احكيلنا على السيزيام تاعك

[السلطانة]

السلام عليكم ورحمة الله وبركاته

واش راكم ياعشيرة اللمة الجزائرية

لي نجح اولادو في السيزيام ألف مبروووووك


كيما تعرفو خرج السانكيام وشفنا حفلات بالديكور ولباس التخرج وكاين مدارس دارت حفلة.كبيرة في مركز ثقافي ولا قاعة سينما...مطاعم....الخ

الحالة تبدلت آجمااااااعة
السانكيام تاع درك مهوش تاع بكري
والأولياء في وقتنا هذا كون ميديروش لولادهم تخلى ويحسو بالنقص في وقت رجعن فيه المظاهر كل شي
المهم جيت نسقسيكم


بكري كي ديت السيزيام واش دارولك أهلك؟



وكيفاه عشت هذا الحدث؟؟؟




انا عن نفسي في وقتي

كانو يعلقو لاليست

رحت شفت وجيت نجري



ماما ديت السيزيام زغردت هي وجداتي

وناضو طيبو الغرايف (البغرير)

عمرت الصحونا قالتلي وصلي للجيران




وطيبت لبابا ادا مد لصحابو
وتاع لافامي كي يجيو ياكلوه سخون

مع حبات قاطو يشربوهم مع الحليب والقهوة وباتت عافية

 

[حاتم خليفة]

أنا للأسف عڨبت السيزيام 3 مرات ومانجحتش بعدها فات عليا عام أكحل من الفشلة وحكمت لفراش

مع العلم أنه بابا رحمه الله كان مفتش في مديرية التربية وكان صارم معايا بزاف فالقراية

 

[ام أمينة]

جبت السيزيام بمعدل مليح بعد عام دراسي مليئ بالدراسة و الشقاوة
يوم إعلان النتائج جات جدتي تع أمي و جدتي أبي رحمة الله عليهم و طبعا أمي وجدت الڨاطو و السفنج ( حنا في كل مناسبة سعيدة يحضر )
بابا هو لي راح للمدرسة و جاء بشرنا بنجاحي و زغرتولي بزاف
و بعدها جاو بعض المقربين و شربو معانا القهوة ذاقو الباروك
و الجيران أمي رسلت قرعة ڨازوز أو عصير مع حبات سفنج و في يوم آخر دارت طعام و فرقاتو على لي قراب .....

مشكورة على الموضوع
رجعتينا لزمن كان كلش فيه حلو البراءة و الفرحة و المرح ....

 

[إلياس]

صراحة أنا نجحت السيزيام سنة 1995 تذكر فيها معلمي طلب مني أن أحضر والدي رحمه الله إلى المدرسة بدون أن يخبرني بنجاحي و غضب مني و كاد يضربني إلا أن امي منعته بعدها ذهب له و أخبره بنجاحي و رجع للبيت و هو فرحان بنجاحي و قال لامي إلياس نجح سيزيام وجد لينا البغرير و فرحت امي و كذلك اخوتي و بعدها أعطيت هدية من طرف المعلم اذكر نجحت السيزيام بمعدل 14.95 هذه ما تذكرته عن قصتي في السيزيام

 

[سحائب الشوق]

في السيزيام تاعي كنت مع الأوائل في ابتدائية لي درسة فيها، المدير قال لبابا (ربي يرحمهم الاثنين) قالو بنتك جابت السانكيام و جيبها للحفلة نهاية الاسبوع الحفلة
جا بابا للدار أمي و جاراتي زعرتو بعدين أمي رحمها الله و جارتي دارو الغرايف و من عاداتنا كل الجيران و أصحاب المحلات ياكلو الباروك (اللي درك رجعو قليل وين نتصادفو معاه).
كانت هدية الوالد و الوالدة خاتم ذهبي ( وبقى الوالد كل نجاح في شهادة بقطعة ذهب).0

 

[Hakan]

انا السيزيام نتاعي ما نشفالهاش مليح ،مي نشفى برك كنا ساكنين في البيت الكبيرة مع عمامي ،بوركولي و الاب نتاعي فرحان بيا ،اما قضية مأكولات ومشروبات ما شفيتلهاش نشفى برك كان عندي الصرف ونشري في الفلاش .

