الصيام المتقطع .. بنكهة جزائرية

[أم إسراء]

السلام عليكم و رحمة الله
أنا و صديقتي نتحدث عن غذاء اليوم قالتلي : أنا بديت في نظام الصيام المتقطع، تعبت من الماكلة و كل يوم فمي مشغول، قلتلها صيام متقطع وعلاش عليك يا بنتي!..
المهم حبت تقنعني بوجهة نظرها مع الصيام المتقطع، قلتلها على بركة الله نحاول تراه نشوف و نقولك اذا نكون سند ليك و نمشيوها مع بعض خطوة خطوة.
بيني بين نفسي فكرت و فكرت قلت صيام متقطع = ريجيم ويا خوتي وش مشى قدامي
البوزلوف لي حكى عليه الأخ @الامين محمد
الرشتة تاع @ام أمينة
الشخشوخة و التليتلي و البغرير و البراج المحاجب المقروط و القائمة طويلة
المهم النوم طار من عيني و أنا نحاول نقنع روحي بيه
جاني سؤال لراسي و قلت ندير ما دارو الاخوة قبلي و نروح نحكي مع صديقي (اللي كاش نهار يفضحني) شات جي بي تي و قلتلو زعما ممكن يكون الصيام المتقطع مع أكلات جزائرية.
المهم نشوف فيه قنعني نوعا ما وش رايكم ​

 

[Oktavio_hinda]

ايييي صديقك شات جي بي تي انا تاني نصاحبه ههههه والله هلكني الريجيم الصيف يا صيف الناس تأمل فدلاع والخوخ والمشماش وحب لملوك ولامريم وليزيسميمووووو

وانا وااااااااو فمي يبس راني نتبع في ريجيم قاااسي لكن أصح أصح تغير ملحوظ لكن حرمان كبير
وانا مغمضا عينيا ونتبع فيه ان شاء الله نكمل

شكرا لك عزيزتي على الموضوع والفضفضة اللطيفة عجبني سردك ربي يسعدك ضحكتيني​

 

[أم إسراء]

ايييي صديقك شات جي بي تي انا تاني نصاحبه ههههه والله هلكني الريجيم الصيف يا صيف الناس تأمل فدلاع والخوخ والمشماش وحب لملوك ولامريم وليزيسميمووووو

وانا وااااااااو فمي يبس راني نتبع في ريجيم قاااسي لكن أصح أصح تغير ملحوظ لكن حرمان كبير
وانا مغمضا عينيا ونتبع فيه ان شاء الله نكمل

شكرا لك عزيزتي على الموضوع والفضفضة اللطيفة عجبني سردك ربي يسعدك ضحكتيني​

انت من متتبعي الصيام المتقطع ربي يعين أختي أنا فيا التسويف تاع غدوة غدوة هههه ما قدرتش ماشية بشعار (بطني قبل كل شي) هههه مي لازم ان شاء الله قريبا ندير القلب
العفو نورتي أختي

 

[Oktavio_hinda]

انت من متتبعي الصيام المتقطع ربي يعين أختي أنا فيا التسويف تاع غدوة غدوة هههه ما قدرتش ماشية بشعار (بطني قبل كل شي) هههه مي لازم ان شاء الله قريبا ندير القلب
العفو نورتي أختي

كنت كيما انتي كل يوم نقول غدوة نبدا ومادرت والو
راني نتبع عند طبيب تغذية والله تحسي روحك خفيفة صح تغيضني عمري كي نوجد للاهل حلويات واكلات نحبها ومانقدرش ناكلها لكن نصبر روحي نقول ياخي كليتهم من قبل مشي اول مرة وان شاء الله نكمل الريجيم وتوجيهات الطبيب ومن بعد نقدر ناكل

 

[زاد الرحيل]

جربتوا ولقيت نتيجة راىعة لكن بعد 3اشهر
تصومي16ساعة و الماء عادي

 

[إلياس]

الصوت المتقطع هو أن تصوم مدة من الزمن اي لا تاكل و لا تشرب
انا كانت عندي قرحة معدية والله على اقول شهيد جربته مدة أربع سنوات و الحمد لله تخلصت منها كان صيامي يومي الاثنين و الخميس
عليك الالتزام بنصيحة الطبيب و أن شاء الله فيها خير

 

[ام أمينة]

انا جربت هذا الرجيم و حسيت روحي زدت ماشي نقصت
كنت والفت فطور الصباح فالوقت و الغذاء و العشاء في وقتهم
في وقت صيامي نفكر غير واش ناكل و كي نحط الاكل لعائلتينغش شوية
يتسمى ما درنا والو ما ساعدنيش بكل صراحة
مشكورة على الموضوع

 

[أم إسراء]

كنت كيما انتي كل يوم نقول غدوة نبدا ومادرت والو
راني نتبع عند طبيب تغذية والله تحسي روحك خفيفة صح تغيضني عمري كي نوجد للاهل حلويات واكلات نحبها ومانقدرش ناكلها لكن نصبر روحي نقول ياخي كليتهم من قبل مشي اول مرة وان شاء الله نكمل الريجيم وتوجيهات الطبيب ومن بعد نقدر ناكل

أنا مانقدرش نصبر روحي بالخصوص مع الوجبات لي نعشقها ههه
أحييك ع الشجاعة و الاصرار هند​

جربتوا ولقيت نتيجة راىعة لكن بعد 3اشهر
تصومي16ساعة و الماء عادي

مشكلي كشخص الماء تقريبا مانشربوش إلا مع الدواء (جربت كل الطرق باش نرجع نشربو ماقدرتش).
الأكيد لما تمشي بيه بشكل جيد تحققين تائج و الجميل كي يكون ع المدى البعيد أنا مانحبش النتيجة الفورية لي نشوفها أنها سبب سريع للرجوع للخلف.

