- الأوسمة
- 10
مساء الخير عليكم ، أنا هي فتيحبة برج المراقبة للي ماتعرفنيش، راح نطل عليكم مرة على مرة بحكاياتي في داري وناسي وجيراني...إذا قبلتو بيا طبعا.
بصح اليوم راح نعرفكم بنفسي شوية:
أسموني فتيحة، سماتني جدة الله يرحمها، بصح عمري ما حبيت هذا الإسم ديمودي شوية، عمري 36سنة، ماراني طويلة ماراني قصيرة، مارقيقة ماسمينة مقبولة الشكل، عشت في دار كبيرة فيها بزاف الغاشي، جدة وبابا ويما وخاوتي الستة وعمتي الأرملة مع بناتها الزوج،، دارنا دايما في الهدرة والجديد، كي كنت صغيرة كنت نجيب الاخبار سخونين ليما وجدة قبل ما تموت وكنت نشوف الفرحة في عينيهم على هذا تشجعت وطوّرت قدراتي في مراقبة الجيران والضيوف ، ماطلقت حتى واحد.
الآن تزوجت وراني في داري بين ربع حيطان ماعنديش الدراري مازال مارزقنيش ربي وزوجي خدام نهار كامل مخليني وحدي في الدار على هذا رجعت نشغل وقتي بالرايح والجاي... وراح نحكيلكم عليهم ..أستناوني.
أسمحولي نروح راني نسمع العيّاط برة كاش ما صرا.
بصح اليوم راح نعرفكم بنفسي شوية:
أسموني فتيحة، سماتني جدة الله يرحمها، بصح عمري ما حبيت هذا الإسم ديمودي شوية، عمري 36سنة، ماراني طويلة ماراني قصيرة، مارقيقة ماسمينة مقبولة الشكل، عشت في دار كبيرة فيها بزاف الغاشي، جدة وبابا ويما وخاوتي الستة وعمتي الأرملة مع بناتها الزوج،، دارنا دايما في الهدرة والجديد، كي كنت صغيرة كنت نجيب الاخبار سخونين ليما وجدة قبل ما تموت وكنت نشوف الفرحة في عينيهم على هذا تشجعت وطوّرت قدراتي في مراقبة الجيران والضيوف ، ماطلقت حتى واحد.
الآن تزوجت وراني في داري بين ربع حيطان ماعنديش الدراري مازال مارزقنيش ربي وزوجي خدام نهار كامل مخليني وحدي في الدار على هذا رجعت نشغل وقتي بالرايح والجاي... وراح نحكيلكم عليهم ..أستناوني.
أسمحولي نروح راني نسمع العيّاط برة كاش ما صرا.