 

[طمطومة مصطفى]

السلام عليكم ورحمة الله وبركاته


واش راكم ياعشيرة اللمة الجزائرية

لي نجح اولادو في السيزيام ألف مبروووووك


كيما تعرفو خرج السانكيام وشفنا حفلات بالديكور ولباس التخرج وكاين مدارس دارت حفلة.كبيرة في مركز ثقافي ولا قاعة سينما...مطاعم....الخ

الحالة تبدلت آجمااااااعة
السانكيام تاع درك مهوش تاع بكري
والأولياء في وقتنا هذا كون ميديروش لولادهم تخلى ويحسو بالنقص في وقت رجعن فيه المظاهر كل شي
المهم جيت نسقسيكم


بكري كي ديت السيزيام واش دارولك أهلك؟



وكيفاه عشت هذا الحدث؟؟؟




انا عن نفسي في وقتي

كانو يعلقو لاليست

رحت شفت وجيت نجري



ماما ديت السيزيام زغردت هي وجداتي

وناضو طيبو الغرايف (البغرير)

عمرت الصحونا قالتلي وصلي للجيران




وطيبت لبابا ادا مد لصحابو
وتاع لافامي كي يجيو ياكلوه سخون

مع حبات قاطو يشربوهم مع الحليب والقهوة وباتت عافية


مشاهدة المرفق 173718

وعليكم السلام ورحمة الله وبركاته
ذكريات جميلة
حنا ثاني علقولنا القائمة، جيت المرتبة الثالثة في المدرسة، روحت للدار طبعا وأمي كانت توجد باه دير الطمينة وديت للجيران كامل بالواحد
وفالمدرسة دارولنا حفلة وعطاونا هدايا انا هديتي كانت منبه بلون ذهبي على شكل سنة 2002
شكرااا على الموضوع

 

[طمطومة مصطفى]

أنا للأسف عڨبت السيزيام 3 مرات ومانجحتش بعدها فات عليا عام أكحل من الفشلة وحكمت لفراش

مع العلم أنه بابا رحمه الله كان مفتش في مديرية التربية وكان صارم معايا بزاف فالقراية

لي فيه الخير كل واحد واش مكتبلو ربي فالدنيا

 

[secret de coeur]

هاني جيت

ع سلامة معلمة شوشو
نقولك انا مادارولي والو ههههه ... مالغري جبت مليييييييح كانت اخر سنة يفوتو فيها السيزيام ب ستة سنوات الي مورايا قراو غير خمس سنين
جبتو ب 17.94 مزالت نعقل حتى ع المعدل ومافرحتش كيما الناس بابا كان غير كيما دا تقاعد نصفي من ادارة المدرسة سببة المرض وصحابو كانو مزال كامل فالمجال ... ملا مدير مدرسة الأمانة الي حسبو فيها صاحبو خخخ جا قالو على سمانة قبل ماخرجت نتيجة
ايا فرحو وماقدروش يزغرتو خاطر نتائج مزال ماطلعت هههه وكانت جداتي تما مدتلي عشرين الف هديك الورقة ييييي انا فرحت غير بالعشرين الف ههههه و نهار ردو نتائج مام با مارحتش ههه

بصحت كامل الي نحجو فشهادتي التعليم ابتدائي والمتوسط
هاه فكرتيني بواحد ليامات

 

[Tama Aliche]

