ذكرياتكم في و مع المدرسة .......

[ام أمينة]

السلام عليكم و رحمة الله تعالى و بركاته

ذكرياتكم في و مع المدرسة .....

كنا صغار و ذهبنا إلى المدرسة

من الإبتدائية إلى المتوسطة و الثانوية

و لنا مع كل مرحلة ذكريات في المدرسة أو مع المعلمين و المعلمات و مع التلاميذ و الطاقم التربوي

سواء ذكريات جميلة من نجاحات و تفوقات أو تكوين أصدقاء و صديقات الدراسة و كسب محبة المعلمين .......و غيرها

أو ذكريات سيئة كرسوب أو نقاط سيئة أو تعرض للعنف أو التنمر ..... و غيرها

حبيت كل من مر في هذا الموضوع
يحكيلنا في أي سنة تمدرس و ماهي الذكريات التي لازلتم تتذكرونها
و هل كنتم تحبون الدراسة أو لا ؟
و هل كنتم متفوقين أو لا ؟

حتى الذين يدرسون حاليا

و احكيولنا على مواقف صراو معاكم في المدرسة

أتمنى مشاركة الجميع ​

 

[إلياس]

اذكر مرة في مرحلة المتوسط التاسعة أساسي سابقا في انا البريز كان خارج و كان استاذ يشرح الدرس و بعدها جلس الاستراحة ضربتو كهرباء وسقط على الأرض و ضحك على نفسه و قال لنا فعلتوها حتى شيطان فيما فعلتموه ضحك على نفسه و ضكنا عليه حتى شبعنا هههههه

 

[سحائب الشوق]

*أذكر جيدا معلمتي أيام الابتدائي، و حتى مرة لقيتها و كنت مع بنتي قلتلها معلمتي وش حالك، قالتلي مازلتي برك بمعلمتي و انت ببنتك قالتلي نلقاهم لي قريتهم بعدك يعيطولي باسمي.
و انا للان مستحيل نعيطلهم بغير معلمتي أو أستاذ فلان.
*رسبت أحد الأعوام في المتوسط ليس بسبب أنه كنت مانقراش ولا كنت في مرحلة ضعف و مرحلة البحث عن التشافي و العلاج (تقريب عام كامل و أنا مع المستشفيات و الأشعة و تحاليل..) و بعد الرسوب لولا أحد الأساتذة لي رجعلي الثقة بنفسي ماكنتش وصلت لما وصلت له حاليا ربي يجازيه كل خير .
*و ثان عشقي للرياضيات مرة كناقبل أيام الليسي كان الاستاذ يدخل يحط الكرسي حداي و يشرح الدرس مايقدموش في السبورة ههه لأنه كانو مسكين يحڤرو عليه الا أنا و تلميذين فقط كنا نحترموه.. ربي يذكرو بخير.
*أنا نحب الدراسة و رغم تفوقي في الرياضيات كنت نحب الجانب الأدبي.. و حتى أنه لما جبت الباك بقريب من الجيد علمي خيرت نقرا "علوم قانونية و ادارية".
كنت مسلكة راسي هههه بالخصوص الثانوي لأنه بعض الاساتذة في المتوسط اجبروني نكمل في شعبة علمية و أنا مانحبهاش!.
_حكيت بزاف لكن هذه النقاط في مرحلتي الدراسية لي ولا مرة ننساها_

 

[ام أمينة]

اتذكر كي كنت في الإبتدائية كنت مشاكسة و نحصل في زملائي و زميلاتي و في يوم من الايام كنت نقرا سنة 3 ابتدائي جات الأستاذة و لقاتني فوق الطاولة و نعيط على زميلي
كي جات تضربني دورت يدي و كي ضربتني حلتلي يدي و خيطوهالي ولات هي تطلب فالسماح و جابتلي هدية و حلوى و شوكولاطة و من هذاك اليوم كي ندير حاجة ماولاتش تهدر معايا

لي عودة
.....​

 

[ام أمينة]

اذكر مرة في مرحلة المتوسط التاسعة أساسي سابقا في انا البريز كان خارج و كان استاذ يشرح الدرس و بعدها جلس الاستراحة ضربتو كهرباء وسقط على الأرض و ضحك على نفسه و قال لنا فعلتوها حتى شيطان فيما فعلتموه ضحك على نفسه و ضكنا عليه حتى شبعنا هههههه

موقف محرج بالنسبة له و ضحك باش ما يتحرجش اكثر .....

