- الأوسمة
- 26
السلام عليكم و رحمة الله
إن شاء الله تكون بخير .. هذي مدة ما تصادفتش مع موضوع ليك لأنه باينة بلي أنا كنت غايبة مش أنت
المهم نرجعو للموضوع لأنه يستاهل نمدو فيه رأينا بكل صراحة وراحة 
الحقيقة التي لن نهرب منها مش فالتلفون و مواقع التواصل الإجتماعي وما إلى ذلك كيما قريت بردود بعض الأصدقاء هنا ، صح الهاتف يلعب دور لكن مش هو السبب في هذه الحالة ، لأنه عن نفسي وواش لاحظت من بكري ماعنديش حاجة فالتلفون و مش مهتمة أصلا بواش فيه بزاف ، الحق أنه الإنسان يمر بمراحل في حياته مش البارح كيما اليوم تتبدل نفسيا و فكريا وكلش ، وكاين اللي مع التغيير هذا يحمل معاه رسائل و امور إيجابية و كاين اللي يرفد معاه أمور سلبية ، هذا كل واحد كيفاش يتمشى مع ظروفو و الواقع اللي فيه طبعا ما نقدروش نحكمو على الناس بمجرد شفنا فيهم أشياء ..
من هذا كامل تدخل العلاقات هنا ، و الواحد راه يمر بألف حاجة فالنهار يعني كامل هذا راه يبدل في شخصية الإنسان شيئا فشيئا ، بلاك العمر اللي كنا فيه مثلا تروح لليسي و للجامعة مش كما دوكا ، تلقى روحك فجأة في عمر الثلاثين تشوف وين كنت تلقى بلي كاين بزاف أمور و علاقات كانت أصلا مضيعة للوقت و أخذت من طاقتك بزاف و ما تستاهلش ، حتى أنه كاين تخمام عشناه وقت هذاك في مرحلة أصغر من دوكا كي فاتو 10 سنوات بينا للآن منظنش راح تخمم كما كنت ولا راح تتقبل ناس في حياتك كما كنت تتقبلهم الاول ،، شخصيا بالمرحلة هذي اللي فيها أنا صح لحقت الثلاثون سنة معنديش هذه العقلية تاع ناس بزاف فحياتي ، تلقى روحك وحدك تجبد عليهم ، كما قلت ما تحسش روحك كيفاش راك تليكيدي فيهم من حياتك ، و أي مشكل ولو بسيط تقولهم ايا امشيو عليا ، خلاص العقل تاع الإنسان يولي مايخممش لهذاك تأنيب الضمير و تاع تحس روحك غلطت فيه ، لأنه تعرف بلي أي علاقة تستهلك من طاقتك و تستنزفك و تخليك تعيش في خالوطة داخل راسك ما تقدرلهاش صاي ترمي عليك ماراكش في عمر أو وقت يسمح أنك تمد من نفسك بزاف ، و الواحد يشوف بلي كي يكثرو العباد بزاف في حياتو ما يلقى وين يدور و يلحق ينسى نفسه ، الحقيقة أنه شي انا بزاف من الوقت في هذه عقلية الدسارة و تاع زعما رانا اجتماعيين ، يكذب عليك وصل وقت الإنسان فيه عرف و زاد تعلم حتى و يفوت نهار من عمرك تتبدل و تزيد تتعلم أشياء جديدة و توصل لقناعة "سرحهم كامل ، مكانش كيما تختار نفسك أولا ثم ترجع تختار ناس في حياتك و نصفي عليك ، ما يهمش لا هذا صديقك من زمان ولا من اهلك أصلا ، لأنه الاكتفاء بالنفس يخليك ما نشوفش فيهم خلاص و ما توليش مهتم ، حسبنا أنه رانا بحاجة لهذوك العلاقات لكن كي ترجع للخلف تلقى بلي واش استفاد الواحد من كامل هذوك العلاقات ؟؟ كلها سامة ما صنعت منا والو ، الدليل جرب برك ما تسقسيش عليهم نهار ولا تغيب شوية واحد ما يلتمس لك العذر ولا يبادر هو يسقسيك عليك يقول اصبر نطمنو عليه بلاك عندو مشكل ، للأسف يهدرو فيك و يتوسوسو منك ديراكت على أساس راك لقيت حاجة جديدة في حياتك و ما خبرتهمش ، حتى أهلك و كي يروح كل واحد من دار باباك تلقاهم مش اللي كانوا معاك بنفس العقلية ، انا ما نلومهمش لأنه الوسط اللي ولاو فيه عايشين تبدل ، واكتسبوا عقليات جديدة تخليهم كي اللي غرباء عليك ، و على كل حال مهما كانت العلاقات اللي راك فيها قوية ماراحش تدوم يعني رانا نتمسكوا بالأشخاص هكذاك برك و ماناش حابين نعرفوا بلي في أي لحظة تقدر تفارق ولا يفارقوك و لا تتبدل انت ولا هوما يتبدلو مش على خاطرش ماكش إنسان تاع وفاء ووو لا لكن العبد قابل للتغير و كيفاش كان وكيفاش ولى ولا كيفاش يولي من بعد إن شاء الله ماعلابلناش لذا عيش كما تشوف راحتك ما تحطش في راسك بلي راك وحدك كامل عندنا نفس الأمر نمروا بيه ، واللي مزال مافاتش مرحلة هذيك ما يقدرش يقولك راك غالط ولا راه الزمان هكذا ووو نو خلي تفوت وتجرب و من بعد تقدر تحكي فالموضوع هذا ..
