تم الإجابة استفسار بخصوص الخدمة الوطنية

[Tchop]

السلام عليكم
انا لوردبال الأولى جاتني تسما لازم نطلع في جانفي هذا ، هل في هاذي الحالة نقدر ندير سورسي بديبلوم تاع تخرج 2024 لاني محتاج سورسي ؟
هل نسنا حتى يغلقوا و نروح لمكتب التجنيد؟

و ثانيا انا عندي ورقة من عند طبيب لي كنت نداوي عندو ( سرتفيك ميديكال جبتها في صيف بسبب رعاف نعاني من لي كنت صغير ، جرح في الانف تم معالجته لكن عاود تفتح ) ممكن في هذي لحالة ندي اعفاء طبي ؟
و بارك الله فيكم

 

[إلياس]

دير الفحص الطبي احسن ليك إن شاء الله فيها خير

 

[Oussama.GF]

مريت بالحالة نفسها لكن وش نقدر نقلك
سورسي راهي تمثل مدة المعينة لي تدرس فيها يعني ادا خلاصت متقدرش تدفع شهادة تاعك كا سورسي لأن سورسي يطلب منك شهادة مدرسة
انا حالتي كنت نقرا في معهد وبعثولي لوردبال الاولى مرحتش ليهم حتان كملت المعهد دراسة ومن ثم دخلت جامعة نقرا قدمت لهم شهادة مدرسة جامعة لحد الان موصلتنيش لوردبال ثانية
بالنسبة لملف الطبي وجد كل الاوراق طبية وادي معك وش يطلبوا منك في مكتب التجنيد مثل شهادة اقامة شهادة ميلاد صور و ديبلوم وملف طبي
اما ادا كنت عند حالة عائلية انك تقدر تتكفل بالعائلة تاعك يمكن توجد دوسي تاع الكفالة
اظن يتكون من شهادة الجامعية او شهادة المعهد وثيقة تثبت حالتك بالتكفل بالاسرة تاعك تخدمها في بلدية و ايضا صور وشهادة ميلاد وشهادة اقامة وشهادة بطالة الوالد تاعك او والدة ادا كانوا عاطلين على عمل او لديهم مرض معين عفنا الله او وفاة بعد شر
نورمالموا هدا وش راني فاهم نشاله يكون فادك وش قتلك