مشكلتي إستفسار حول لونكات تحقيق الزواج من عسكري

[مشكلتي]

السلام عليكم ورحمة الله وبركاته راسلتكم للإستفسار تقدم لخطبتي شاب يعمل في الجيش و أنا لدية قضية سابقة في المحاكمةهل يأثر ذلك على الزواج تخرجلهم في لونكات؟

 

[secret de coeur]

وعليكم السلام ورحمة الله وبركاته

معنديش فكرة اختي، بصح ماشي كامل القضايا تؤخذ بعين اعتبار على حد علمي ، مهم ماشي مساس بالدولة ولا الخيانة(خيانة الدولة)
ربي يسهلك ويتمملك بالخير

 

[الامين محمد]

عادي مافي حتى حاجة اللي تقلق
اجراء روتيني بسيط و سهل

 

[إلياس]

لستخري الله عزوجل أن شاء الله فيها خير و زيدي اسئلي عليه

 

[خديجة ph]

كيما قالت الاخت قبلي القضايا تختلف
كاين قضايا تفوت عادي تاع اموال و تجارة و قضايا الخلافات العائلية عادي
اللي ما تفوتش تاع الامن تاع الدولة و الجنح الاخلاقية ربي يعافيك قضايا الدعارة
ربي ييسرلك انت توكلي على ربي ما تخافيش

 

[الروسي]

كل القضايا يتجاوزو عليها عادي الا قضايا الاختلاس والشرف

 

[إيمان عاصي]

السلام عليكم ورحمة الله وبركاته راسلتكم للإستفسار تقدم لخطبتي شاب يعمل في الجيش و أنا لدية قضية سابقة في المحاكمةهل يأثر ذلك على الزواج تخرجلهم في لونكات؟

اختي تعيشي جاوبيني أثرت عليك القضية في لونكات ؟؟؟؟؟؟؟؟؟

 

[المتفائلة بالله]

عليكم جميعا
انا تقدم لخطبتي عسكري (يخدم فالسجن العسكري) و درنا لونكات عيطولي و سقساوني و طلبو مني بعض الأوراق ديتهملهم لكن رانا في قريب تلاث أشهر مزال مرجعولناش و انا راني خايفة عندي مشكل و لي هو الأب تاعي عندو جنسية مغربية لكن زايد هنا فالجزائر و حتى فالجنسية المغربية كاتبين بلي زايد هنا فالجزائر أيضا و عندو برمي جزائري لكن الجنسية معطاوهالوش في شعال و هو يجري عليها و معطاوهالوش هل يمكن يرفضو بسبب هذا المشكل قولولي من فضلكم و اذا رفضو هل كاين حل وحداخر نقدرو نديروه جاوبوني تعيشووا من

 

[md amine]

عليكم جميعا
انا تقدم لخطبتي عسكري (يخدم فالسجن العسكري) و درنا لونكات عيطولي و سقساوني و طلبو مني بعض الأوراق ديتهملهم لكن رانا في قريب تلاث أشهر مزال مرجعولناش و انا راني خايفة عندي مشكل و لي هو الأب تاعي عندو جنسية مغربية لكن زايد هنا فالجزائر و حتى فالجنسية المغربية كاتبين بلي زايد هنا فالجزائر أيضا و عندو برمي جزائري لكن الجنسية معطاوهالوش في شعال و هو يجري عليها و معطاوهالوش هل يمكن يرفضو بسبب هذا المشكل قولولي من فضلكم و اذا رفضو هل كاين حل وحداخر نقدرو نديروه جاوبوني تعيشووا من

واش ختي قبلوا الملف ولا لالا

 

[habib2]

لونكات كلش يجبدوه، ولكن بعض القضايا يوجد رد الاعتبار ، وبالتوفيق

 

[habib2]

عادي مافي حتى حاجة اللي تقلق
اجراء روتيني بسيط و سهل

لا مافي عادي ، يطلبولك على صحيفة احكام القضية ، او نسخة من رد الاعتبار