سبحان الله الشبيبة في غفلة

[سعد نايلي]

الشبيبة في غفلة هكذا قالي وحد الحاج كبير في السن كنت مجمع معاه لما فات واحد شبيبة لاباس لباس غريب هو تقلق وانا بقيت نضحك وقتلو هذى الشبيبة نتاعنا شاف فيا وهذا ملخص واش قال:
سبحان الله الشبيبة في غفلة!!
ميخدمو لفي الشتاء ولا في الصيف!!
قتلهم التفنيين ...وعيشين غير بقدرة ربي ودعوة الوالدين!!
ياكلو في الغلة ويسبو في الملة...المرفه ياكل والزوالي يشوف!!
الشباب ولا يحب اللبسة (التبياش ) ومناقش في الوذنين!!
سبحان الله الشبيبة الشبية في غفلة ؟
واش رايك في واش قال ؟

 

[لمعانُ الأحداق]

الله يصلح الحال والأحوال ..

 

[إلياس]

شيء مؤسف ما نراه من شباب همهم دنياهم و اهمال للاخرة يأكلون الضعيف منهم لا يهمه إلا اللباس و الاكل الجيد و التحواس و لا يهمه لا شيء لا والدين و لا غيرهما ربي يجيب الخير
سلمت يمناك على الطرح القيم

 

[ام أمينة]

الشبيبة اليوم ماشي غافلة بل راهي تواجه واقع صعب و تحاول تثبت روحها بدل اللوم لازم يفهموهم و يدعموهم لأنهم أساس المستقبل

مشكور على الموضوع

 

[Oktavio_hinda]

الشبيبة في غفلة هكذا قالي وحد الحاج كبير في السن كنت مجمع معاه لما فات واحد شبيبة لاباس لباس غريب هو تقلق وانا بقيت نضحك وقتلو هذى الشبيبة نتاعنا شاف فيا وهذا ملخص واش قال:
سبحان الله الشبيبة في غفلة!!
ميخدمو لفي الشتاء ولا في الصيف!!
قتلهم التفنيين ...وعيشين غير بقدرة ربي ودعوة الوالدين!!
ياكلو في الغلة ويسبو في الملة...المرفه ياكل والزوالي يشوف!!
الشباب ولا يحب اللبسة (التبياش ) ومناقش في الوذنين!!
سبحان الله الشبيبة الشبية في غفلة ؟
واش رايك في واش قال ؟

صح ما قاله الحاج كلامه فيه الحق بصح ماشي كامل الشبيبة هكدا كاين شباب غافل وما يحبش يخدم بصح ثاني كاين شباب قاري ويخدم ويحب يغير الواقع تاعو
جيل اليوم عايش ظروف صعيبة بطالة وغلاء وحتى التكنولوجيا زادت قلبت المفاهيم اللبسة والمظهر ماشي ديما دليل على الغفلة ولا على قلة الوعي بالعكس لازم نعذروهم ونعاونوهم ونوجهوهم ماشي غير نحكمو عليهم الشبيبة راهي فيها الصالح والطالح كيما كان في وقتك يا بابا الحاج

 

[سعد نايلي]

الله يصلح الحال والأحوال ..

اللهم امين يارب العالمين

 

[سعد نايلي]

شيء مؤسف ما نراه من شباب همهم دنياهم و اهمال للاخرة يأكلون الضعيف منهم لا يهمه إلا اللباس و الاكل الجيد و التحواس و لا يهمه لا شيء لا والدين و لا غيرهما ربي يجيب الخير
سلمت يمناك على الطرح القيم

فعلا اخي الكريم شبيبة هذا الوقت يفكرون في الدنيا لايهمهم دارالحق تحياتي

 

[aljentel]

لازالت الدنيا بخير
ولازال هناك الصالح من الشباب وسيكونون بنات الوطن في المستقبل وعسى الله يتمم لهم بخير …

 

[نجـود]

عندو الصح...
الشباب اليوم نشوفو ضايع أخلاقيا.. وعندو أزمة تربية عميقة ...حتى الهدرة ومايعرفوش يهدرو .. ماعندوش روح السعي .. عندو فقط القدرة على اللوم ..