و أما عن علاقاتي ببزاف ناس كانت تحمل رسالة ماعندهاش حتى فايدة للآن ما زلت نقول واش استفدت من هذيك الصداقات و العلاقات اللي كانت مجرد أيام تفوت ؟ و تبدا تتخلى عليهم كامل بالواحد ، شيء عادي يجي وقت كما دوكا مثلا يوليو هذوك الأشخاص حقا ما ينفعوك في والو ، رغم أنني لست ضد أن يكون الإنسان اجتماعي يعني في مجالات حياته يمر على بزاف ناس أكيد لابد أنك تكون تعرف ناس و يكونو يعرفوك و تزيد تتعرف على ناس وهكذا يعني تاع تدخل ناس جدد في حياتك لازم لأنه حياتنا تحتاج للجديد و القديم ، لكن يلزم حدود و يلزم كي تكون مش مرتاح من أي إنسان تقطع الصلة و كي يلزم أنك تحتاج راحة ولا عزلة خذ راحتك و اعتزل ما يؤذيك ولا واش يضرك و يدي من طاقتك ، بشرط دون أذية طبعا ، يعني وضع الحدود و الدسارة اللي بزاف مش مليحة هذي تعمل فارق في حياتك بزاف و تساعدك ، و الصديق يبقى صديق إلى أن يحاول الارتقآء لدرجة أكثر من ذلك يعني يولي يلوم و يعاتب و يحسب أنه لازم تقولو كلش .. لا لا يحتاج المرء لأن يكون صديق نفسه أحيانا بل كثيرا و ما يلحقش بل ما يقدرش يحكيلك كلش و ما يقدرش يكون معاك ديما و ما يقدرش يحافظ عليك لدرجة التقديس ..
عن نفسي نبان عندي فحياتي بزاف ناس لكن التواصل ما يكونش بزاف ، وقت ما نلقى راحتي نتواصل ، و طبعا كاين علاقات مبنية على احتاجتني و احتاجتك وما نردك ما تردني إذا قدرنا نعاونوا بعض ، وكاين علاقات تاع نحكيلك و ساعات انت تحكيلي عادي، وكاين علاقات تاع ديما تلقاهم عندهم نفس طريقك هذا نظن ما يبعدهم عليك حتى واحد إن شاء الله لأنه يكون عندهم تقريبا نفس الهدرة تاعك ، وتحب تحافظ عليهم و يحافظو عليك ، يعني لكل علاقة حدود و لكل علاقة وقت تنتهي ، و كاين علاقات تبقى و لا نعلم متى تنتهي ..
الإنسان يعيش حسب رغباته النفسية ، مش ديما رانا ملاح في راسنا ، ومش ديما نقدروا نتحملوا أشياء تجي من عند احبابنا و أصدقائنا ، ومش ديما نقدروا تكونوا كيما يلزم ، نغلطوا و يغلطوا ، نبعدو و يبتعدو ، نتبدلو و يتبدلو..
هذا ماكان ..
هذا رأيي ماعلابليش إذا قدرت نفهم واش حبيت تلحقوا لينا ولا نو ، و إذا كان رأيي فنفس الموضوع ولا خرجت عن الموضوع ههه لكن عبرت على حساب واش فهمت وعلى حساب المرحلة اللي راني فيها حاليا .. يعني نتمنى تتقبل مروري و سمحلي على الإطالة حبيت نرد بواش عندي ..