شكرا على مرورك

 

[ام أمينة]

*أذكر جيدا معلمتي أيام الابتدائي، و حتى مرة لقيتها و كنت مع بنتي قلتلها معلمتي وش حالك، قالتلي مازلتي برك بمعلمتي و انت ببنتك قالتلي نلقاهم لي قريتهم بعدك يعيطولي باسمي.
و انا للان مستحيل نعيطلهم بغير معلمتي أو أستاذ فلان.
*رسبت أحد الأعوام في المتوسط ليس بسبب أنه كنت مانقراش ولا كنت في مرحلة ضعف و مرحلة البحث عن التشافي و العلاج (تقريب عام كامل و أنا مع المستشفيات و الأشعة و تحاليل..) و بعد الرسوب لولا أحد الأساتذة لي رجعلي الثقة بنفسي ماكنتش وصلت لما وصلت له حاليا ربي يجازيه كل خير .
*و ثان عشقي للرياضيات مرة كناقبل أيام الليسي كان الاستاذ يدخل يحط الكرسي حداي و يشرح الدرس مايقدموش في السبورة ههه لأنه كانو مسكين يحڤرو عليه الا أنا و تلميذين فقط كنا نحترموه.. ربي يذكرو بخير.
*أنا نحب الدراسة و رغم تفوقي في الرياضيات كنت نحب الجانب الأدبي.. و حتى أنه لما جبت الباك بقريب من الجيد علمي خيرت نقرا "علوم قانونية و ادارية".
كنت مسلكة راسي هههه بالخصوص الثانوي لأنه بعض الاساتذة في المتوسط اجبروني نكمل في شعبة علمية و أنا مانحبهاش!.
_حكيت بزاف لكن هذه النقاط في مرحلتي الدراسية لي ولا مرة ننساها_

انا أيضا تلاقيت معلمتي تع الإبتدائية و كنت مع بنتي و غير قلتلها واش راكي تفكرتني قالتلي ما تبدلتيش و قالتلي بلي بنتك نسخة منك كي كنتي صغيرة

مشوارك الدراسي مليئ بالأحداث
الحمد لله فات و كمل
و نصيحة لكل متمدرس أقرأ واش تحب أنت ماشي واش يحب الغاشي .....

شكرا على مرورك غاليتي

 

[الامين محمد]

هههههه الذكريات ياسرة خلوني نفكر في موقف يكون صح اكشن و نرجع ليكم هههههههه

 

[ام أمينة]

هههههه الذكريات ياسرة خلوني نفكر في موقف يكون صح اكشن و نرجع ليكم هههههههه

ننتظر عودتك

 

[أبو عاتكة]

قريب نحط لا اتذكر شيء
لكن سأتذكر وحينها سأشارك خلي نضحك على مواقفكم المضحكة شويا قبل
انا كنت هادئ لكن تاع ضحك
اللي خلاني نكون هادئ هم اللي كنت جالس معاهم سبحان الله كل الاطوار جلسوا معايا ناس هادية لكنهم تاع ضحم برك في الاخير خرجنا قاع ضحك ههه
تعرفو ذيك النوعية اللي متحبش تشارك الا كي يكون الاستاذ يمرح ويقصر يبانو

ربي يرحم اللي ماتوا واللي مزالهم حيين ربي يذكرهم على خير.

 

[سجينة الصمت]

ياااه وين رجعتينا
انا كل فترة قريتها في ولاية بحكم عمل الوالد رحمة الله عليه
قريت ابتدائي في معسكر عام 2000 وكنا ثم وين رحلنا مانعرفش فاتت مرحلة هادئة وبقية فترة ابتدائي بين البويرة وتيسمسيلت
بصح أجمل فترة كانت في ادرار بين متوسط وثانوي كانت اجمل ذكريات وكانت فيها بزاف طوايش ههههه
نتذكر مرة ف ثانوي دارو اضراب وقفلو علينا كامل ابواب ماقراونا وماخلاونا نخرجو ولينا هربنا وصوطينا فوق حيوط وحكمونا ههههه
ف متوسط كنت انا وصديقتي نحكيو بزاف فرقتنا أستاذة وديما تقولهم كنزة واكرام صديقتان وانا فرقت بينهما ههههه
وبنسبة لدراسة كنت الحمد لله من متفوقين
بصح ماكملتش جامعة لظروف
رجعتينا لذكريات رائعة
يعطيك الصحة

 

[ام أمينة]

قريب نحط لا اتذكر شيء
لكن سأتذكر وحينها سأشارك خلي نضحك على مواقفكم المضحكة شويا قبل
انا كنت هادئ لكن تاع ضحك
اللي خلاني نكون هادئ هم اللي كنت جالس معاهم سبحان الله كل الاطوار جلسوا معايا ناس هادية لكنهم تاع ضحم برك في الاخير خرجنا قاع ضحك ههه
تعرفو ذيك النوعية اللي متحبش تشارك الا كي يكون الاستاذ يمرح ويقصر يبانو

ربي يرحم اللي ماتوا واللي مزالهم حيين ربي يذكرهم على خير.

