كرنطيطة 🥖🧂

[الديباج الرقيق]

بسم الله الرحمان الرحيم
السلام عليكم ..
كرنطيطة درتها عشانا اليوم ..


اولا انا نحب نخدمها فالدار مانشريهاش واجدة ..
فرينه الحمص رحيتها وغربلتها مليح مليح ..

التحضير كل كيلة فرينة الحمص نديرلها تلات كيلات ماء ..ونخلطهم بارد في بارد حتى يتفتح كامل حبيبات تاع حمص ..

من بعد نحطها فوق النار مع تقليب المستمر بدون توقف ..من بعد نضيفلها كمون وملح ..ونبقى نقلب. حتى تثقال

نحيها من فوق النار نضيف ..نص كاس حليب نخلط .

.نص كاس زيت نخلط

..وتلات بيض ونخلط مليح ..

هنا تحبو فرماج رابي ولا فرماج مثلثات ولا كامل ماديروش اختياري .

خلطتها مليح ..فرغت في المول ودخلتها للفرن ..
على جهة حضرت هاد الفلفل بديل لهريسة بما انو دارنا مايكلوهاش ويحبو هذا الفلفل ..في الروبو حطيت فلفل اخضر فلفل احمر ثوم ملح وزيت عادي وزيت زيتون

هنا وجدت كرنطيطة وهاهي ليكم

وطبعا في دارنا لازم يحضر الكمون والمايوناز وجي وشريعة طبعا ..

وهذا حقي انا اول وحدة في خاطركم كامل وبصحتي وبصحتكم ..

 

[ام أمينة]

بصحتكم ... جات تشهي
انا طريقتي في التحضير مختلفة عن طريقتك
في انتظار وصفات جديدة و شهية من مطبخك ...​

 

[إلياس]

لذيذة جدا تشهي
ننتظرك في وصفات اخرى إن شاء الله

 

[الديباج الرقيق]

بصحتكم ... جات تشهي
انا طريقتي في التحضير مختلفة عن طريقتك
في انتظار وصفات جديدة و شهية من مطبخك ...​

ايه كل وحدة وطرقتها انا وخياتي من نفس الظار بصح كل وحدة كيفاش تحضرها ...شكرا على المرور

 

[الديباج الرقيق]

لذيذة جدا تشهي
ننتظرك في وصفات اخرى إن شاء الله

ان شاء الله
شكرا على المرور

 

[إلياس]

ان شاء الله
شكرا على المرور

العفو اختاه

 

[aljentel]

ماشاء الله عليك عندك نفس جميل للطبخ

 

[لمعانُ الأحداق]

بالصور و المراحل
ماشاء الله
فنانة كـــارين

سلمت يمناكِ