الصوت المتقطع هو أن تصوم مدة من الزمن اي لا تاكل و لا تشرب
انا كانت عندي قرحة معدية والله على اقول شهيد جربته مدة أربع سنوات و الحمد لله تخلصت منها كان صيامي يومي الاثنين و الخميس
عليك الالتزام بنصيحة الطبيب و أن شاء الله فيها خير

الأكيد كفكرة عامة للصوم صيامنا كركن من الدين ، او الصيام العلاجي(المتقطع) مع برنامج غذائي متزن و صحي رح يفيد جدا الجسم.
الحمد لله أنه شفيت ربي يحفظك

انا جربت هذا الرجيم و حسيت روحي زدت ماشي نقصت
كنت والفت فطور الصباح فالوقت و الغذاء و العشاء في وقتهم
في وقت صيامي نفكر غير واش ناكل و كي نحط الاكل لعائلتينغش شوية
يتسمى ما درنا والو ما ساعدنيش بكل صراحة
مشكورة على الموضوع

أنا مشكلي في عدم الالتزام قادرة نجربو كأقصى حد لشهر و نطبقو بحذافيره لكن أنه نبقى عليه لا أظن.
أنا لما نحب ننقص في الوزن عندي الوجبات يبقاو عادي السكر الأبيض و العصائر و المشروبات الغازية منحيتهم يبقى الوجبات ناكل في صحن صغير الوجبة لي نطيبها عادي مع صحن تاع خضار سواء مفورة أو سلطة.
ممكن من تجارب الاخوة لي قبل، وبعد استشارة الطبيب اذا تعدلولي نتائج التحاليل نجربو ان شاء الله

يعطيكم الصحة جميعا على مروركم و مشاركتنا بتجاربكم

 

[Tama Aliche]

السلام عليكم و رحمة الله

ضحكني صديقك الذكي هذا ، راه عارف على عادات و تقاليد الأكل تاعنا ههههه مهم ما حرمكش من الشخشوخة هههههه

شوفي نمد رأيي بكل صدق و بعيدا عن المثالية ،، لأنه مكانش واحد مثالي ..

عن نفسي الصيام المتقطع هذا مانفرحش بيه و ما نحبش نجربوا لأنه ماشي صحي تقدري تضري روحك أكثر.. الأصح و الصحي هو أنه الإنسان يعتمد على الصيام و خلاص يعني يومين بالأسبوع "الاثنين و الخميس" الرسول صلى الله عليه وسلم كان يصومهم "صوموا تصحوا" و الوصايا تاع الرسول عليه الصلاة والسلام هي اللي قال فيها أنه يلزم التقليل في أمور منها " قلة الكلام و قلة النوم و قلة الأكل .. إلخ " يعني الواحد ما يشبعش بطنوا بزاف و ينظم روحو ، وجباته الأساسية دون أن يقوم بالقضم طيلة اليوم ، و " الحركة بركة "ياك ؟ يعني حنا معندهاش نظام في حياتنا مسقم عندك الوقت تمشي حاجة مليح المشي وتكونولازم مرتاحة وقت تمشي يعني تولي عادة صحية لنفسك تمشي فيها مدة نصف ساعة فارغ الرأس ماشي رايح تمشي و تدي معاك صحاباتك أم لا تشكيو ولا تهدرو انا تولي مش مشي صحي تزيدي على روحك ما تستفادي والو حتى تلقى روحك تدخلي معاهم لكاش فاين فود ولا تشريو لاكريم تاكلو ههههههه هيا انت و احرق جد بابات السعرات الحرارية اللي زايدة هذيك هههه و يزيد تدخل معاك نظام تاع رياضة الواحد يظل مقابل الدار و لافامي و الناس و يظل فالتلفون ، نقولو مكانش وقت تروحي فيه لاصال سبور ( مع أنه لازم تكون هذي العادة لأنه مفيدة الصح الصح ) ايا نقولو مكانش وقت و اللبس عندها دراري واللي مايخليهاش راجلها ( مع أنه لازم يكون داعم للأمر هذا سيرتو امور تفيد صحة الإنسان) مهم تقدر تشد تلفون راك نظلو مخدمو بيه تحكمو فيه بزاف ناس تعاونك و تنعتلك كيفاش تبدا سبور و تبدا تشري ماتريال تاع سبور بلعقل كاين بزاف أمور نشريوهم بلا فايدة ما يجيبولناش صحتنا اصلا..

وكاين عادة بزاف رانا مفرطين فيها اللي هي القيام باكرا جدا .. يعني حاجة بزاف صحية و تخليك ترتاح في صحتك و جسدك.. رانا سامحين فيها ..

لذا انا ما نشوفش الصيام المتقطع عندو فايدة مع احترامي اللي راهم يتبعوا النظام هذا .. قبل ما نشوفش بشكل جسمك شوف لصحتك أولا و خاصة النفسية تاعي دور كبير في جسدك .. الجسم تاعك يتسقم بلعقل بلعقل اذا داومت على النشاط و الرياضة و المشي و النهوض باكرا و النوم طبعا باكرا ..
غير هذا ماعندي ما نضيف ههههه و مرسي على الجولة هذي ضحكتينا و من جهة كاين اللي استفادوا منها خاصة اللي يتبعوا نظام الصيام المتقطع

بارك الله فيك ​