الحافلات في الجزائر .... حيث تبدأ الحكاية و تنتهي الأعصاب

[ام أمينة]

السلام عليكم و رحمة الله تعالى و بركاته


الحافلات في الجزائر .... حيث تبدأ الحكاية و تنتهي الأعصاب



في بلادنا كي نقولو نركبو الحافلة ( ال bus ) راهي ماشي جملة عادية


راهي إعلان رسمي على دخولك في مغامرة فيها كل أنواع المشاعر من الغضب إلى الضحك و من الصبر إلى الندم



الحافلة في الجزائر بين الوقوف الإجباري و الجلوس المستحيل و كلمة أفونسي لاريار هي كلمة السر



الحافلة في بلادنا ليست مجرد وسيلة نقل إنها مؤسسة إجتماعية متنقلة و مسرح شعبي و مختبر نفسي لإكتشاف حدود الصبر البشري من لحظة الإنتظار في المحطة إلى لحظة النزول تمر بتجربة لا تُنسى أو لا تُمحى


توصل بكري باش تضمن بلاصة ( مقعد ) خطأ فادح

الحافلة ما تجيش حتى تقرر هي ولا حتى يتعمرو البلايص ( الأماكن ) + عدد من الركاب الواقفين


و مكانش بلاكة ( لافتة ) باينة
فقط مجموعة من الناس واقفين في الشمس يشوفو في إتجاه واحد كأنهم ينتظرون أمر ما مستحيل سيحدث



و ثاني مكانش حاجة إسمها الصف و لا النظام


الطلعة ( الصعود ) يتم وفق قانون " شكون لي يطبع و شكون لي يزاحم أكثر و شكون لي يعيط أكثر "



المقاعد مصممة خصيصًا لتعذيب العمود الفقري


إذا قعدت قدام التاقة ( النافذة ) وجّد روحك لتلقي ضربة شمس أو تيار هوائي قاتل ولا في زوج



و الشيوخ يحكو حكايات تع الإستقلال و على غلاء المعيشة و فاتورات الماء و التريسيتي و العجايز يشتكو من كناينهم و المشاكل
و تلقى كذلك لي يدير كيت مان و داير الغناء و الكار كامل يسمع معاه و لا هاذيك لي تحكي فالتيليفون و صوتها عالي كامل يعرفو سرها

بلا ما ننساو واحد الفئة و نلقاوها غير في فصل الصيف أصحاب الرائحة الزكية ( تقول الكوسميتيك مغلوق ) رائحة لا تُطاق خاصة كي تكون الحافلة معمرة ( أعتذر عن هذه النقطة مي لازم نذكرها )



للأسف في بلادنا مكانش تيكي إلكتروني ( تذكرة إلكترونية ) الروسوفور ( لي يخلص عليك ) يقعد يدور و يخلص بخفة و مرات ما يرجعش الصرف ( الباقي ) و التيكي حافلة فيها و حافلة
و يبدأ يعيط بأسماء المحطات لي يجوز عليهم بسرعة و طلاقة


إذا وصلت في الوقت فذلك معجزة و إذا وصلت متأخرًا فذلك طبيعي



إنها تجربة وجودية رحلة في الذات و إختبار في الصبر


( طبعا أنا لا أتحدث عن كل الحافلات
ظاهرة من المجتمع و حبيت نشاركها معاكم )

........​

 

[ام أمينة]

@طمطومة مصطفى
@همس الوُرود @سكون الفجر @الريــان
@طموحة @sana barhoumi @إلياس @Hakan @سعد606 @ذكريات @barca.moha @Moha le sage
@aljentel @الامين محمد @dahman kz @أشــواق 19 @جليلوس @"viola" @السلطانة @adam doon alger @أم منيــــــر
@بسمة القلوب @جمال عبدلي @أم أُنٌَيسة @ام أمينة @rafid2 @شجـ الروح ـون @Zamenhov
@ملكة زوجي @Soumia hadj mohammed @الرومانسي الجاد @ahmedroyce339
@وصال اية @أبو عاتكة @*amani* @{مُدَلَّلَتُهُ} @Golden Man @رحيق الفردوس
@ليليا مرام @Ma$Ter @ℓσɴєℓу GĪяℓ @assinat @زاهية بنت البحر @حفياد آدم @بيسان بيبا @Oualid Kamel @حكايا الورد @sanaya @أويس مصطفى @هدية من الله @الفضل10
@AMH1398 @Andy_Delort @randa.hac @Rǿmẳņĉį LŎvès @خربشات غيمة @SOFIANE020
@إيمان~ @النجم البعيد @العَنْقَاءُ @Amine7N @ثَسْكُورْثْ نَثْدُوكْلِي @sami44 @أبو مارية @Adel Adel1 @Jorh @soso ana @صاحبة الأثر
@الورد الأحمر @{هِشام} @ضآحكة مستبشرة @متهجئ الحرف @زهور الشوق @لاريمان @Hakan
@the world @Skor m@k @ناسليهان @بيسان بيبا @زاد الرحيل @امير الصحراءdz
@ilina loulou @القطة الزهرية @خيرة الوهرانية @Oussama.GF @!≈[سُِـِيٌــِـِفّ اٌڷِخً‘يٌـرُ]≈! @اميرة المدائن
@الوهم @Malika Tlm @afnene @زهور الشوق @الفتاة الاميرة @الطيب الجزائري84 @طيور السلام
@bilel.dz @ام أمينة @الملك الظليل @لاجودان شاف @فتاة حساسة @hamza__2006 @بوعزة عامر 77
@Chouaib28 @faith8 @الأميرة بلقيس @EL General @حكايا المطر @Tama Aliche @عبد المـــالـــــك
@حياة71 @بنت الشمال @اسيل الحياة @نبيل مسلم @dida007 @Bfatiha @ظل سيريالية @chirine zina
@louai loulou @اسراء سروري @Oum Loukmane @الأستاذ مصطفى @خووخه
@فتى من الغد @@R@ZIK @ALIGSM @HAMZA USMA @visiteur @Moha le sage
@يونس قاسم @نذير1 @طيور السلام @النورس @وحي القلم @MARYTA @صاحبة الأثر @نرجس الريحان
@شيماء شوشيشا @Asm90 @ديكتاتــــــور @tayeb20 @prince of love @naouri65 @Ra Off @Djamel.Dz
@أشــواق 19 @الہٰوردة الہٰسہٰوداء @الفتاة الاميرة @النورس @الفراشة الحساسة @Ozdemir Sirac
@الحلم الوردي @space-cowboy @randa.hac @نجمة الأرض @*ياسر* @rycerz @صمتي حكاية @صانعة الإبتسامة
@NAPOLA @صدى الصورة. @أم أحمــــد يــسّ @هدوء المطر @sidali98 @نعمات @4LI_4LGERI4
@املي @secret de coeur @oumsif @حاتم خليفة @ناصر dz @🌌🔮متألقة🔮🌌 @prncess fifi
@بنقابي افتخر @ضآحكة مستبشرة @طيور السلام @أحمدوا @عاشقة رجاص @أريج محمد
@ahmedroyce339@ @rose09000@ @opira99 @A-Boudjema @أمـيـر الـجـزائـر @خديجة ph @Rayhan
@Ra_nya @Bouchra zarat @شهيناز بنت بلادها
@سفيان اسلام @أستاذ الفلسفة @razan roza @"هشام الأوراس" @amar naim @إيمان قلب
@البحر الهادي @Silent Hill @بنت الـ25 @السها @MESSI23000 @كنزة. @سـارة @جمــآنــة
@♡كارينا♡ @Oktavio_hinda @ريحـان @osama305 @اسماعيل22 @Abodi84 @الروسي @فاتن سيلين @إيمان~
@la lune rose @العنقاء 2 @فادي محمد @ديسق @أم عبد الله @فضيل28 @الزمن الجميل @سحائب الشوق @mohammed dfdf @امحمد خوجة @آمِيْرَتُه

