افضل مزيل عرق ..رأيكم ؟؟؟

[ام أمينة]

والله ماعلابالي انا شريتو عند زهير كوسميتيك في بلكور وعندو تاني في سطاوالي
إما ليكوسميتيك لخرين والله ماعلابالي

خلاص عرفتو موالفة نشري من تم
كاش نهار تديني الطريق نروح نجرب خير من الستيك

شكرا غاليتي

 

[ام أمينة]

@ام أمينة كاين اختي في les grandes surfaces
انا شفت هاد لامارك في شحال من محل سرتو الي خاصيين بعناية الشعر بصحصراحة مقربتش نشوف جاتني السومة غااالية بزاف على منتج محلي مي كي قالت هند بلي مليح وافيكاس يعني نشري وانا مغمضة عويناتي

دك المحلات لكبيرة راها حاطة كوان لكل ماركة

انا لي قراب ليا ما شفتس هاد الماركة عندهم
شكرا لكِ

 

[♡كارينا♡]

والله ماعلابالي انا شريتو عند زهير كوسميتيك في بلكور وعندو تاني في سطاوالي
إما ليكوسميتيك لخرين والله ماعلابالي

واش الرائحه تاعه ؟؟ معطر ولا عادي ؟؟ فيه انواع ولا ريحه وحدة ؟؟

 

[♡كارينا♡]

سلام
الموضوع مهم لأنو فعلا قدما ينبهونا عن انواع مزيلات العرق حتى نجربو باش نفهمو
كنت نستعمل دوف دايمن وهو من ناحية النتيجة ماشاء الله ولا مرة كنت حابة نغيرو
فجأة مرضت من الإبطين وهرج لي كتل في كلا الابطين مؤؤلمة بشكل لايوصف و متعددة و بدات تزيد مع الوقت وهي داخلية في الاول الطبيبة ماعرفت التشخيص وقعدت تقريبا أكثر من اسبوعين و انا نشرب في مضادات حيوية قوية و مراهم و مع ذلك ما تحسنش الوضع
غيرت الطبيبة و الحمد لله مع العلاج تحسنت لكن الأمر الحمد لله فقتلو في البداية و إلا كون غفلت على العلاج. وتكرر الامر يولي يدير خراج وكاين ناس يوليلهم مزمن نسأل الله السلامة و العافية
لذلك الان راني متوقفة على استعمال ستيك لما نكون في البيت الحمد لله نقدر نستحم في اي وقت نحب حتى لو كان حر
اما لما نخرج في يوم حار او مناسبة مستعمل مزيل عرق خاص خالي من كل المواد وخصيص للمرضى
ومع اقتراب الصيف قادرة نرجع للوصفة الطبيعية كانت حطتها احدى الأخوات هنا في المنتدى
وهي بزيت جوز الهند وزيت الورد مع البيكاربونات و النشاء
صحتكن أهم من اي شيء حبيباتي فانتبهن

ربي سترك .الحمدلله لي خرجتي سلامات ...والله انا صراحه عندي سنين نستخدم فيه عادي مادارلي حتى تأثير بلاك انتي تحسستي ..عندك حساسية تجاه مكون من مكوناته ..منعرف . .الحمد لله على سلامتك ..ربي يحفظك على معلومة

 

[Oktavio_hinda]

واش الرائحه تاعه ؟؟ معطر ولا عادي ؟؟ فيه انواع ولا ريحه وحدة ؟؟

ريحته شانيل خفيفة تحسي ريحة النقى خفيفة وكي تعرقي تخرج غير ريحتو ويشد أكثر من 48 ساعة

 

[faith8]

تع دوف مليح بصح فيه المنيوم لذلك بدليه بهادا خالي منه وغير مضر بالصحة

 

[طمطومة مصطفى]

​

​

ماهو افضل مزيل عرق ؟​

عن تجربة منكن ؟؟​

​

مشاهدة المرفق 171118مشاهدة المرفق 171119مشاهدة المرفق 171120مشاهدة المرفق 171121مشاهدة المرفق 171122

بالنسبة لي forever بلا منازع، لكن لم تعد متوفرة الآن. أستبدلها بكريمة مزيلة العرق séduction

 

[habib2]

نيفيا الافضل