وين رانا رايحين مع هذا الجيل

[ᴹᴿ᭄𝕯𝖎𝐯𝖊᭓]

نداء الى الاولياء .
ارجعو للفلفل حار ولهريسة ..وخبز الشعير والنخالة والدشيشة ارجعو للبساس والخرشف أرجعو للكرطوس والهندي ارجعو للروينة والقمح ارجعو للدجاج العربي ولعظام العربي كولو الحمص والفول ولعدس ولعصايد .
الجيل هذا ضاع ..مهوش تاع معاملة حسنة .
الجيل هذا يحب غير ياغورت أكتيفيا ولا دانون ويحب البيتزا والطاكوس ولكراب والسوندويشات .
الجيل هذا حاكم على والديه فطور الصباح
كسرة بزيت الزيتونة وعصيدة سخونة وحليب
وزبدة البقرة .
جيل يموت على الشورما والكاسكروت والاندومي
جيل حتى والديه حرمهم من شويا محمصة وروينة بالقمح والشعير وصحن شخشوخة الكسرة بشويا بصل .
قداه من أم ولت حتى لعشاء تعمل زوز عشاوات .
وين رانا رايحين مع هذا الجيل .
وين راهي ماكلة زمان وريحة زمان .

 

[secret de coeur]

لكان غير جات فالماكلة سلكت
وقت راه صعيب
والحار يضر فليسطوما مابقاتش صحيحة
الجيل يتبدل يتبدل لا محالا
ودك يجي وقت هادو تاع دك يوليو يقولو ياحسراه حنا كنا خير
...

 

[إلياس]

صراحة هذا الجيل تقليد اعمى للغرب الكافر الذي لا يسمن و لا يغني من جوع

 

[timatcho]

ربي يجيب الخير

 

[خديجة ph]

هههههه
أنا راني فيها
كل يوم العصر تلقايني نخمم واش ندير العشاء
حيرونا
اصلا راجلي والف الأكلات السريعة ما ياكل لا تليتلي لا تريدة لا جاري لا رشتة ما يحملش ريحة الغنمي لا طاجين الزيتون لا جلبانة لا لوبيا خضراء لا روز لا كرشة لا عصبانة لا فريك لا عدس لا طبيخة خضروات لا بروكلي لا بطاطا بيضة ما ياكلش الأبيض تاع البيض لا محمصة لا غراتان خضروات في الفور
يحب المقلي السندويشات وكل الأكلات الحلوة طاجين حلو الشباح الغرايف المسمن المبرجة الرفيس و اللحم ياكله فقط مشوي ما يحبش الطايب و لازم كي نشويه ما تطلعش ريحة الشوي ولازم يكون سخون
و فوق هذا عنده سكري تاع الأنسولين
ساعات نقول نبطل الطبخ و الله مخي يتقسم
و الاولاد اكيد عندهم طلبات أخرى و البيبي تأكل المرحي
قلبي معمر هههههه
سلام

 

[إلياس]

هههههه
أنا راني فيها
كل يوم العصر تلقايني نخمم واش ندير العشاء
حيرونا
اصلا راجلي والف الأكلات السريعة ما ياكل لا تليتلي لا تريدة لا جاري لا رشتة ما يحملش ريحة الغنمي لا طاجين الزيتون لا جلبانة لا لوبيا خضراء لا روز لا كرشة لا عصبانة لا فريك لا عدس لا طبيخة خضروات لا بروكلي لا بطاطا بيضة ما ياكلش الأبيض تاع البيض لا محمصة لا غراتان خضروات في الفور
يحب المقلي السندويشات وكل الأكلات الحلوة طاجين حلو الشباح الغرايف المسمن المبرجة الرفيس و اللحم ياكله فقط مشوي ما يحبش الطايب و لازم كي نشويه ما تطلعش ريحة الشوي ولازم يكون سخون
و فوق هذا عنده سكري تاع الأنسولين
ساعات نقول نبطل الطبخ و الله مخي يتقسم
و الاولاد اكيد عندهم طلبات أخرى و البيبي تأكل المرحي
قلبي معمر هههههه
سلام

ربي يقدرك إن شاء الله

 

[أبو عاتكة]

جانب مظلم من طبيعة هذا الجيل وهو الانقطاع عن أسرته وهذا امر خطير وقد يساهم فيه الاولياء بطريقة متعمدة او غير متعمدة
كل ماذكرت وغيره من التصرفات التي تحولت الى اسلوب معيشة سببه الاساسي انقطاع نفسي عن الاسرة الولد لا يشعر باي انتماء وصلة ومنه لا يشعر باي التزام من طاعة او احترام ومنه الاستقلال بشخصيته كعضو غريب في جسد اسرة مترامية الاطراف
لو كان الولد يشعر بصلة قوية وثابتة مع امه لاحب كل ما تطبخه او تنجزه له لكن مثلما نرى قد يذمها ويشتمها بسبب طبسي عدس
بينما يمكنه ان يتناول كسكروط معفن في الشارع لانه يشعر بانتمائه الى هذا الشارع الذي يحتضنه ويتحمل تمرده.

 

[sana barhoumi]

الجيل هذا مستانس بال-delivery وفي هذه الازمنة معناها الزوجة تعمل طلبية للطعام والزوج يدفع ثمن الأكل بالإضافة إلى الصغار تعطيه أموال لشراء أكل منتصف النهار في الشارع ما يرغم الزوج على متابعة قنوات الطبخ لأنه يعلم أن هذا الأكل كله أمراض أو الزوج هو من يطبخ والمرأة تهتم بجمال أظافرها.

 

[SOFIANE020]

جيل هزيم الرعد ولا اني غالط

 

[saho souhila]

ههههه منعرف علاه بقيت نتخيل فيها بلصوت
كيما قاتلك secret مجاتش غي فلماكلة لماكلة ساهل كاين صوالح كبار لحقنالهم

 

[ام أمينة]

واش نديرو الوقت يقول هكذا ...
ربي يقدرنا

 

[بدر الليل]

للأسف ضاعت الاخلاق وهي اهم حاجة لازم تتوفر في الانسان ، وربي سبحانو كيتكلم على الرسول صلى الله عليه وسلم قال : (إنك على خلق عظيم)