 

[Hakan]

من تخرجت من الجامعة مازال ما ركبتش في كار بهذه المواصفات ههههه ،ياودي وش كنا نعانيو سيرتو في نهارات السخانة غبينة كبيرة .

 

[إلياس]

الحافلات عندنا في الجزائر حدث و لا حرج اعتبرها نقطة و ارجع الى السطر الذي لا تسمعه في حياتك تسمعه في الحافلة من التدخل في أعراض الناس و الكلام فيه و كلام فاحش و روائح الكريهة و التحرش بالنساء و غيرها من المظاهر السلبية صراحة يجب إعادة التربية لبعض الجزائريون خاصة عند ركوبهم الحافلة و من وجهة نظري يجب المشرفين على الحافلة وضع حافلات خاصة بالرجال و حافلات خاصة بالنساء دون انسى حافلات المسافات الطويلة و ما خلفته من حوادث مرور من قتلى و جرحى و عليه المشرفين على النقل إعادة هيكلة من جديد لقطاع النقل في بلادنا خاصة الحافلة و في الاخير اشكرك على الموضوع القيم جعله الله فى ميزان حسناتك

 

[ام أمينة]

من تخرجت من الجامعة مازال ما ركبتش في كار بهذه المواصفات ههههه ،ياودي وش كنا نعانيو سيرتو في نهارات السخانة غبينة كبيرة

للأسف مزال كاين هاد المواصفات في بعض الحافلات

مشكور على المرور و الرد في الموضوع

 

[ام أمينة]

الحافلات عندنا في الجزائر حدث و لا حرج اعتبرها نقطة و ارجع الى السطر الذي لا تسمعه في حياتك تسمعه في الحافلة من التدخل في أعراض الناس و الكلام فيه و كلام فاحش و روائح الكريهة و التحرش بالنساء و غيرها من المظاهر السلبية صراحة يجب إعادة التربية لبعض الجزائريون خاصة عند ركوبهم الحافلة و من وجهة نظري يجب المشرفين على الحافلة وضع حافلات خاصة بالرجال و حافلات خاصة بالنساء دون انسى حافلات المسافات الطويلة و ما خلفته من حوادث مرور من قتلى و جرحى و عليه المشرفين على النقل إعادة هيكلة من جديد لقطاع النقل في بلادنا خاصة الحافلة و في الاخير اشكرك على الموضوع القيم جعله الله فى ميزان حسناتك

كلامك وجيه
النقل في بلادنا محتاج إعادة نظر شاملة من ناحية السلوك و التنظيم

مشكور على المرور و الرد في الموضوع

 

[Tama Aliche]

السلام عليكم

علاش علاش تجيبي في موضوع كما هذا دوكا ..؟ خاصة أنه انا من الأشخاص اللي صايي كرهت الحافلات بحكم نتنقل بزاف ، وزيد نقولك بلي اليوم بالذات صرالي مشكل لحقت ضربت طفلة رجعتها تشوف أصلها وين ايماااااااا علاه علاه بلادي هكذا..

