طاكوس من مطبخي 🌮🌯

[الديباج الرقيق]

السلام عليكم ..
طاكوس زوالي من مطبخي
اولا استعملت

هذا خبز التورتيلا


هنا طيبت البطاطا

وزدت خدمت صدر الدجاج ..

من بعد اصفت له ..
الصلصة الجزائرية

والكريمة

مايوناز ..هريسة ..فرماج مثلثات .فرماج رابي ..وجبن طبيعي طازج ..وتوابل الشواء ..كمون والى اخره ..نسيت وش درت بما اني حضرتو من مدة طويلة .

وهنا كملت الدجاج

بديت نخدم ..حطيت شوية برك من كل مكون لخاطر دارنا مايحبوش معمر بزاف ...هريسة فورماج مايوناز ..دجاج وبطاطا ونغلق ..والى مقلاة الطاكوس

وفي الاخير وقبل مانصور النتيجة النهائية ..سقطو عليا خياتي مع قردتهم الصغيرة من حيث لا ادري ..وعوض ماكنت راح نخدم عشر حبات وليت في اربعين حبة ومع الفوضى ومع لي نطيبها ياكلوها قدام لاتوجد حتى .للاسف ماقدرتش نصور النتيجه النهائية ..المهم نهارها حسيت روحي الشاف بوراك في زردة بالقايطة والبندير

فوضى وحس غير طبيعيين وزادو خياتي عرضولي كامل الاهل والقبيلة والعرش وتورطت

 

[ام أمينة]

تِسلم الأيادي
من المكونات يبان يشهي مالڨري مكانش الصورة النهائية
بصحتكم ... في إنتظار وصفات أخرى من مطبخك
....​

 

[أبو عاتكة]

بعد هاذ الزدمة تاع خياتك تنجمي الان تفتحي مطعم رايحة وسميعا مطعم كوكب القردة
يعطيك الصحة وربي يبسط الرزق.

 

[إلياس]

تسلم يداك على الوصفة صراحة انا احبذها باللحم المفروم

 

[aljentel]

تسلمي والله على هالطبخه الحلوه …

 

[الديباج الرقيق]

تِسلم الأيادي
من المكونات يبان يشهي مالڨري مكانش الصورة النهائية​

للاسف

بصحتكم ...​

الله يسلمك

في إنتظار وصفات أخرى من مطبخك ​

ان شاء الله

....​

شكرا على المرور

 

[الديباج الرقيق]

بعد هاذ الزدمة تاع خياتك تنجمي الان تفتحي مطعم رايحة وسميعا مطعم كوكب القردة

ههه والله فكرة هايلة ..مستحيل ماجا يفوت عليا نهارها وليت نزحف ..عام اخر ان شاء الله

يعطيك الصحة وربي يبسط الرزق.

الله يسلمك ..امين اجمعين يارب
سكرا على المروور

 

[الديباج الرقيق]

تسلم يداك على الوصفة صراحة انا احبذها باللحم المفروم

ايه وانا كتبت طاكوس الزوالي ٠
شكرا على المروور

 

[الديباج الرقيق]

تسلمي والله على هالطبخه الحلوه …

الله يسلمك ..وشكرا لك على المرور

 

[لمعانُ الأحداق]

بلا نتيجة نهائية
باينة كيف كــــان
ماشاء الله

الشاف ديباج

 

[*amani*]

وعليكم السلام
هههه عجبتني تاع طاكوس زوالي
يشهي الله يبارك، حتى انا منحبوش معمر بزاف
بصحتكم ويعطيك الصحة

 

[أم إسراء]

و عليكم السلام و رحمة الله كارينا...
من الانفجار الأخير باين الطعم و النتيجة قنبلة في البنة
الله الله عليك يعطيك الصحة

 

[فادي محمد]

تسلم الأيادي على هذا الطبق اللذيذ

 

[الديباج الرقيق]

بلا نتيجة نهائية
باينة كيف كــــان
ماشاء الله

الشاف ديباج

وعليكم السلام
هههه عجبتني تاع طاكوس زوالي
يشهي الله يبارك، حتى انا منحبوش معمر بزاف
بصحتكم ويعطيك الصحة

و عليكم السلام و رحمة الله كارينا...
من الانفجار الأخير باين الطعم و النتيجة قنبلة في البنة
الله الله عليك يعطيك الصحة

تسلم الأيادي على هذا الطبق اللذيذ

سكرا على المرور جميعا ..تسلموا

 

[أمير جزائري حر]

شفنا غير المكونات..
هاتي من الآخر.. أين الطاكوس البطل..

 

[الديباج الرقيق]

شفنا غير المكونات..
هاد المرة المكونات ..المرة الجاية الطاكوس شخصيا
هاتي من الآخر.. أين الطاكوس البطل..

انقضوا عليه القردة الصغيرة

 

[ذات الشيم]

من السلق إلى الطاكوس
الأول صحي تماما وهذا غير صحي تماما
لكن لا بأس به أحيانا
لذيذ جدا
أحسنتِ ​