صباح الخير معلمة "السلطانة" ☺

للأسف و على زهري عندي ذكريات بزاف مش مليحة فالمدرسة من كنت فالابتدائي إلى غاية خلصت دراستي .. واللي بزاف صعيبة أنني كنت نتنقل انا والعايلة بزاف من مكان لمكان كل مرة ، قريت في ثلاث ابتدائيات ، كي وصلت الخامسة والسادسة قريتهم في مدرسة أسوأ مدرسة و مكان لأنه كنت جديدة فالحي كامل و اللي فالمدرسة يحبو يتنمرو بزاااف ، وخاصة كي تطيح فاللي عندهم دراهم و المعلمة تعرف الأولياء تاعهم تسما يكون فيه انحياز ، مهم وين زيدت عرفت بلي قراية هنا ما تشبه لوالو في بلادنا كي قالونا بلي آخر عام راح نزيدو تقراو السنة السادسة ، يعني اللي يجيو مورانا يطلعو ديراكت الخامسة من تم للمتوسط ايا خسرنا عامين باش يلحقونا اللي صغار علينا خلي ..
المهم تعرفوني نحب نحكي بزاف على صوالح كما هذو لأنه نلقى بلي مزال ناس تعاني فالمجتمع هذا نحب نمد جرعة أمل بلي يجي نهار تكبر إن شاء الله و تفيق بزاف صوالح و الحقرة مهما تطول تخلاص ..

المهم أنا في السنة السادسة يعني السيزيام خسرت شغف القراية وقتها لأنه الابتدائية اللي كنت نقرى فيها السنوات اللي قبل كان فيها معلم يحبني بزاااف و كنت نقرى مليح لكن كي جيت لهنا ورحلنا لقيت بزاف تمييز و عنصرية وانا من بكري نميز بزاف سبحان الله هذا خلاني نتأثر ومانحكي لحتى واحد نخلي في قلبي ، مهم بقيت محافظة على الرياضيات واللغة العربية قعدت نحبهم الحمد لله لأني كنت فالدار كي نكره نجبد نقرى كتاب ولا نحل مسائل الرياضيات ، كي لحقو النتايج رحت للمدرسة شفت وحدي وجيت علابلي بلي ناجحة إن شاء الله ، شفت المعدل برك وشفت كيفاش هبطت بالمرتبة غاضتني لأنه مستوى تاعي مش هذاك لولا واش عشته من تنمر فالمدرسة و عنصرية و حفرة وظروف طبعا عائلية ، لكن عادي جيت للدار قلتلهم نجحت نورمال كانت تبانلهم لأنه أنا الصغيرة فالدار كامل و كانوا ديجا خاوتي وخواتاتي فاتو على المراحل هذي زمان ، وبما أنه العايلة تاعي مش مهتمة بالدراسة يعني ماتلقاهمش يشجعوا حتى يوم انتقلت للمتوسط و القيسي و كنت متفوقة فالرياضيات والفيزياء و كنت بزاف نحب اللغة العربية و التاريخ يا حسرااا كنت بزاف فيهم مليحة وكذلك الرياضة ياااه زمان كيفاش كون يولي برك ما نسمع لحتى واحد وندير رايي و نكسر كل الحواجز اللي كانت في طريقي ، لكن رغم هذا التفوق والعلامات تاعي اللي كانت مليحة مام حتى فالبيام جيت مليحة ومن المراتب الأولى و مام فالبيس كنت فيا لا نقرى لا فرحة لا والو ،كان كلش بالنسبة ليهم فوت وخلاص .. على هذي نقولك لا غرايف لا فرحة شفت في عينيهم لا والو ، لدرجة كنت نقول في نفسي : "علاش هذا البرود .. " رغم أنني مازلت لدوكا نحب الدراسة و حابة نزيد نمشي طريق فالدراسة إن شاء الله يعني مزال عندي خطط مستقبلية إن شاء الله لم لا ؟ لكن صدقيني بإذن الله لن اشاركهم نجاحاتي بعد الآن ، لأني كبرت وفهمت بلي مكانش اللي يقدر واش لحقت ليه ، غير ربي سبحانه ..