نحكيلك اليوم بالذات ركبت فالحالة مع اختي وهي بالحمل و عندها زوج اولاد بنت و طفل ثلاث سنوات و زوجها وصلنا باش رفد لاختي القش تاعها وانا جيت على أساس باش نديها معايا لدارنا لأنه هي مريضة الفترة هذي شوية تعبانة وزوجها يعمل ليل نهار ، أيا هو كي جا يمدلنا الكآبة وحدة دخلت فيه قالها اصبري نطلع طفل صغير او طبعتيه ايا هي تشوفيها ربي يغفرلي وجهها يبين كلش سواد وجهها يعني شر يا لطيف و زيد مطرق شواء لابسة جلابة كحلة هذاك هو زاد تحرقت من الشمس ايا ولات تعيط فيه و تضارب شوفي انا قلتلها خلاص اختي صيبون الغلطة تكون منو ولا منك مهم قعدت نقولها خلاص و نقول لراجل ختي خلاص حبسو مهم واش دارت هي رفدت يدها زيرت على يدها وقالتلو نضربك نقسمك و زادت طبعت الطفل ايا شوفي هنا صاي حسبت بلي الغاشي يخاف منها ، راجل اختي قادر تلفون يخسرو عليها يحبسوها فالباراج تاع لابوليس راهو في سلك الشرطة و إهانة أي واحد يخدم مع الدولة تتحاسب عليه قانونيا ، مهم انا شفتها رفدت يدها على راجل اختي وزادت طبعت الطفل صغير وانا شفت فيها قلتلها ااااي يا طفلة منين جيتي انتي شكون علمك التعامل هذا آه ؟ أنا كملت كلمتي و نعطيها شوفي دبزة ديراكت تعرفي حكمتها ماخليتهاش وهي كي لقاتني فور عليها بلاطاي غدرتني حكمتلي خمار انا الحمد لله شوية ندير مساسك بزاف طارلي لكن مقدرتش تنحيهولي يعني حكمت خماري لفيتو و رميت دوزان تاعي اه صاي شوفي تعرفي هذوك اللي يضربو يصرعو انا هوما شوفي جاية نسوطي عليها يعني تاع نهارك تموتي مكانش كيفاش نطيح كلام و هدرة ماش مليحة شوفي معلابلهاش بلي الضرب تاعي فنون ههههههه يعني نكسرلها عظامها نورمال شوفي حكمني السيد و راجل اختي هي كي لقاتني ماخافتش منها صايي هربت وتشوفيها كيفاش هربت حنى لقاوها مكانش ، قلتلها ريحي برك نوصلو لاقار انا الثيران يحكم نقلعلك الجلد تاعك تزيدي تقولي هذي تخاف ، خاطرش انتم بنات اللي كما رجال و تشربو دواوات وتظلوبرى بالشارع لازم تدو طريحة ونزيد نعتقلك للشرطة بتهمة التعدي على طفل صغير و الكلام الفاحش و عمل فوضى داخل الحافلة و زيد راكي برانية مش تاعنا ، يعني برك .. للاسف خوافة و راها للأسف من هذوك الله يعافينا منحبش نشمت في ولية كيفي كيفها بلاك الظروف داتها ، لكن تبين أنه اللي فالبيس يعرفوها تظل تطلب فالشارع وتظل من بلاصة لبلاصة للأسف يعني ما نلومهاش كي راها هكذا دايرة، لكن أنا التعدي عليا ما نقبلوش رغم أنني لست سريعة الغضب لكن مواقف هكذا تستاهل تدير كاراتي علاجال عباد هكا ، للأسف ماعلابلهاش بلي وحدة بارعة في القفز الطويل تقدر تنقض عليها عادي قفزة أسطورية نقلعلها دماغها اللي يخمم يحقر الناس ، شفتي مين يحكموك وانتي حزمتي كما تاع الكاراتي ههههههه حكموني غاشي هربتلي كرمشة عين خواااافة ، كرهت يا اختي الحافلات على هذا السبب ، بسبب هوايش و عباد هكذا ، وما نهدروش على التحرش انا هذي ما نتسامحش فيها شوفي نسكت نسكت بصح الى نضت نعطي طريحة يصرى واش يصرى ، شوفي او كون تشوفي العجب سيرتو فالصيف كارثة يهبلوعباد ولا واش بيهم ، انا صراولي مواقف للأسف منقدرش نفوت عليهم ، مثلا تلحق وحدة للوالدة تاعي هنا ننطق، تخيلي كانت في يوم من الأيام العام الماضي الوالدة مريضة و الصيف ومتقدرش توقف تسنى فالسخانة هذيك ، وحنا تاع ولاد وبنات المنطقة هذيك يعرفونا ليروسوفور وكلش قلتلو انا من فضلك خلي الوالدة تطلع اي مريضة ها راني رافدة دوا و اوردونونس راك تشوف مام هي راك تشوف حالتها ، أيا هو فتحلها قالي اوك ياو تشوف وحدة تم كانت مش تاع ولايتنا جاية تحوس ومشكل وحدة في عمرها 45 سنة هكاك يا لطيف نطيح غير مع اللي يعييو في خليقتهم، لأنه ربي ما خلقش الإنسان مشنف و سيء الأخلاق، هوما رجعو خليقتهم ما تشبه لوالو ، أيا قالتلي واش بيك حنا ربع ساعة واقفين هنا جيتي انتي فتحتي باب طلعتي يماك .. انا استغربت قلتلها راك الوالدة مريضة و كبيرة 68 سنة تحطي عنادك معاها ؟، قلتلها انا طلبت الإذن من صاحب الحافلة عادي راحت بلاصة برك ما والو بلايص ياك ؟ ايا ولات تعيط و تزيد فالهدرة ، قلتلها انتي جاية تحوسي ياك انا الوالدة كانت فالطبيب متقدرش توقف واش بيكي مرة كبيرة ما قادرتيهاش؟ هبلتي ، شوفي هي ولات تعيط و جاية تضربني زعما قالتلي شوفي نضربك وقفت انا قابلتها قلتلها ارقدي يدك تشوفي كيفاش نبعتك تديري ريديكاسيون كل يومين فالسمانة عليه شوفي هي عمبالها يخافو منها ، قلتلها شوفي انتيا خلقك ربي قصيرة باش ما تتطاوليش على الناس ، واش رايك كون نخسر عليك برك دبزة نسمرك فالأرض هنا.. ولى حابة تديري فوضى و فضيحة انا كامل يعرفوني ولاد منطقتيواش نسوى أما انتي يهدرو عليك كي تروحي بالعار فهمتي الفرق بيني وبينك ؟ ثاني حاجة انتي من هذوك اللي كي يكبرو تضيقلهم من بنات صغارات سيرتو كي تعجبهم وانتيا شارفة وزيد كي الراجل حتى فالهندام تاعك .. قلتلها نقولك أنا اصلا كون نركب مع وحدة كيفك قادرة نخنقها هنا دوكا مالا نهبط خاطرش لازمني نقادر اللي قادرني راهم خدامين على رزقهم وانتي متعرفيش معناتها الخبزة اوك ، سكتت وهبطت انا والوالدة و ركبت بسهولة فالبيس اللي بعده فتحولنا عادي وقلتلها ختاما نقولك بلي الرجال اللي تهدرو عليهم بالسوء احترمو المرى كبيرة وانتيا مرى يا عجبا مرى في مقام يماك حسدتيها كي طلعها الروسوفور قبل الوقت تسما انتي والله ما تسواي فريمون صدق اللي قال "عدو المرأة هو المرأة " .. وقلتلها صدقيني كون ماشي الوالدة مريضة غير نهبطك من البيس كي الكلبة تولي تنبحي كي الكلب صح وماتديري والو خاطرش انتي ما تسوايش.. تسواي لسانك اللي تتحاسبي عليه و نضمنلك انتيا ما تصلحيش تكون زوجة ولا أم ولا اخت وما تتعاشريش، الوالدة مسكينة كي شافتها نايضة ليا تضربني جات دافع عليا ايا هي ناضت وانا الله غالب طويلة و فورمة سبورتيف الحمد لله مهما كلش لكن لا افقد رشاقتي و بطولاتي القتالية هي ناضت وانا عاودت قعدتها قلتلها نخسر عليك غير كيفاش نعلمك تقعد بالرخس هههههههه و الله ظلموها كامل خاطرش باش تعاند وحدة كبيرة والله مريضة مرييييضة

اصبري نحكيلك مزالي انتي جبتي موضوع حساس بالنسبة ليا بزاااف الله غالب شي عباد ماتقدرش تسكت ليهم ​