انت و زملائك كنتو سبيسيال
اتفكر و ارجع شاركنا

 

[ام أمينة]

ياااه وين رجعتينا
انا كل فترة قريتها في ولاية بحكم عمل الوالد رحمة الله عليه
قريت ابتدائي في معسكر عام 2000 وكنا ثم وين رحلنا مانعرفش فاتت مرحلة هادئة وبقية فترة ابتدائي بين البويرة وتيسمسيلت
بصح أجمل فترة كانت في ادرار بين متوسط وثانوي كانت اجمل ذكريات وكانت فيها بزاف طوايش ههههه
نتذكر مرة ف ثانوي دارو اضراب وقفلو علينا كامل ابواب ماقراونا وماخلاونا نخرجو ولينا هربنا وصوطينا فوق حيوط وحكمونا ههههه
ف متوسط كنت انا وصديقتي نحكيو بزاف فرقتنا أستاذة وديما تقولهم كنزة واكرام صديقتان وانا فرقت بينهما ههههه
وبنسبة لدراسة كنت الحمد لله من متفوقين
بصح ماكملتش جامعة لظروف
رجعتينا لذكريات رائعة
يعطيك الصحة

أيام المدرسة بأطوارها الثلاثة من أجمل الأيام
كانت البراءة و كل شيئ فيها بسيط
شكرا لمشاركتنا ذكرياتك في المدرسة

 

[العَنْقَاءُ]

لم أكن متفوقا في الدراسة سواءًا " الابتدائي والمتوسط والثانوي "

كنت متفوق في الجامعة حقا وبجدارة ! عرفت صوالحي ..

كنت في الصغر مشاغب واحب العاب الفيديو من (1997 - 2000 ) الانترنت لمستها 2003 كان الوالد وعمي واعرين معي ههه نظن كانت 128k سرعة الإنترنت حسيتها طيارة

عندي صورة لها في نواحي 2003 مصور مع تؤم روحي آل ياسين ️ آهبل كـ أنا

ضيعولي دراستي

ملي نشد البلاي ستيشن نضيع لا قراية لا والو

حتي أساتذتي لا اتذكرهم بيا كنت مشاغب


تفاصيلي بدأت من الجامعة 2010

 

[ام أمينة]

لم أكن متفوقا في الدراسة سواءًا " الابتدائي والمتوسط والثانوي "

كنت متفوق في الجامعة حقا وبجدارة ! عرفت صوالحي ..

كنت في الصغر مشاغب واحب العاب الفيديو من (1997 - 2000 ) الانترنت لمستها 2003 كان الوالد وعمي واعرين معي ههه نظن كانت 128k سرعة الإنترنت حسيتها طيارة

عندي صورة لها في نواحي 2003 مصور مع تؤم روحي آل ياسين ️ آهبل كـ أنا

ضيعولي دراستي

ملي نشد البلاي ستيشن نضيع لا قراية لا والو

حتي أساتذتي لا اتذكرهم بيا كنت مشاغب


تفاصيلي بدأت من الجامعة 2010

شكرا لمشاركتنا تجربتك
هي لازم شوية لعب و شوية قراية و البلاي و الأنترنت كانت حاجة جديدة ذاك الوقت و تجذب خاصة الصغار

 

[Oktavio_hinda]

كنت ادرس في الابتدائي في مدرسة الخنساء كنت تلميذة هادئة الحاجة الي اتذكرها مليح اني كل نهاية يوم دراسي طريقي إلى المنزل نفس طريق استاذتي كنا دائما نمشي معها توصلني حتى البيت وهي تكمل لبيتها كنا نفوتو على جنب حديقة المدرسة وكل يوم وفي نفس المكان كانت تقلي "اسمعي زقزقة العصافير " هذ الجملة لليوم نتذكرها خاصة إذا فتت من ذاك الطريق
إما المتوسط الي قريت فيها اسمها d'échanger جاية في أعالي ديدوش مراد العاصمة نفس الابتدائية طحت في جماعة تع لعب وضحك لكن كنا ندرس وفي الثانوي كنت نقرا في ثانوية محمد بوراس في باب جديد القصبة تم كنت نقرا مكاش لعب والجامعة كبرنا خلاص مكاش حاجة تع شغب
كانت ايام جميلة راسخة في أذهاننا

شكرا لك ام أمينة على الموضوع الجميلة الذي اعادنا لتلك الايام الجميلة وأعاد شريط ذكريات الطفولة
تحيتي لك ​

