روز جربي

[بسمة القلوب]

السلام عليكم لحباب ان شاء الله كامل تكونو بخير .
وانا اتجول في مواقع التوصل الاجتماعي شفت هاد الوصفة دايرة التراند لي هي روز جربي اي نسبة لمدينة جربة التونسية كي شفت الوصفة شهاتني قلت نجربها و بالفعل بنين بزاف

والوصفة هي في جفنة ديري بصلة مقطعة دق و قطع من صدر الدجاج و ثوم و معدنوس وقصبر و ربطة سلق وحمص و جلبان و جزر وروز على حسب أفراد العائلة و توابل فلفل اسود و عكري و راس الحانوت ونعناع مجفف مرحي و شوية هريسة و ملح و م ك طماطم و حبة طماطم مقطعة فنجان زيت الزيتون و تخلطي مليح و ديريه في الكسكاس يفور يطول حوالي ساعتين و خطرة على خطرة نقلبوه .المهم لي تحب تجرب تروح تشوفه بالتفصيل في اليوتيوب يجي بزاف بنين .....سلاااام

 

[صُـدفة..]

اعتمدها الوصفة أحيانا لذيذة جدا
يعطيك الصحة أختي

 

[aljentel]

ما ألذها من طبخه
يعطيك الصحه

 

[إلياس]

لذيذة جدا سلمت يمناك

 

[ام أمينة]

تصدقي الوصفة شفتها في وقت كورونا
كل مرة نقول نطيبو ليومنا هذا ما درتهاش
درتيلي الكوراج
يعطيك الصحة كي شاركتينا الوصفة من المطبخ التونسي ....

 

[الامين محمد]

اوووو صورة تقبش المشاعر والله يعطيك الصحة اختي
انت فنانة و الله
بصح والله قبشتي مشاعري هههههه
وين راه حقي راني انتظر ههههههه

 

[بسمة القلوب]

اوووو صورة تقبش المشاعر والله يعطيك الصحة اختي
انت فنانة و الله
بصح والله قبشتي مشاعري هههههه
وين راه حقي راني انتظر ههههههه

شهيتك في الجنة اخي
خسارة جيت بعيد

 

[سكون الفجر]

تسلم ايدك اختي الطيبة على الوصفة التحفة
ريتو صحة

 

[فريد أبو فيصل]

ولوكان تجي بالحوت شيء خيالي تنسيك في تونس كامل
يعطيك الصحة والعافية اقتراح موفق وتطبيقك يبدو شهيا.

 

[الامين محمد]

@السلطانة

• السلطانة
• الامين محمد

صباح اختي السلطانة يومك خير و بركة
هههههه اختي السلطانة الفجر و انت تدوري في قسم الطبخ
كاش ضياف راهم جاينك ههههه