 

[لمعانُ الأحداق]

الحافلات والنقل الجماعي عندنا خطأ ..
تمرض قبل ماتلحق لوجهتك
قبل ماتركب أصلا [ الانتظار، التحديق، التطباع ... ]

فوضى عملاقة

 

[Tama Aliche]

نكملك لأنه الموضوع هذا بزاف قلقني و زاد شجعني على الهجرة من هذه الأماكن السيئة تكذبي شحال ندعي ربي نبعد من المخلوقات هذوما كرهتهم صح عقلية حابسة .. تتخيلي انتي مريحة في رحمة ربي يخرجلك عبد تلقايه يقولك معليش كي ريحت هنا قدامك ؟ واش تقول انت تقولو هذي الحافلة تاع الناس الكل واش دخلني فيك .. انا هكذا الرد تاعي ما نكلفش نفسي حتى نشوف فيه ، مهم ايا تلقاه فجأة يبدأ يحاول يحاورك و يقولك واش بيك راك ربي خلقنا باش نتعارفو، أيا انا نسكت خاطرش القرءان هو حفظ كلمة و الحمد لله انا حافظة منو و فاهمة مش حفظ فقط ، المهم نتجاهل مرة اثنين الى أن يصل به الأمر باش يدير عمل لا أخلاقي تم صدقيني غير هذي ما نقدرش نتسامح فيها وعمري ما تسامحت فيها ، أولا البيس يحبس نطلب من الشوفور يحبس هنا ، و زيد باش نقولك عمري ما حكمت راحلك طرطقتلو راسو ما منكذبش حكمت و عطيتو طريحة يعني شوفي خنقتو و طبع لهيه يهبط مكانش باش هكذا يترباو مليح ما يخمموش يزيدو يديرو عفسة هكذا .. قلتو عريانين اوك بصح وحدو متحجبة تدنى ليها اه هذي ما تسمحش فيها ..
​

 

[Tama Aliche]

شوفي وانا بطبعي من الناس اللي نمد فرصة للإنسان مرة و زوج لكن خلاص وقت الحالي ماكانش فرصة ديراكت تجبد الأسلحة تاعك دافع على روحك ما تخافش و حتى و إن مت .. الله غالب دنيا هذي منقدرش نخاف فيها تجاوزت فيها بزاف صعوبات الحمد لله ، الإنسان القوي خير ، باش نضعف انا و تجي تقولي بهذا الشي راح تفقدي الانوثة اه لا لا .. الانوثة في مكانها مع الناس اللي تستاهل و في وقتها و مكانها مش مع أي كان ..

الموقف الطريف اللي حدث معاي كان مع شخصين أولهما كان في رمضان مرت عليه ثلاث سنوات ، ومن جد مريضة يعني حالتي لا تسمح لي بأن أتجاوز عن اي معاملة سيئة ، كنت نبحث عن حافلة اللي تديني للبلاصة اللي حابة ما عرفتش كيفاش نركب ايا انا سقسيت اللي لقيت قدامي وكان هو الشوفور وانا معلابليش مهم كان واحد قدامو معجبوش الحال كي قاعدة نسقسي فيه انا لاحظتو قاعد يقرب ليا و يتدخل فالأمر مهم انا باحترام قلتلهم شكرا ، قالي هذي هي الحافلة اللي تديك للبلاصة اللي حابة مهم ، هو في قالو رمضان و بانتلو قادرتهم منا يحسب ايا وطبع كما تحب مهم انا جيت طالعة وهو رمى رجلو قالي ايا طلعي برك و ضربني برجلو للصباط شغل كما اللي يضرب بالون باستهزاء ، حسبني دوك نحشم و نطلع و ندير روحي ما شفت والو ، شوف هبطت ليه دورت ليه ديراكت حكمتو من تريكو قلتلو كي تشوف هذي الطفلة اللي قدامك ما يغركش أني هدرت معاك بظرافة يعني نتقبل منك ترخسني، حسبتني بالون ولا باش ترفد رجلك عليا ، زيد علاش هذا الجاست ، قالي يا اختي طلقيني صايي ديريني راني مهبول ومع الصيام ووو قلتلو اذا مهبول وتتعاطى أدوية لأجل أن يترتب عقلك إذن انت مالازمش تعمل حاليا اسجن روحك فالدار حتى تبرى من هبالك، وقلتلو الصيام كامل صايمين الحمد لله لكن مش كامل راضي علينا ربي للأسف .. و انا ديرني مهبولة تان نعطيك دوكا كف باش تتريقل، قلتلو او تعود تحسب نخاف منك الغاشي ندورو عليك يزيدولك طريحة ، اطلب سماح دوكا ، و رجلك هذا تحكم فيه ام كاين رجال اللي يكسروهلك فهمت ، الحق الحق الشوفور شافو وضارب معاه مام غاشي .. قلتلو امشي ترقد ، ماكش تدير مزية في ربي كي راك صايم قاعد تتفشش على ربي امشي .. والفتو تشربو الدواوات وتيانتي على هذي راك هكذا دوكا .. الصوم اللي يعرف قيمته كيفاش

ايا مشيت هههه هذي ما ننساهاش ههههههه من تم السيد علي خلاص ههههههه​

 

[ام أمينة]

السلام عليكم

علاش علاش تجيبي في موضوع كما هذا دوكا ..؟ خاصة أنه انا من الأشخاص اللي صايي كرهت الحافلات بحكم نتنقل بزاف ، وزيد نقولك بلي اليوم بالذات صرالي مشكل لحقت ضربت طفلة رجعتها تشوف أصلها وين ايماااااااا علاه علاه بلادي هكذا..