 

[ام أمينة]

كنت ادرس في الابتدائي في مدرسة الخنساء كنت تلميذة هادئة الحاجة الي اتذكرها مليح اني كل نهاية يوم دراسي طريقي إلى المنزل نفس طريق استاذتي كنا دائما نمشي معها توصلني حتى البيت وهي تكمل لبيتها كنا نفوتو على جنب حديقة المدرسة وكل يوم وفي نفس المكان كانت تقلي "اسمعي زقزقة العصافير " هذ الجملة لليوم نتذكرها خاصة إذا فتت من ذاك الطريق
إما المتوسط الي قريت فيها اسمها d'échanger جاية في أعالي ديدوش مراد العاصمة نفس الابتدائية طحت في جماعة تع لعب وضحك لكن كنا ندرس وفي الثانوي كنت نقرا في ثانوية محمد بوراس في باب جديد القصبة تم كنت نقرا مكاش لعب والجامعة كبرنا خلاص مكاش حاجة تع شغب
كانت ايام جميلة راسخة في أذهاننا

شكرا لك ام أمينة على الموضوع الجميلة الذي اعادنا لتلك الايام الجميلة وأعاد شريط ذكريات الطفولة
تحيتي لك ​

ماأحلاها ذكريات
عندما نتذكرها نتبسم لا إراديا
نورتي الموضوع بمرورك الطيب

 

[ام أمينة]

لما كنت ادرس في السنة التاسعة
كانت لنا أستاذة الرياضيات من النوع الصارم
مرة استدعاوها للإدارة و زملائي سامحهم الله أخذو محفظتها و اخفوها فالمرحاض أعزكم الله و عند عودتها لم يتكلم أحد و قلنالها لقد أخذتيها معك
تخلخلت و ولات تسقسي و تعاود تخرج و تعاود ترجع
المحفظة عند الخروج تم اخفاؤها داخل محفظة احد التلاميذ و رماها خارجا و واحد ماعلابالو بالحكاية الا نحن

 

[أبو عاتكة]

في السنة السنة الخامسة او السادسة ابتدائي اهدتني معلمة متربصة كتابين الكتاب الاول حول شخصية المهاتما غاندي زعيم الثورة السلمية في الهند وكتاب بالفرنسية قصة باتر بان وكان فيه صفحات كثيرة فهو عبارة عن رواية

المتربصون كانو احلى ضيوف نشوفوهم في الاقسام وتخلق علاقة مرحة ولطيفة معاهم في الاخير نلقاو روحنا في مجموعة هازين كادوات نزوروهم في بيوتهم
اتخيل ملامحها لكني لا اتذكر كل التفاصيل ان شاء الله تكون بخير.

 

[ام أمينة]

في السنة السنة الخامسة او السادسة ابتدائي اهدتني معلمة متربصة كتابين الكتاب الاول حول شخصية المهاتما غاندي زعيم الثورة السلمية في الهند وكتاب بالفرنسية قصة باتر بان وكان فيه صفحات كثيرة فهو عبارة عن رواية

المتربصون كانو احلى ضيوف نشوفوهم في الاقسام وتخلق علاقة مرحة ولطيفة معاهم في الاخير نلقاو روحنا في مجموعة هازين كادوات نزوروهم في بيوتهم
اتخيل ملامحها لكني لا اتذكر كل التفاصيل ان شاء الله تكون بخير.

انا اتصور فرحتكم بالهدية
مبادرة طيبة منها بقيت راسخة في ذهنك كل هذه السنوات

شكرا لك

 

[أبو عاتكة]

كان معلم الابتدائي سي علي ربي يشافيه الان يصنع لكل تلمبذ نوع سيارة مختلف ويرسم على جدار القسم خطين الانطلاق والوصول ويعلق السيارات في بداية الفصل في خط واحد عند اعلان النتائج يقوم بتحريك السيارات حسب النقاط المتحصل عليها كان ذلك اليوم يوما حماسيا كاننا في سباق سيارات حقيقي
كان لي سيارة شرطة وكنت من الاوائل دوما لا انزل تحت المرتبة الثانية وكنا نتنافس نحن الثلاثة

المتحدث
عائشة الله يبارك واعرة في القراية راهي في الجلفة متزوجة ولا اعلم عنها شيئا
مدحت: وهو مصري الجنسية كان ابوه يحمل امه وراءه في دراجة نارية وكنا نستغرب المنظر في منطقتنا مراة راكبة موطو هييييييه كانت عندو مشطة كيما عبد الحليم حافظ واحنا شعورنا يا اما راك فرطاس يا اما راك مايكل جاكسون في الغبار