منتدى عالم الرجل الخاص 🥴🤣🤣؟؟؟

[♡كارينا♡]

السلام عليكم ..اعضاء اللمه جميعا خواتي وخياتي وشراكم ؟؟واش اخباركم؟؟ ان شاء الله تكونو كامل لباس .وشراكم مع الصيام ؟؟ .​

ربي يتقبل صيامكم وقيامك وصالح اعمالكم ..​

صراحه عندي مدة ما دخلتش لجهة منتدى "واش راك تهدر" ايا اليوم قلت نفوت نكسر شوية سكر عليكم ..دورت دورت مالقيتش على واش نكتب ..لكن ضربت في راسي واحد الفكرة ..انا الصح عندي مدة نخمم فيها لكن اليوم برك قلت نطرحها ونشوف رايكم فيها . ولي هيا ..علاش هنا ماشي دايرين ركن خاص بعالم الرجل الخاص ؟؟؟؟​

فأنا قررت ننقلب من محامية على حقوق المرأة {ياسر فيها بركه حقوق المرأة} الى حقوق الرجال وندافع عليهم شوية مساكن ..علبالي بلي رايحين يزعفو لبنات بصح الله غالب ياسر زودناها ..جاء دورهم ..​

المهم نولي للموضوع ولي هو منتدى عالم الرجل واش رايكم لوكان انتوما الرجال ديرو اضرابات ومظاهرات #سلمية#باش يديرولكم منتدى خاص بيكم {مارانيش نحرض على انقلابات وكذا ونعمر في الشعب ومنا وملهيه ..يروح بالكم انتوما الادارة بعيد } ..¤نقصر برك¤​

لكن يبقى السؤال لي محيرني هو ..لوكان يديرو منتدى واش راح يكون محتواه ياترى . ​

ميكانيك السيارات🏍 ..الماتش️ ..الماكلة🍽..الدومينو..واش عندكم اهتمامات والله ماعرفت احترت الصراحه !! ​

ايا قولونا درك واش هي اهتماماتكم ؟؟ واش رايكم في الفكرة؟؟

تذكير كتبت الموضوع باللون الازرق باش يكون سبيسيال لذكوووور
​

 

[أبو عاتكة]

منتدى عالم الرجل اذا نوينا انشائه سنخصص مساحة كبيرة في للتقيال والرقاد ونهار الجمعة والسبت ممنوع المشاركة فيه على جال الحس باه نصبحوا
نديرو فيه ركن قهوة وركن بومبديصونص وركن لركن السيارات
باقي الايام مارشي

هذا هو منتدى الرجال الخاص

 

[السلطانة]

هههههه كان كاين منتدى الرجل الخاص

ولأنهم كسالى غلقوووه


مهمش نشيطين

 

[Hakan]

ياودي الواحد ما عندوش مراية في دارو عندي مدة ما شفتش وجهي ، نغسل وجهي بالماء برك هههه
زعما وش راح نديرو فيه ، مواضيع .
الموضوع الاول كيف تنقذ راتبك الشهري من براثن زوجتك و امك ؟ ههه .
المهم الا فتحتوه

 

[dahman kz]

هو كان كاين القسم هذا غي لمنتدى وغلقوه
لانو ماكانش فيه نشاط كبير
وعلى العموم الرجال ماعندهمش امور خاصة كثيرة وماعندهمش اهتمام كبير بامورهم الخاصة ولهذا مالقاش تفاعل

 

[♡كارينا♡]

منتدى عالم الرجل اذا نوينا انشائه سنخصص مساحة كبيرة في للتقيال والرقاد ونهار الجمعة والسبت ممنوع المشاركة فيه على جال الحس باه نصبحوا
نديرو فيه ركن قهوة وركن بومبديصونص وركن لركن السيارات
باقي الايام مارشي

هذا هو منتدى الرجال الخاص

ههههه يعطيك الربح هذا منتدى ولا استجمام فهمني
امالا نص رقاد ونص لاخر اقلبوها سوق الجمعه وتاني واحد مايديرلكم الحس ...باينه على هذا مادارولكمش منتدى خاص بكم عندهم الحق ..كسالى

 

[♡كارينا♡]

هههههه كان كاين منتدى الرجل الخاص

ولأنهم كسالى غلقوووه


مهمش نشيطين

اول مرة نعرف بلي كان كاين منتدى خاص بالرجل
طبعا ماراهمش نشيطين واش راح يكتبو مثلا طلة على خزانتي لمخير فيهم عندو زوج تركوات وسروال وكلاكيت ولا صباطك تحت المجهر وهوما عندهم صباط.واحد يلبسوه في قاع المناسبات ههههه

 

[لمعانُ الأحداق]

استعمالك لِلَّون الأزرق
اهتمامك بالتفاصيل >>>>>>

 

[♡كارينا♡]

ياودي الواحد ما عندوش مراية في دارو عندي مدة ما شفتش وجهي ، نغسل وجهي بالماء برك هههه

هههه كي شغل روتين الاعتناء بالبشرة تاعك خخخخخخ ايا واش هي المنتوجات لي تستعملهم واش رايك في سيرافي ولاسواليس ولا ابو سعد واش هو سر جمال بشرتك ونقائها لك الخط

زعما وش راح نديرو فيه ، مواضيع .