نحكيلك اليوم بالذات ركبت فالحالة مع اختي وهي بالحمل و عندها زوج اولاد بنت و طفل ثلاث سنوات و زوجها وصلنا باش رفد لاختي القش تاعها وانا جيت على أساس باش نديها معايا لدارنا لأنه هي مريضة الفترة هذي شوية تعبانة وزوجها يعمل ليل نهار ، أيا هو كي جا يمدلنا الكآبة وحدة دخلت فيه قالها اصبري نطلع طفل صغير او طبعتيه ايا هي تشوفيها ربي يغفرلي وجهها يبين كلش سواد وجهها يعني شر يا لطيف و زيد مطرق شواء لابسة جلابة كحلة هذاك هو زاد تحرقت من الشمس ايا ولات تعيط فيه و تضارب شوفي انا قلتلها خلاص اختي صيبون الغلطة تكون منو ولا منك مهم قعدت نقولها خلاص و نقول لراجل ختي خلاص حبسو مهم واش دارت هي رفدت يدها زيرت على يدها وقالتلو نضربك نقسمك و زادت طبعت الطفل ايا شوفي هنا صاي حسبت بلي الغاشي يخاف منها ، راجل اختي قادر تلفون يخسرو عليها يحبسوها فالباراج تاع لابوليس راهو في سلك الشرطة و إهانة أي واحد يخدم مع الدولة تتحاسب عليه قانونيا ، مهم انا شفتها رفدت يدها على راجل اختي وزادت طبعت الطفل صغير وانا شفت فيها قلتلها ااااي يا طفلة منين جيتي انتي شكون علمك التعامل هذا آه ؟ أنا كملت كلمتي و نعطيها شوفي دبزة ديراكت تعرفي حكمتها ماخليتهاش وهي كي لقاتني فور عليها بلاطاي غدرتني حكمتلي خمار انا الحمد لله شوية ندير مساسك بزاف طارلي لكن مقدرتش تنحيهولي يعني حكمت خماري لفيتو و رميت دوزان تاعي اه صاي شوفي تعرفي هذوك اللي يضربو يصرعو انا هوما شوفي جاية نسوطي عليها يعني تاع نهارك تموتي مكانش كيفاش نطيح كلام و هدرة ماش مليحة شوفي معلابلهاش بلي الضرب تاعي فنون ههههههه يعني نكسرلها عظامها نورمال شوفي حكمني السيد و راجل اختي هي كي لقاتني ماخافتش منها صايي هربت وتشوفيها كيفاش هربت حنى لقاوها مكانش ، قلتلها ريحي برك نوصلو لاقار انا الثيران يحكم نقلعلك الجلد تاعك تزيدي تقولي هذي تخاف ، خاطرش انتم بنات اللي كما رجال و تشربو دواوات وتظلوبرى بالشارع لازم تدو طريحة ونزيد نعتقلك للشرطة بتهمة التعدي على طفل صغير و الكلام الفاحش و عمل فوضى داخل الحافلة و زيد راكي برانية مش تاعنا ، يعني برك .. للاسف خوافة و راها للأسف من هذوك الله يعافينا منحبش نشمت في ولية كيفي كيفها بلاك الظروف داتها ، لكن تبين أنه اللي فالبيس يعرفوها تظل تطلب فالشارع وتظل من بلاصة لبلاصة للأسف يعني ما نلومهاش كي راها هكذا دايرة، لكن أنا التعدي عليا ما نقبلوش رغم أنني لست سريعة الغضب لكن مواقف هكذا تستاهل تدير كاراتي علاجال عباد هكا ، للأسف ماعلابلهاش بلي وحدة بارعة في القفز الطويل تقدر تنقض عليها عادي قفزة أسطورية نقلعلها دماغها اللي يخمم يحقر الناس ، شفتي مين يحكموك وانتي حزمتي كما تاع الكاراتي ههههههه حكموني غاشي هربتلي كرمشة عين خواااافة ، كرهت يا اختي الحافلات على هذا السبب ، بسبب هوايش و عباد هكذا ، وما نهدروش على التحرش انا هذي ما نتسامحش فيها شوفي نسكت نسكت بصح الى نضت نعطي طريحة يصرى واش يصرى ، شوفي او كون تشوفي العجب سيرتو فالصيف كارثة يهبلوعباد ولا واش بيهم ، انا صراولي مواقف للأسف منقدرش نفوت عليهم ، مثلا تلحق وحدة للوالدة تاعي هنا ننطق، تخيلي كانت في يوم من الأيام العام الماضي الوالدة مريضة و الصيف ومتقدرش توقف تسنى فالسخانة هذيك ، وحنا تاع ولاد وبنات المنطقة هذيك يعرفونا ليروسوفور وكلش قلتلو انا من فضلك خلي الوالدة تطلع اي مريضة ها راني رافدة دوا و اوردونونس راك تشوف مام هي راك تشوف حالتها ، أيا هو فتحلها قالي اوك ياو تشوف وحدة تم كانت مش تاع ولايتنا جاية تحوس ومشكل وحدة في عمرها 45 سنة هكاك يا لطيف نطيح غير مع اللي يعييو في خليقتهم، لأنه ربي ما خلقش الإنسان مشنف و سيء الأخلاق، هوما رجعو خليقتهم ما تشبه لوالو ، أيا قالتلي واش بيك حنا ربع ساعة واقفين هنا جيتي انتي فتحتي باب طلعتي يماك .. انا استغربت قلتلها راك الوالدة مريضة و كبيرة 68 سنة تحطي عنادك معاها ؟، قلتلها انا طلبت الإذن من صاحب الحافلة عادي راحت بلاصة برك ما والو بلايص ياك ؟ ايا ولات تعيط و تزيد فالهدرة ، قلتلها انتي جاية تحوسي ياك انا الوالدة كانت فالطبيب متقدرش توقف واش بيكي مرة كبيرة ما قادرتيهاش؟ هبلتي ، شوفي هي ولات تعيط و جاية تضربني زعما قالتلي شوفي نضربك وقفت انا قابلتها قلتلها ارقدي يدك تشوفي كيفاش نبعتك تديري ريديكاسيون كل يومين فالسمانة عليه شوفي هي عمبالها يخافو منها ، قلتلها شوفي انتيا خلقك ربي قصيرة باش ما تتطاوليش على الناس ، واش رايك كون نخسر عليك برك دبزة نسمرك فالأرض هنا.. ولى حابة تديري فوضى و فضيحة انا كامل يعرفوني ولاد منطقتيواش نسوى أما انتي يهدرو عليك كي تروحي بالعار فهمتي الفرق بيني وبينك ؟ ثاني حاجة انتي من هذوك اللي كي يكبرو تضيقلهم من بنات صغارات سيرتو كي تعجبهم وانتيا شارفة وزيد كي الراجل حتى فالهندام تاعك .. قلتلها نقولك أنا اصلا كون نركب مع وحدة كيفك قادرة نخنقها هنا دوكا مالا نهبط خاطرش لازمني نقادر اللي قادرني راهم خدامين على رزقهم وانتي متعرفيش معناتها الخبزة اوك ، سكتت وهبطت انا والوالدة و ركبت بسهولة فالبيس اللي بعده فتحولنا عادي وقلتلها ختاما نقولك بلي الرجال اللي تهدرو عليهم بالسوء احترمو المرى كبيرة وانتيا مرى يا عجبا مرى في مقام يماك حسدتيها كي طلعها الروسوفور قبل الوقت تسما انتي والله ما تسواي فريمون صدق اللي قال "عدو المرأة هو المرأة " .. وقلتلها صدقيني كون ماشي الوالدة مريضة غير نهبطك من البيس كي الكلبة تولي تنبحي كي الكلب صح وماتديري والو خاطرش انتي ما تسوايش.. تسواي لسانك اللي تتحاسبي عليه و نضمنلك انتيا ما تصلحيش تكون زوجة ولا أم ولا اخت وما تتعاشريش، الوالدة مسكينة كي شافتها نايضة ليا تضربني جات دافع عليا ايا هي ناضت وانا الله غالب طويلة و فورمة سبورتيف الحمد لله مهما كلش لكن لا افقد رشاقتي و بطولاتي القتالية هي ناضت وانا عاودت قعدتها قلتلها نخسر عليك غير كيفاش نعلمك تقعد بالرخس هههههههه و الله ظلموها كامل خاطرش باش تعاند وحدة كبيرة والله مريضة مرييييضة