لهذا أنا نقول من هنا بلي يا أطفال افرحوا بكل لحظة وديرولها حفلة علاش لا ..؟ مهما كانت مرحلة تشوفوها ما تستاهلش لكن هذاك الطفل يستحق الاهتمام و أن تشاركه الفرحة .. عادي نقول للآباء افرحوا بولادكم كأنهم استوطنوا العالم ، لأنه مليح الحب و الاهتمام و الرعاية الطفل يحتاجها دوكا مش حتى يكبر .. كي يكبر يولي مسؤول عن نفسه و يعرف كيفاش يعيش ..

شكرا على هذا الموضوع اللي خلاني نهدر واش في قلبي ، لأنه ما نعتبرش انا هذا تبذير إذا كان فيه تشجيع للطفل و فيه سعادة له ، طبعا واش ما نشجعش عليه هو حفلات الغناء و الرقص ووو و هذي لا لا..

دمت مميزة سلطانة ☺​

 

[Tama Aliche]

أنا للأسف عڨبت السيزيام 3 مرات ومانجحتش بعدها فات عليا عام أكحل من الفشلة وحكمت لفراش

مع العلم أنه بابا رحمه الله كان مفتش في مديرية التربية وكان صارم معايا بزاف فالقراية

الحمد لله على كل حال ، راك كبرت و كلش فات يعني مهما واش صرى يخليك تعرف قيمتك مليح دوكا و توقف على رجليك مهما صرى ..

الله يرحم الوالد تاعك و يجعله من أهل الجنة يااارب

لكل مرحلة ذكرياتها ، الحمد لله أن الله يرى .. ​

 

[حاتم خليفة]

الحمد لله على كل حال ، راك كبرت و كلش فات يعني مهما واش صرى يخليك تعرف قيمتك مليح دوكا و توقف على رجليك مهما صرى ..

الله يرحم الوالد تاعك و يجعله من أهل الجنة يااارب

لكل مرحلة ذكرياتها ، الحمد لله أن الله يرى .. ​

الصراحة دوبلوني على جال اللغة الفرنسية كنت كل المواد نجيب فيها 20/20 إلا الفرنسية كنت نجيب فيها 0/20 ههههه

الحمد لله على كل حال

 

[أحلامي]

كانو يجيبو الورقة وحنا نتلمو ويعيطو بالاسم والمعدل وانا وجدت روحي بكري ورحت من ثمنية وانا نستنى حتى للوحدة كنت خباشة مي للاسف جيت الثانية في مدرستي ماستقنعتش درت حالة بالبكى ههههه وطبعا لا حفلة لا والو نورمال لي قرا يقرا لروحو هههه جتى المدرسة هذاك الوقت جامي يكرمونا اكثر مكافئة نتلقاوها هي حبات حلوة فليو ولا قطع طباشير ارطب ونطيرو فرحة بيهم

 

[dahman kz]

كنت وقتها نسقي في المزرعة تاع الوالد
كان الوالد يديني كل صباح نسقي المزرعة و يجيني لعشية يرجعني للدار و كانت المزرعة هاذي بعيدة عشرين كيلو على دارنا
القايلة كي كنت نسقي سمعت صوت الكاميو تاع الوالد جا .. وجا الوالد وقالي دحمان راك نجحت في السيزيام وجابلي قرعة ڨازوز .. شربتها و كملت نسقي .و لعشية رجعت للدار و نلقا أمي طايرة ملفرحة
كنت مجتهد وقتها وكنت ديما من الاواىل وكنت عارف روحي باللي راني ناجح .. فرحنا كامل وفرحة العائلة كل .. و للي متذكره مليح انو فرحة تاع الام كانت مختلفة وكانت فرحانة اكثر مني.
وجونا الاقارب والجيران كل يباركو ..
وقتها عندنا للي عنده نجاح يفرق الڨازوز و الڨاطو على الجيران و الاقارب ..و للي يجي يبارك للدار يشرب الڨازوز و الڨاطو ثاني.
و هاذ للي مازلت متفكره في نجاحي.

 

[habib2]

كانت سيزيام بكل المواد ، وكنا جيل روعة ، نهار لي ربحت دخلوني للشريعة كا امتياز