خدمة الناس امانة.. علاش التهاون ؟

[ذات الشيم]

السلام عليكم ورحمة الله وبركاته

أول مشاركة ليا في هذا القسم جيت نفرغ في قلبي تع الصح ..

الخياطات.. لي يخدمو القاطو.. لي يخدمو أي حاجة خااافو ربي علاش يشدو خدمة الناس ومبعد يقعدو يتكسلو عليهم وهوما مزروبين ومحتاجينها في أقرب وقت ..

لي ما تقدرش تقول ما نقدرش علاه تتحمل مسؤولية أكبر منها .. كل يوم تقولك غدوا ومبعد كي تولي قريب المناسبة تاعك تقولك انا منقدرش الوقت ضيق وعندي ظروف يلا حبيتي تدي القماش تاعك رواحي ديه..

هذي زعما صحبتي تقرا معايا امها خياطة راني في سمانة ملي قلتلها على حجاب لاختي وزدت عطيتها تخيطلي حجاب ليا وتعدلي في حجاباتي القدم وراهي غير تتماطل وبقا أسبوع واحد للدخول المدرسي والجامعي وزيد معريفة ( تعرفهم جدتي كانوا يروحولها بزاف) ..

ضرك صراحة معرفتش وش نقولها منيش باغية نخسرها معها لانها صحبتي ومعرفة كيما قلتلكم وفي نفس الوقت راهو غايضني التكسال ..

ربي يهديهم وخلاص هذا وش نقولو .....
​

 

[نجـود]

لا صبر لي في مثل هذه المواقف،
وغالبا كنت سأطلب منها ارجاع اشيائي لي حتى لو تكلفت مالا او وقتا اضافيا
ينضافلي عند وحداخر ومشي عند انسان لعوب في وعده وكلمته...

 

[أم إسراء]

ههه كي شفت بدايتك في المووع عرفت انه الخياطة دارتها بيك و جلابيبك في خبر كان ..
انا بسبب هذا الشيء رجعت نشري الحجابات الجاهزةو لما يكون تقصير الثوب نبعثهم مع الزوج عند خياط رجل حده يوم واحد و يعدلك الحجاب كما تشائين..
بالنسبة لتاع القاطو الحق للان مالقيتش مشاكل لأنه ماعنديش معاملات معهم.. لكن اللي تعاملت معها قبل صديقتي و جامي خيبتلي ظني.
انت حاولي معها تعجلك أمرك و مرة اخرى بدلي جهة اخرى و خلاص

 

[ذات الشيم]

لا صبر لي في مثل هذه المواقف،
وغالبا كنت سأطلب منها ارجاع اشيائي لي حتى لو تكلفت مالا او وقتا اضافيا
ينضافلي عند وحداخر ومشي عند انسان لعوب في وعده وكلمته...

لوكان جات وحدة منعرفهاش راني جبتهم عليها بصح كي عادت معريفة حشمت..
حقيقة الحجاب الأول ما لقيتش مشكل في سمانة كان واجد ( بصح هي شرات الكتان من عندها) وهذ المرة راها كل يوم غدوة..

عموماً هذا الأسبوع تبان

 

[ذات الشيم]

ههه كي شفت بدايتك في المووع عرفت انه الخياطة دارتها بيك و جلابيبك في خبر كان ..
انا بسبب هذا الشيء رجعت نشري الحجابات الجاهزةو لما يكون تقصير الثوب نبعثهم مع الزوج عند خياط رجل حده يوم واحد و يعدلك الحجاب كما تشائين..
بالنسبة لتاع القاطو الحق للان مالقيتش مشاكل لأنه ماعنديش معاملات معهم.. لكن اللي تعاملت معها قبل صديقتي و جامي خيبتلي ظني.
دي

انت حاولي معها تعجلك أمرك و مرة اخرى بدلي جهة اخرى و خلاص

المشكلة ما وليتش نلقى برا لا النوع لي نحب لا المقاس قلت نلجأ للخياطة وهذي أول مرة لكن للاسف ظهر معنديش زهر مع الخياطات
القاطو انا جامي تعاملت معهم بصح سمعت الناس تشكي منهم هههه
مرة خدمت note book personnalisé لوحد الاستاذة نعزها ولي تخدم لا ديكو ماشاء الله عليها وجداتولي بلخف مع انو طالبة وكان عندها امتحانات فالكلية ذاك الوقت

 

[ام أمينة]

مشكورة على الموضوع خاصة أننا نصادفوه بزاف في أيامنا
كي يكون التعطيل بسبب مرض أو ظروف ماعليش
المشكل كي يعطوك موعد و يتأخرو 4 أو 5 أيام و يولو ما يجاوبوكش أو يطفو عليك التيليفون
من الأفضل نشرو الجاهز و لا حاجة نقدرو نديروها نوجدوها حنا و خلاص
( طبعا ماشي كامل يعطلو كاين لي يوجدولك صوالحك قبل الوقت أو في الوقت المحدد )
تحياتي لكِ

 

[ذات الشيم]

مشكورة على الموضوع خاصة أننا نصادفوه بزاف في أيامنا
كي يكون التعطيل بسبب مرض أو ظروف ماعليش
المشكل كي يعطوك موعد و يتأخرو 4 أو 5 أيام و يولو ما يجاوبوكش أو يطفو عليك التيليفون
من الأفضل نشرو الجاهز و لا حاجة نقدرو نديروها نوجدوها حنا و خلاص
( طبعا ماشي كامل يعطلو كاين لي يوجدولك صوالحك قبل الوقت أو في الوقت المحدد )
تحياتي لكِ

المرض والظروف راهي بالوقت ماشي كل يوم ولي تعرف بلي ما تقدرش تعتذر عادي جدا بصح قبل الوقت باش تعرفي وش ديري ماشي كي تطفر..

ايه صح ماشي قع الناس كيفكيف حنا سلطنا الضوء على هذو الناس ربي يهدينا ويهديهم

 

[ام أمينة]

المرض والظروف راهي بالوقت ماشي كل يوم ولي تعرف بلي ما تقدرش تعتذر عادي جدا بصح قبل الوقت باش تعرفي وش ديري ماشي كي تطفر..

ايه صح ماشي قع الناس كيفكيف حنا سلطنا الضوء على هذو الناس ربي يهدينا ويهديهم

الظروف تفرض و الاعتذار في الوقت هو الصح و ربي يهدينا كامل ...

 

[habib2]

راهم كي الاطباء سلعة وحدة

 

[إلياس]

اقول شيء واحد فقط
ربي يجيب الخير إن شاء الله

 

[la lune rose]

راني فها بالذات
خيطت حجاب للدخول المدرسي كي بعثاتولي حسيت خصو تعديلات رجعتولها من اسبوعين دير التعديلات على اساس تبعثولي قبل الدخول المدرسي
المفاجأة الخياطة راحت هي و زوجها سافرت عطلة وما بعثتليش الحجاب وما ردتش عليا هههه
بقالي غدا ان شاء الله نخرج نشري كاش حاجة ندخل فها الأحد أو ندخل في حاجة من ملابسي وصاي
ربي يجيب الخير

 

[هواري بومدين.]

ياخويا الحمد لله حنا رجال تدي للخياط سروال كي يقولك غدوا غدوا مكانش زعاقة هههه
ربي يكون في عونك اختي و نتي ثاني صبري شوية معليش بلاك الاخت هادي عندها ضرف
​