اصبري نحكيلك مزالي انتي جبتي موضوع حساس بالنسبة ليا بزاااف الله غالب شي عباد ماتقدرش تسكت ليهم ​

الحافلة ولات ساحة حرب يومية
وقفتِ وقفة حقيقية بين الغاشي و الظلم لا بالصراخ ولا بالفوضى بل برد عقلاني و قوي
ما دافعتيش برك على أختك ولا والدتك دافعتي على معنى الإحترام في وقت ولى فيه الناس ما يفرقوش بين الجرأة و الوقاحة
موقفك اليوم خلاهم يفهمو أنو الطيبة ما تعنيش الضعف و السكوت ماشي دايما خوف بعض السكوت يسبق زلزال و أنتي كنتي الزلزال اللي رجّع الأمور لمكانها

مشكورة غاليتي على المرور و الرد في الموضوع

 

[ام أمينة]

الحافلات والنقل الجماعي عندنا خطأ ..
تمرض قبل ماتلحق لوجهتك
قبل ماتركب أصلا [ الانتظار، التحديق، التطباع ... ]

فوضى عملاقة

النقل الجماعي عندنا ما بقاش وسيلة راحة ولى مصدر تعب و توتر يومي
من التطباع حتى للفوضى كل شيء يخليك تكره الطريق قبل ما تبدأ لازم تغيير جذري في أقرب فرصة

مشكورة على المرور و الرد في الموضوع

 

[ام أمينة]

نكملك لأنه الموضوع هذا بزاف قلقني و زاد شجعني على الهجرة من هذه الأماكن السيئة تكذبي شحال ندعي ربي نبعد من المخلوقات هذوما كرهتهم صح عقلية حابسة .. تتخيلي انتي مريحة في رحمة ربي يخرجلك عبد تلقايه يقولك معليش كي ريحت هنا قدامك ؟ واش تقول انت تقولو هذي الحافلة تاع الناس الكل واش دخلني فيك .. انا هكذا الرد تاعي ما نكلفش نفسي حتى نشوف فيه ، مهم ايا تلقاه فجأة يبدأ يحاول يحاورك و يقولك واش بيك راك ربي خلقنا باش نتعارفو، أيا انا نسكت خاطرش القرءان هو حفظ كلمة و الحمد لله انا حافظة منو و فاهمة مش حفظ فقط ، المهم نتجاهل مرة اثنين الى أن يصل به الأمر باش يدير عمل لا أخلاقي تم صدقيني غير هذي ما نقدرش نتسامح فيها وعمري ما تسامحت فيها ، أولا البيس يحبس نطلب من الشوفور يحبس هنا ، و زيد باش نقولك عمري ما حكمت راحلك طرطقتلو راسو ما منكذبش حكمت و عطيتو طريحة يعني شوفي خنقتو و طبع لهيه يهبط مكانش باش هكذا يترباو مليح ما يخمموش يزيدو يديرو عفسة هكذا .. قلتو عريانين اوك بصح وحدو متحجبة تدنى ليها اه هذي ما تسمحش فيها ..
​

واقع يومي يخنق بلا إحترام ولا أمان
كرهك مبرر و الهجرة صارت أمل باش تعيشي في راحة و كرامة بعيد على عقلية ما تغيرتش
ربي يسهلك و يكتبلك الخير وين ما تكوني

شوفي وانا بطبعي من الناس اللي نمد فرصة للإنسان مرة و زوج لكن خلاص وقت الحالي ماكانش فرصة ديراكت تجبد الأسلحة تاعك دافع على روحك ما تخافش و حتى و إن مت .. الله غالب دنيا هذي منقدرش نخاف فيها تجاوزت فيها بزاف صعوبات الحمد لله ، الإنسان القوي خير ، باش نضعف انا و تجي تقولي بهذا الشي راح تفقدي الانوثة اه لا لا .. الانوثة في مكانها مع الناس اللي تستاهل و في وقتها و مكانها مش مع أي كان ..

الموقف الطريف اللي حدث معاي كان مع شخصين أولهما كان في رمضان مرت عليه ثلاث سنوات ، ومن جد مريضة يعني حالتي لا تسمح لي بأن أتجاوز عن اي معاملة سيئة ، كنت نبحث عن حافلة اللي تديني للبلاصة اللي حابة ما عرفتش كيفاش نركب ايا انا سقسيت اللي لقيت قدامي وكان هو الشوفور وانا معلابليش مهم كان واحد قدامو معجبوش الحال كي قاعدة نسقسي فيه انا لاحظتو قاعد يقرب ليا و يتدخل فالأمر مهم انا باحترام قلتلهم شكرا ، قالي هذي هي الحافلة اللي تديك للبلاصة اللي حابة مهم ، هو في قالو رمضان و بانتلو قادرتهم منا يحسب ايا وطبع كما تحب مهم انا جيت طالعة وهو رمى رجلو قالي ايا طلعي برك و ضربني برجلو للصباط شغل كما اللي يضرب بالون باستهزاء ، حسبني دوك نحشم و نطلع و ندير روحي ما شفت والو ، شوف هبطت ليه دورت ليه ديراكت حكمتو من تريكو قلتلو كي تشوف هذي الطفلة اللي قدامك ما يغركش أني هدرت معاك بظرافة يعني نتقبل منك ترخسني، حسبتني بالون ولا باش ترفد رجلك عليا ، زيد علاش هذا الجاست ، قالي يا اختي طلقيني صايي ديريني راني مهبول ومع الصيام ووو قلتلو اذا مهبول وتتعاطى أدوية لأجل أن يترتب عقلك إذن انت مالازمش تعمل حاليا اسجن روحك فالدار حتى تبرى من هبالك، وقلتلو الصيام كامل صايمين الحمد لله لكن مش كامل راضي علينا ربي للأسف .. و انا ديرني مهبولة تان نعطيك دوكا كف باش تتريقل، قلتلو او تعود تحسب نخاف منك الغاشي ندورو عليك يزيدولك طريحة ، اطلب سماح دوكا ، و رجلك هذا تحكم فيه ام كاين رجال اللي يكسروهلك فهمت ، الحق الحق الشوفور شافو وضارب معاه مام غاشي .. قلتلو امشي ترقد ، ماكش تدير مزية في ربي كي راك صايم قاعد تتفشش على ربي امشي .. والفتو تشربو الدواوات وتيانتي على هذي راك هكذا دوكا .. الصوم اللي يعرف قيمته كيفاش