إن شاء الله تكون بخير .. هذي مدة ما تصادفتش مع موضوع ليك لأنه باينة بلي أنا كنت غايبة مش أنت
المهم نرجعو للموضوع لأنه يستاهل نمدو فيه رأينا بكل صراحة وراحة الحقيقة التي لن نهرب منها مش فالتلفون و مواقع التواصل الإجتماعي وما إلى ذلك كيما قريت بردود بعض الأصدقاء هنا ، صح الهاتف يلعب دور لكن مش هو السبب في هذه الحالة ، لأنه عن نفسي وواش لاحظت من بكري ماعنديش حاجة فالتلفون و مش مهتمة أصلا بواش فيه بزاف ، الحق أنه الإنسان يمر بمراحل في حياته مش البارح كيما اليوم تتبدل نفسيا و فكريا وكلش ، وكاين اللي مع التغيير هذا يحمل معاه رسائل و امور إيجابية و كاين اللي يرفد معاه أمور سلبية ، هذا كل واحد كيفاش يتمشى مع ظروفو و الواقع اللي فيه طبعا ما نقدروش نحكمو على الناس بمجرد شفنا فيهم أشياء ..
من هذا كامل تدخل العلاقات هنا ، و الواحد راه يمر بألف حاجة فالنهار يعني كامل هذا راه يبدل في شخصية الإنسان شيئا فشيئا ، بلاك العمر اللي كنا فيه مثلا تروح لليسي و للجامعة مش كما دوكا ، تلقى روحك فجأة في عمر الثلاثين تشوف وين كنت تلقى بلي كاين بزاف أمور و علاقات كانت أصلا مضيعة للوقت و أخذت من طاقتك بزاف و ما تستاهلش ، حتى أنه كاين تخمام عشناه وقت هذاك في مرحلة أصغر من دوكا كي فاتو 10 سنوات بينا للآن منظنش راح تخمم كما كنت ولا راح تتقبل ناس في حياتك كما كنت تتقبلهم الاول ،، شخصيا بالمرحلة هذي اللي فيها أنا صح لحقت الثلاثون سنة معنديش هذه العقلية تاع ناس بزاف فحياتي ، تلقى روحك وحدك تجبد عليهم ، كما قلت ما تحسش روحك كيفاش راك تليكيدي فيهم من حياتك ، و أي مشكل ولو بسيط تقولهم ايا امشيو عليا ، خلاص العقل تاع الإنسان يولي مايخممش لهذاك تأنيب الضمير و تاع تحس روحك غلطت فيه ، لأنه تعرف بلي أي علاقة تستهلك من طاقتك و تستنزفك و تخليك تعيش في خالوطة داخل راسك ما تقدرلهاش صاي ترمي عليك ماراكش في عمر أو وقت يسمح أنك تمد من نفسك بزاف ، و الواحد يشوف بلي كي يكثرو العباد بزاف في حياتو ما يلقى وين يدور و يلحق ينسى نفسه ، الحقيقة أنه شي انا بزاف من الوقت في هذه عقلية الدسارة و تاع زعما رانا اجتماعيين ، يكذب عليك وصل وقت الإنسان فيه عرف و زاد تعلم حتى و يفوت نهار من عمرك تتبدل و تزيد تتعلم أشياء جديدة و توصل لقناعة "سرحهم كامل ، مكانش كيما تختار نفسك أولا ثم ترجع تختار ناس في حياتك و نصفي عليك ، ما يهمش لا هذا صديقك من زمان ولا من اهلك أصلا ، لأنه الاكتفاء بالنفس يخليك ما نشوفش فيهم خلاص و ما توليش مهتم ، حسبنا أنه رانا بحاجة لهذوك العلاقات لكن كي ترجع للخلف تلقى بلي واش استفاد الواحد من كامل هذوك العلاقات ؟؟ كلها سامة ما صنعت منا والو ، الدليل جرب برك ما تسقسيش عليهم نهار ولا تغيب شوية واحد ما يلتمس لك العذر ولا يبادر هو يسقسيك عليك يقول اصبر نطمنو عليه بلاك عندو مشكل ، للأسف يهدرو فيك و يتوسوسو منك ديراكت على أساس راك لقيت حاجة جديدة في حياتك و ما خبرتهمش ، حتى أهلك و كي يروح كل واحد من دار باباك تلقاهم مش اللي كانوا معاك بنفس العقلية ، انا ما نلومهمش لأنه الوسط اللي ولاو فيه عايشين تبدل ، واكتسبوا عقليات جديدة تخليهم كي اللي غرباء عليك ، و على كل حال مهما كانت العلاقات اللي راك فيها قوية ماراحش تدوم يعني رانا نتمسكوا بالأشخاص هكذاك برك و ماناش حابين نعرفوا بلي في أي لحظة تقدر تفارق ولا يفارقوك و لا تتبدل انت ولا هوما يتبدلو مش على خاطرش ماكش إنسان تاع وفاء ووو لا لكن العبد قابل للتغير و كيفاش كان وكيفاش ولى ولا كيفاش يولي من بعد إن شاء الله ماعلابلناش لذا عيش كما تشوف راحتك ما تحطش في راسك بلي راك وحدك كامل عندنا نفس الأمر نمروا بيه ، واللي مزال مافاتش مرحلة هذيك ما يقدرش يقولك راك غالط ولا راه الزمان هكذا ووو نو خلي تفوت وتجرب و من بعد تقدر تحكي فالموضوع هذا ..
