أهمية النظافة الشخصية ... لكِ أيتها المراهقة

[ام أمينة]

السلام عليكم و رحمة الله تعالى و بركاته



أهمية النظافة الشخصية ... لكِ أيتها المراهقة



يا مراهقة ..... نظافتك هي تاجك



كي تبدا البنت تكبر و تولي مراهقة
تتبدل الدنيا قدامها جسمها يتبدل و أفكارها تكبر و مشاعرها تولي حسّاسة أكثر
في وسط هاد التغيرات كاين حاجة تبقى دايماً مهمة : نظافتك الشخصية



ماشي حكاية برك تغسلي وجهك و لا تبدلي حوايجك
بصح هي رسالة تقول : "أنا نحب روحي و نحترمها"
كل صباح كي توقفي قدّام المراية و تغسلي وجهك راكي تقولي للعالم "أنا مستعدة ليومي"
كي تدوشي و تختاري مزيل الروائح و العرق خفيف ريحتو بنينة راكي تزيدي تبني ثقة في نفسك

و في وقت العادة الشهرية ما تخليش الحرج يجيك
هاد الشيئ طبيعي و كل بنت تمر بيه تعلمي كيفاش تتعاملي معاه تبدلي الفوطة في الوقت و بإستمرار و تحافظي على نظافة المنطقة الحساسة
راهي حاجة عادية و ممكن تهدري مع ماماك و لا أختك ولا حتى مع طبيبة لو حسيتي بلي لازم



حتى التفاصيل الصغيرة كي تقصي أظافرك تنظفي أسنانك مرتين فالنهار و تبدلي الملابس الداخلية كل يوم ... راهي كامل خطوات بسيطة بصح تأثيرها كبير



النظافة مشي ترف و لا موضة راهي إحترام لجسمك و لصحتك و حتى للي حواليك



خلي النظافة تكون روتين من حياتك كيف ما تسرحي شعرك كل صباح و لا تضحكي مع صحبتك فالمتوسطة أو الثانوية

.......​

 

[لمعانُ الأحداق]

النظافة يليق تكون عادة ..
عندها تأثير عليك وعلى من حولك
وتمد انطباع كبير على شخصيتك واهتمامك بنفسك

شكرا أم أمينة

 

[ام أمينة]

النظافة يليق تكون عادة ..
عندها تأثير عليك وعلى من حولك
وتمد انطباع كبير على شخصيتك واهتمامك بنفسك

شكرا أم أمينة

صحّ النظافة عادة تعكس شخصيتك و اهتمامك بنفسك
و تخلي محيطك أكثر راحة و احترام

شكرا لمرورك و ردك فالموضوع

 

[السلطانة]

النظافة لازمة وضرورية
لازم كل بنت تهتم بنظافة نفسها وهندامها
بارك الله فيك

 

[ام أمينة]

النظافة لازمة وضرورية
لازم كل بنت تهتم بنظافة نفسها وهندامها
بارك الله فيك

أكيد النظافة ثم النظافة
و نحن كأمهات لازم نهدرو و نعاودو حتى تترسخ هذه العادة لديهن

مشكورة على المرور و الرد

 

[فادي محمد]

النظافة من الإيمان والبنات اليوم يخطو ماكياج في الثانوية وحتى المتوسطات والجامعة حدث ولا حرج