ايا مشيت هههه هذي ما ننساهاش ههههههه من تم السيد علي خلاص ههههههه​

فهمت منك بلي ما ترضايش بالذل و ما تسكتيش على الإهانة و الطيبة تاعك لها حدود و الكرامة خط أحمر

مشكورة غاليتي على المرور و الرد مرة ثانية
استمتعت كثيرا و انا أقرا ردودك

 

[أبو خديجة]

آخر مرة ركبت في الكار من 10 سنين
كُنت مسافر وكان قاعد حذايا شايب بدا يحكيلي قصة حياتوا وغير بدا يحكي بين كلمة وكلمة يسب ، قلتلو يالحاج حبس عليك السبان راهم النساء في الكار قالي يدزوا معاهم وبدا يسب فيا وفي المسافرين

تكلمت للشيفور قلتلوا حبس الكار راح نهبط من هذيك حلفت مانزيدش نركب في الكيران

 

[Tama Aliche]

الموقف الطريف الآخر أنه كنت فالحافلة عادي كنت نقرى في كتاب وصلت للمحطة ما انتبهتش صراحة ، لأنه الكتاب كان يهمني بزاف طبعا بي دي آف ، منحبش نرفد كتاب ورقي قدام الجهلاء إلا من رحم الله ، خاطرش تلقى اللي يلعبوها يتوددو ليك على أساس زعما يحبو حتى هوما يقراو ولا عباد يشوفو ليك راك تدير في حاجة معلابليش تقول كفرت ههههه مهم الكتب الورقية فالبيت ايا قريت كتاب من الهاتف نسيت على روحي بلي وصلت ، من بعد انتبهت سمعت صوت الروسوفور ايا نضت قلتلو نعتذر و انا هابطة السيد حكم هذيك اللي يحطو فيها الصرف تجي حديدة ضربني على راسي وقالي :"ايا اهبطي بركانا .. " ياااااربي نكره اللي يحسبوك راح تسكت وبلي نحشم و تتجاوز ايا وكان واحد تم شافو ضحك قهقهة انا رأسي ثم رأسي عندي مشكل في راسي أي ضربة نخلص عليها وجع راس ، والرأس هو كلش كش اي ضربة قوية تضرك بل حتى ضربة خفيفة تقدر تضرك صح وانت متعرفش فاللحظة، إذا نقولكم صحتكم غالية بزااف حذاري ، مهم دورت ليه ببرودة شديدة قلتلو ضربتني بهذا اللي فيدك دوكا ؟ قالي لا لا نقصر برك .. اه قلتلو من فضلك هات هذاك اللي فيدك حابة حتى انا نضحك شوية ، مالقى ما يدير نحيتولو من يدو درتلو وحدة باللحن طااااخ طااااخ طاطاطاطاخ.. عجبتك هكذا .. يا سيد يا قابض الالفينات كل يوم حبيت نفهمك بلي هذي ما يلعبوش بيها الناس خذي تخلص بيها وترجع بيها الصرف اوك ، قلتلو راك تشوف في روحك شحال فيك راك تزحف مع الأرض او نكمل نغرسك شجرة وماكانش اللي يسقيك ، صدقيني معرف علاه ولى خايف قالي سمحلي يا اختي والله ضحكت معاك خاف تاع الصح جاني شفت واحد يخاف هكذاك ، قلتلو طي عارف روحك مش راجل علاش تدنى الشي اللي صعيب عليك ؟ قلتلو ما تضحكش معاي بالضرب على راسي انا رأسي غالي ماشي اللي جا يضرب فيه فهمت .. الى راسك شبع صقلات و دماغات حساب ااشوفة انت راك تاكل الضرب مش مرة مش زوج هذيك حاجتك مش ايجي واضحك كما تحب .. و اللي كان تم ضحك بالصوت قلتلو كمل الضحكة تاعك على زميلك فالعمل ، قلتلو خطرة جاية كي تشوفني ماتكملش تشوف خاطرش أنا نحب نزيد نتبلى اللي أساء معاملتي اهرب برك . . ههههههه او الله غالب واش ندير كرهت كرهت الحافلات ​

 

[Tama Aliche]

آخر مرة ركبت في الكار من 10 سنين
كُنت مسافر وكان قاعد حذايا شايب بدا يحكيلي قصة حياتوا وغير بدا يحكي بين كلمة وكلمة يسب ، قلتلو يالحاج حبس عليك السبان راهم النساء في الكار قالي يدزوا معاهم وبدا يسب فيا وفي المسافرين

تكلمت للشيفور قلتلوا حبس الكار راح نهبط من هذيك حلفت مانزيدش نركب في الكيران

يا لطيييف خويا حاتم واش هذا الشي واش بيهم ضحكتني .. انا هربت من واحد شيخ ايا ركب قدامي قالي ابنتي ماتعطينيش عشرالاف ولا باش نخلص البيس ولا مهم قلتلو ايه معليش مديتلو بلا ما شافوني الناس احتراما لكبره ، مهم حتى نلقاه قالي ابنتي معليش تعاوني بالشي اللي كتب ربي بالخضرة بالقضيان قلتلو يا بابا راني فالبيس ماعندي كيفاش نعاونك دوكا ، المهم تحسو عندو فقدان ذاكرة زاد قالي يا بنتي ما تعطينيش خمسين الف السيد ماشي و يطلع فالسومة قلتلو واش بيك بابا هذا وين عطيتك نسيت ديجا .. قالي انا قلت تعاوني الشوفور مسكين ولى يسوق ويضحك علابلك انا تم زدت فشلت .. مالقيت ما ندير الرجل في عوض بابا و الله غالب أمره صعب يعني او خفت يلحقني وانا هاربة وهو ورايا مالقيتش كيفاش نسلك روحي ههههههههههههههههه