و أما عن علاقاتي ببزاف ناس كانت تحمل رسالة ماعندهاش حتى فايدة للآن ما زلت نقول واش استفدت من هذيك الصداقات و العلاقات اللي كانت مجرد أيام تفوت ؟ و تبدا تتخلى عليهم كامل بالواحد ، شيء عادي يجي وقت كما دوكا مثلا يوليو هذوك الأشخاص حقا ما ينفعوك في والو ، رغم أنني لست ضد أن يكون الإنسان اجتماعي يعني في مجالات حياته يمر على بزاف ناس أكيد لابد أنك تكون تعرف ناس و يكونو يعرفوك و تزيد تتعرف على ناس وهكذا يعني تاع تدخل ناس جدد في حياتك لازم لأنه حياتنا تحتاج للجديد و القديم ، لكن يلزم حدود و يلزم كي تكون مش مرتاح من أي إنسان تقطع الصلة و كي يلزم أنك تحتاج راحة ولا عزلة خذ راحتك و اعتزل ما يؤذيك ولا واش يضرك و يدي من طاقتك ، بشرط دون أذية طبعا ، يعني وضع الحدود و الدسارة اللي بزاف مش مليحة هذي تعمل فارق في حياتك بزاف و تساعدك ، و الصديق يبقى صديق إلى أن يحاول الارتقآء لدرجة أكثر من ذلك يعني يولي يلوم و يعاتب و يحسب أنه لازم تقولو كلش .. لا لا يحتاج المرء لأن يكون صديق نفسه أحيانا بل كثيرا و ما يلحقش بل ما يقدرش يحكيلك كلش و ما يقدرش يكون معاك ديما و ما يقدرش يحافظ عليك لدرجة التقديس ..
عن نفسي نبان عندي فحياتي بزاف ناس لكن التواصل ما يكونش بزاف ، وقت ما نلقى راحتي نتواصل ، و طبعا كاين علاقات مبنية على احتاجتني و احتاجتك وما نردك ما تردني إذا قدرنا نعاونوا بعض ، وكاين علاقات تاع نحكيلك و ساعات انت تحكيلي عادي، وكاين علاقات تاع ديما تلقاهم عندهم نفس طريقك هذا نظن ما يبعدهم عليك حتى واحد إن شاء الله لأنه يكون عندهم تقريبا نفس الهدرة تاعك ، وتحب تحافظ عليهم و يحافظو عليك ، يعني لكل علاقة حدود و لكل علاقة وقت تنتهي ، و كاين علاقات تبقى و لا نعلم متى تنتهي ..
الإنسان يعيش حسب رغباته النفسية ، مش ديما رانا ملاح في راسنا ، ومش ديما نقدروا نتحملوا أشياء تجي من عند احبابنا و أصدقائنا ، ومش ديما نقدروا تكونوا كيما يلزم ، نغلطوا و يغلطوا ، نبعدو و يبتعدو ، نتبدلو و يتبدلو..
هذا ماكان ..
هذا رأيي ماعلابليش إذا قدرت نفهم واش حبيت تلحقوا لينا ولا نو ، و إذا كان رأيي فنفس الموضوع ولا خرجت عن الموضوع ههه لكن عبرت على حساب واش فهمت وعلى حساب المرحلة اللي راني فيها حاليا .. يعني نتمنى تتقبل مروري و سمحلي على الإطالة حبيت نرد بواش عندي ..
