائدة للدولة وتضيع فيها الاف الملايير والموظف المسكين تزيدلو 100 الف وتخليه يقابل التضخم والغلاء وحدوو

وهي حكات على الموضف الي شهريتو مضمونة، ومذا عن الخدام جورني الي مرات كما يخرج من دارو يرجعلها بلا خدمة بلا مدخول؟؟؟

 

[Hakan]

بالنسبة لكرة القدم ماعندها حتى معنى ،هاهي السعودية تخلص بدراهمنا بما يفوق ال1000 مليار ،ومع ذللك شعبها عايش ،زيدي اوروبا مكانش واحد من شعب قال علاه تخلصوا لي جوار ، هنا رانا متفقين ان شاء الله .

نبداو بالهدرة نتاع الصح :
الدينار الجزائري راهو في الحضيض بسبب انو ما عندناش اقتصاد قوي ،كثر خير البترول لي من عند ربي سبحانه ،
اما المجالات الاخرى يا ربي تغطي 3 بالمئة من من 97 بالمئة يغطيها البيترول ،

الأجر الادنى راهو من 2008 ما تبدلش ،الاستاذ كموظف هذاك الوقت كان يخلص 3 ملاين تكفيه ويعيش اما حاليا نزيدو مليون و التضخم راهو فاق 400 بالمئة يعني
كيلوا قهوة في 2008 كان يدير 360 دينار حاليا راهو 1100 وقهوة عادية يعني ماشي حاجة فور وشوفي اقسمي هذا السعر نتاع القهوة الجديد تلقايه ثلاث أضعاف السعر في 2008 يعني ،لازم على الأقل الراتب الشهري يتضاعف ب 3 مرات باش ناس تولي تقدر تعيش برك .

أخيرا كما قالوا ناس بكري حنا رانا مقصرين مع ربي سبحانه و البركة ديجا راحت وناس ولات تسرق تصيبي موظف يخلص راتب يتعدى للرشوة غير باش يقدر يعيش وهنا الامتحان نتاعنا عند ربي سبحانه ،و ناس ما ولاتش تقدر تعيش كما بكري ،
لازم كل يوم يضرب الكماليات مانيش نعني انو ماحقناش مي الانسان نتاع الوقت الحالي حاب يعيش رفاهية بشهرية سنوات الضياع ، ربي يطرح البركة و يهدينا و يباركلنا في ارزاقنا .

 

[Eay98]

صدقتي أمس طلعت باه نشري معجون أسنان كنت نشري فيه 75نلف توا ولا 95تسنلف يالاطيف الله المستعان ♡♡

 

[sana barhoumi]

والله غير نورمالمون نقابات الوظيف في الجزائر كلها تدخل اضراب وطني مفتوح بسب بغلاء الأسعار والتضخم لي راه صاري .. يا سبحان الله دولة عاجزة عن تنظيم السوق بالنسبة للمواطن البسيط وفي نفس الوقت تخلي شركات وطنية مثل سونطراك تبذر مال الشعب على كرة القدم لي ما فيها حتى فائدة للدولة وتضيع فيها الاف الملايير والموظف المسكين تزيدلو 100 الف وتخليه يقابل التضخم والغلاء وحدوو ؟! كيفاه تعيش براتب من الحقبة الاشتراكية تاع 4 ملاين و5 ملاين أمام هذه الأسعار الفلكية؟؟مكاش توازن قاع الأسعار ارتفعت بأكثر من 6 أضعاف بش تقدر تواكب هذا التضخم لازم الراتب يتضاعف 6 مرات ثاني ولا كيفاه ضك؟ راسك يبلوكي والله فهمونا وش راه صاري الواحد راسو راه راح يحبس!

هو في الأصل فما زوز إحتمالات إما إرتفاع سعر صرف العملات الأجنبية أو إنخفاض سعر صرف الدينار الجزائري يعني مثال 1 السعر العالمي إرتفع إلى 15 دولار أو بقي السعر العالمي 10 دولارات لكن إنخفاض سعر صرف الدينار الجزائري وفي الحالتين ما عادش تخلط على حتى موضوع.

 

[إلياس]

ربي يجيب الخير إن شاء الله

 

[ام أمينة]

الله المستعان .......
دون تعليق

 

[فادي محمد]

الشعب الجزائري راه يعاني معاناة كبيرة كل شيء زاد الا الأجور وتوقيف الاستيراد كمل عليها وانخفاض الدينار ربي يعاون الموظف الذي أصبح من الطبقة الفقيرة