 

[Tama Aliche]

و موقف تان صرالي يضحك صح لجماعة تحسبوني نضرب برك انا أحيانا مسالمة هههههه ايا انا تالمون نمشي بسرعة هههه شينوية ماغلطوش فيا ههههه ايا جيت طالعة فالبيس حطيت رجلي صرالي شغل معلابليش بغيت نتقلب ههههه ايا باش ما نطيحش انا حكمت في راجل كبير بيدي من كتفو حتى ليدو ايا وهو كان لابس كوستيم انا ما انتبهتش ليه كنت حاكمة على أساس حكمت فالحافلة هههههه وانا حكمت السيد قريب قلعتلو كوستيم مهم كي طاحت عيني فيه وياااااا تبهديييييل قلتلو عمي سمحلي بزاااف نعتذر منك بزاااف ههههه غاشي ضحك فريمون لقطة تضحك وهو خلعني كي قالي ما تخافيش كامل ما دام انا هنا ما يقيسك والو اللي يهدر نوض فيه والله ما فهمت علاه طلع رومبو اللي فيه حيرني غاشي زاد ضحك السيد صدق روحو عمبالو "طيحو جمعتو بفتاة الأحلام " هههههههههه أنااااا في قلبي ويلي ويلي السيد راه يشعر شعر خلاااااه شا صاري .. المهم كي وصلنا لآخر محطة انا هبطت بسرعة البرق السيد جا ورايا قالي اسسسس تخيل يعيطلي اسسسسسس معليش نيميرو تاعك هههه انا كنت نمشي شينوية وليت من الشينيوية لليابانية خلطتها هربت ديراكت هههههه يعني والله أحداث تبقى تتفكرها​

 

[Tama Aliche]

الحافلة ولات ساحة حرب يومية
وقفتِ وقفة حقيقية بين الغاشي و الظلم لا بالصراخ ولا بالفوضى بل برد عقلاني و قوي
ما دافعتيش برك على أختك ولا والدتك دافعتي على معنى الإحترام في وقت ولى فيه الناس ما يفرقوش بين الجرأة و الوقاحة
موقفك اليوم خلاهم يفهمو أنو الطيبة ما تعنيش الضعف و السكوت ماشي دايما خوف بعض السكوت يسبق زلزال و أنتي كنتي الزلزال اللي رجّع الأمور لمكانها

مشكورة غاليتي على المرور و الرد في الموضوع

الله يحفظك اختي .. يعني شي مؤسف بزاف .. كرهت الحافلات لدرجة أنني نمشي بزاف لكن مع التعب حاليا تحتمت عليا نركب .. تصدقي واش نكره هذوك اللي يجيو على أساس ليكوبل ، صحاب يرندفو برى من بعد يجيو على بساط راحة يحوسو يقعدو مع بعض كي السلطان والسلطانة ااااو ما شبعتوش من بعض من صباح فالزنقة مع بعض ؟ يجي يقولك اختي معليش تنوضيلنا نريحو مع بعض؟، اه هنا نقولو انا بلا حشمة :"خويا معليش تسنى البيس اللي بعد هذا و تطبع وتصارع كيفي كيفك " تمسخر بيا نوضلكم نندم نلقاكم تعشقو في بعض لا اخلاقيا ايا أخطوني.. زيد انا نحب جهة التاقة نسبق علاجالها جايي تقولي معليش ايا امشي تلعب بيك بيها .. اكري تاكسي وتنعم ما تخسروش انتم على العلاقات هذو تاع حرام انا تان ما نخسرش عليكم ههههههه صدقيني ببرودة معانا هؤلاء مايلقى ما يقول شغل باحترام نعاملو يروح ديراكت ..خليني من هذاك روسوفور اللي يجي يشوف ليا من دونهم كامل يحسب فيا عاقلة ونحشم مسكين نشوكيه يقولي مدام معليش تديري بلاصة لهذو باش يريحو مع بعض .. تخيل ما يحشمش انا نقولو ببساطة :"عندهم دراري صغار معاهم " الله غالب هكذا انا فالرد ههههه حتى غاشي يولي يضحك هههههه مام هو يضحك مسكين ههههه هكذا كي ما تربحش العيب واحد ما يقدر يربحك

 

[Tama Aliche]

@إلياس اضحك ربي يدوم ضحكاتك يااارب .. شوفلي مع هذاك الروسوفور اللي تعطيه الدراهم باش يخلص يقولك اصبر دوك شوية نرجعلك الصرف ، تقولو معليش ، تسنى تسنى والو ، تحشم وتزيد تحشم والو ، أيا نبقى نشوف فيه باش يفهم بلي تقلقت على الصرف تاعي والو ، هو غير قاعد في رحمة ربي ، أيا حتى تلقاه هبط من البيس قولي لمن تقول بلي راه مارجعلكش الصرف ؟ للشوفور هههههه كيفاش يصدقني أيا نروح للشوفور نقولو الروسوفور تاعك راح يتغدا بدراهمي على ما أظن داهم معاه وراح هههههههههه خلي تحكمو لادياري ماشي يولي الشوفور يقولي اوك خلي معليش نمدلك الصرف انتيا راكي تقولي دالك الصرف معليش باش ماناكلوش حق الناس حنا معليش نسامحو في حقنا ،، واش بيه هذا ؟ دوكا كيفاش نقنعو بلي الروسوفور تاعو راح يتغدا بدراهمي ​

 

[أم إسراء]

عندي قرابة الثماني سنوات ماركبتشفي حافلة نقل المسافرين و الحمد لله
فقط حافلة نقل العمال (كون العمل يوفر حافلات للنقل للحي).
أنا بخصوص ما أوردته فالحافلة فيها كلش السياسة الرياضة القضايا الاجتماعية..
يعني لا ركبتي اعرف بلي تسمع العديد من الاخبار في آن واحد اضافة لصاحب الكيتمام اللي يسمعنا معاه وش يسمع!
انا الشيء هذا خلاني لو اضطر للتنقل خارج اطار التوجه للعمل إن لم يكن الزوج مشغول، استغل سيارة أجرة لشخص من العائلة، أو هناك سائقة أجرة ثان كثيرا ما انصل بها.