منعرف اهتمامتكم ياخو ..وش بيكم لا اهتمامات لا مواضيع لا والو ..حياتكم الذكورية واش فيها ️🏍🏍

الموضوع الاول كيف تنقذ راتبك الشهري من براثن زوجتك و امك ؟ ههه .

ياحفيظ علاش عليك ..احنا تسما مبذرات ومفسدات ..يخي كل رمضان نشرو عشر ملاين ماعن من بعد نطيبو في تاع العام لي فات .ونشرو سبعين الف بدلة من بعد نحطوهم في لخزانه بلا مانلبسوهم ولا الدوش مليون شامبو وجال دوش وغسول وماسك وهاسك وباسك بلا مانستعملوهم . وبرك هذا ماكان حرام عليك تتهم فينا باطل

المهم الا فتحتوه

الا فتحوه ..ماشكيتش ..مجرد فكرة قلت نضحكو شوية هذا ماكان ​

 

[♡كارينا♡]

هو كان كاين القسم هذا غي لمنتدى وغلقوه
لانو ماكانش فيه نشاط كبير
وعلى العموم الرجال ماعندهمش امور خاصة كثيرة وماعندهمش اهتمام كبير بامورهم الخاصة ولهذا مالقاش تفاعل

فعلا ..ماعندكم والو في حياتكم
كي شغل فاتو النساء على حياتكم دمرو كامل اموركم الخاصة فرد خطرة لبسة وداوها صبابط وداوهم ماكلة وداوها ..والرقاد وداوه هاد الوقت التالي ..ولاو حتى هوما يرقدو كامل ماينوضوش
بصح عندي فضول ..جامي حطو موضوع فيه . ولا مرة ... زعما كي حطو مواضيع واش كان محتواهم الماتش ولا واش ؟؟؟

 

[♡كارينا♡]

استعمالك لِلَّون الأزرق
اهتمامك بالتفاصيل >>>>>>

أكديلي على هاد العفسة تحديدا ..درتها على جالهم وتضامنا معاهم ..مساكن ​

​

معليش قولنا نتهلاو فيهم شوية ​

 

[♡كارينا♡]

ايا نشوفو واش راح يقولو خاوتنا
@حاتم خليفة
@إلياس
@الامين محمد
@العنقاء 2

 

[♡كارينا♡]

@يونس قاسم
@ الطيب الجزائري
@يوسفى

 

[لمعانُ الأحداق]

أكديلي على هاد العفسة تحديدا ..درتها على جالهم وتضامنا معاهم ..مساكن ​

​

معليش قولنا نتهلاو فيهم شوية ​

مانعرف علاه حسيت حياتهم بسيطة و حنا لي مساكن ​

 

[♡كارينا♡]

مانعرف علاه حسيت حياتهم بسيطة و حنا لي مساكن ​

 

[Fethi.dz]

نزولا عند طلب الاغلبية تم اضافة القسم وتحويل المواضيع له ...










طبعا تم اضافته قبل عام 2022 لانه تم الغاءه في تلك السنة

 

[لمعانُ الأحداق]

الموضوع من فكرة عابرة و مزحة رجع صح
بصحتكم ^^

هيا باركيلهم @♡كارينا♡

 

[dahman kz]

بصح عندي فضول ..جامي حطو موضوع فيه . ولا مرة ... زعما كي حطو مواضيع واش كان محتواهم الماتش ولا واش ؟؟؟

كانت فيه مواضيع تخص صحة الرجال
ومواضيع الحياة الزوجية
وكيفاش يهتم الرجل بنفسه من اجلها
وكيفاش يمشي و يترشق قدامها
اشيا من هذا القبيل

 

[♡كارينا♡]

نزولا عند طلب الاغلبية تم اضافة القسم وتحويل المواضيع له ...

مشاهدة المرفق 169561


مشاهدة المرفق 169563





طبعا تم اضافته قبل عام 2022 لانه تم الغاءه في تلك السنة

صحيت
ايا زيد دير بحذاه لوحه اعلانات تكون كبيرة وفيها اضواء ملونة واكتب فيها ..#تم فتح المنتدى بعد مجهود كبير وجبار وضخم من الاخت كارينا كابور قدمو لها تحياتكم وشكركم على جهدها المبذووول يا رجال اللمة#

 

[لمعانُ الأحداق]

الموضوع من فكرة عابرة و مزحة رجع صح
بصحتكم ^^

هيا باركيلهم @♡كارينا♡

اصبري ماشفتش الجملة المظللة
الCapture هذيك هاربة من 2022 برك