سؤال اجرو عاونوني تكسرلي الطاجين

[الديباج الرقيق]

صباح الخير عليكم

اليوم زعما قلت ندير شوية رخصاص

فطير وندير بيه شوية زفيطي ...

غير بديت صرات الكارثة


تكسرلي الطاجين

ومزال غير كي بديت واش ندير ؟؟؟

​

يما قلبت عليا الدار وقاتلي لوكان غير كسرتيه برك .
قاتلي هاد راهو قصف صاروخي

وحاوزتني كامل من الكوزينة ..ومن دار تاني ..لي عندو بلاصه في دارهم نقعد.عندو ايامات بلا مادبرت روحي ..الله يستركم

 

[ام أمينة]

سلامة راسك حبيبتي
ما عندك ما تصلحي فيه (على حساب مظهره )
كملي طيبي فالطاجين تع الحديد أو فالمقلاة (سلكي راسك )
اول فرصة اشريلها طاجين وحداخر ترضى عليك باذن الله ربي يحفظها

 

[إلياس]

معليش خيرها في غيرها أن شاء الله خير
اشري واحد اخر و ديري رخساس ، كاين طاجين المنيوم اشريه و ديري الكسرة

 

[أم إسراء]

ارواحي ارواحي عندي ههه بصح الحكم بالقاء طول العمر فقط نخرجك عروس
اما الرجوع في الاحلام لبيتكم بعد رضى الوالدة
الصراحة الطواجن هذو تاع الفخار في غالبيتهم خفاف و يتكسرو بالخف
راضيها بطاجين صناعة يدوية راهم روعة هذوك ولو يتشقق يبقى صامد ههه لانهم تلقايهم محكوم بسلك حديدي من الجوانب.

 

[الامين محمد]

ههههههه راني عايش هاذ التجربة نهار تكسر عندنا الطاجين
المدام قريب نوحت عليه و خلاتنا بلا عشا هههههه

شوفي خلي كلش كيماراه و رواحي ضيفة عندنا حتى تروح زعفتك
اختي كارينا ههههههه