اليوتيوبر IShowSpeed & هل كان بالإمكان أفضل ممّا كان ؟! متى يتحرك صُنّاع المحتوى بحقّ..!

[أمير جزائري حر]

نعم قرأته عندما سمعت الاسم هذا في الاول ظننته عالم وبعد بحث وجدته اغبى شخص لايقدم شيء سوى التفاهمة والاغنام تجري من ورائه ومع تحياتي واحترامي لك

الطبيعة لا تعرف الفراغ..
هذا ما أردته ... أرجو أن تفهم قصدي..
../

 

[أمير جزائري حر]

يبدو أن تحرير العقل العربي أصعب من تحرير فلسطين

​

لكل شيء بداية..
العمل هو من يُقدّم البعيد..
أما الكلام فيتبخر آنيا..
../

 

[أمير جزائري حر]

الشيئ الوحيد الذي يمكن ان نستفيد من زيارته هو التعريف ببلادنا عالمياو ما دون ذلك فهو تفاهة

ذلك هو المقصد..
لكن أين المؤطّرون..

 

[أمير جزائري حر]

أهلا فاطمة @Tama Aliche
مقال طويل لكن غير مُمل.. وسلِس..
قرأته كلمة كلمة بالأمس...
وأتفهم موقفك.. وهو غالبا التجاهل..
وهو نافع في كثير من الأحيان..
لكن أنت تعرفين مبدأ أن الطبيعة لا تعرف الفراغ.. فإذا توارت الكفاءة والجودة.. سادت الرداءة والتفاهة...
لذلك تمنيت لو يأتي يوم يكون عندنا صانعوا محتوى مميزون يملؤون الفراغ.. ويتصدون لمثل هذا الزائر ولو كان تافها... ليحتووه ويسيرون الأمور في مسار يخدم الخير ومصلحة البلد.. لو أمكن
وأرجو لك الشفاء التام العاجل.. وأن يُهيّئ الله لك من أمرك رشدا.. ولا يكِلك إلى نفسك طرفة عين .
../

السلام عليكم ورحمة الله
اعتذر اخي "أمير" لأنني لا امر عن المواضيع هذه المرض لسوء حالتي الصحية ، اعذروني ، لكنني لم أرد هذه المرة أن أمر على مواضيعك كالعادة ، قلت :"معليش خلي اليوم نحاول نرد على الموضوع حتى ومش قادرة "

في الحقيقة لست من النوع الذي يتابع الأشخاص بزاف ، نتابع الفكرة فقط ، يعني واش نلقاه يفيدتي من الشخص هذاك ما نشوفش ليه واش يكون أصلا ، لكن الكثير من الأشخاص منهم هذو "صناع لا ادري واش من محتوى " للأسف بزاف منهم لا فائدة واحدة نلقاها منهم ، يعني وقتنا الحالي السباق نحو عدد المشاهدات والشهرة بواش ؟ بحوايج تافهين .. لذا نقولك اخويا مع احترامي لأي شخص طبعا الإساءة مش مليحة للشخص لكن للفكرة نعم لابد ننتقد الفكرة ، لذا عن نفسي لا فائدة من فكرة أنه واحد يزور بلدان لاجل التصوير وفقط ، يخوض مغامراته من أكل و رقص و سؤال الناس في الشارع و محاولة تغطية ما يسمى بتراث هذا البلد والعادات ووو ، صراحة لا فائدة لا لي ولا لأحد غيري ، لأنه الإنسان لازم هو يخوض تجاربه بنفسه و مغامراته مش من خلال مغامرات الناس عن طريق كلميرا يصور للعالم بضع لقطات من أمور لا تفيد اصلا و لا تكفي للتعريف بذلك البلد إطلاقا ، يروح لي للصحراء يتصور راكب جمل وياكل طعام ومعرف واش ؟ ويعطي رأيه في عادات ذلك البلد بل يتحدث عن بلد كامل على لسانه سواء يمدح او يذم ما يهمنيش ، لكن ليس كل الناس تصلح للتقييم أو للنقد أو لنشر ثقافة البلد او التعريف بالبلد ، وللاسف لانهم يحوسو على حصد اكبر نسبة من عدد المشاهدات لاغراضهم المادية فهذا جعلهم لا يقدمون محتوى جيد و يستاهل تشوفو و اصلا بلا فائدة ، ورأيي في مثل هذو الأمور تاع يكي واحد يصور لي بلاد واش فيها ووو لا فائدة ، نحاول نستفاد مانبقى والو .. ونروح نقارن هذا بهذاك تفهمني خويا "أمير" ، راك تشفى نظن قبل هذا يوتوب يعني صناع المحتوى ووو تلقى ناس عندها فكرة عن حاجة يسموها "فائدة صح" يعني كانوا يروحو لبلدان يصورو و امور فريمون تستفاد وين كانو يصورو بلايص ماكناش نعرفوهم و يخلوك تشوفهم كأنك راك تما ، ويصوؤو كذلك فالبحر وين يروحو يصيدو حوت مانلقاوهش بزاف ويوريلنا عفايس بوااف وزيد تاع حيوانات وبزااف صوالح يعني هذوك صح تلقاهم على دراية بواش يديرو مش يخلطو برك و يدرسو ويحللو ويوصلو لنتيجة باش يقدمولك المحتوى هذاك نظيف و صحيح و يفيدك و بل ممتع حتى كمية الكوميديا اللي فيهم تخليك تبتسم من قلبك و تطمئن سبحان الله ، مش كيما تاع دوكا يحاولو يضيفو كوميديا بجياحة و عفن والفاظ بايخة تافهة..

إنسان وحدو عندو قناة فاليوتيوب مستوى صفر اصلا نايضبن بالتفاهة يجي يوريلي ثقافة البلدان و يصورلي واش كاسن واش مكانش و يحاول يعلمني حوايج اووو يا حسراااا ، وحدو بكاميرا يصور و يشرح جياحة ، على الأقل تكون صح عندك محتوى وطاقم مثقف معاك تقدمو حاجة مليحة و بلا تبهليل هذاك اللي طغى ، الضحك والتبهليل و الرقص اكثر من الفايدة ..

ما نحتاجوش اخويا امير لحتى واحد يقوف على هذو العباد اللي حاكمين غير تلفون وكاميرا و يعيشو فحياتهم عن طريق كسب المشاهدات وخلاص بحثا عن الشهرة ما يتعلمو ما يعلمو ما يفيدو يجو يفوتو وقت برك واش فايدة تاع يوقفو عليهم جمعيات ولا اي كان باش يوريلهم ثقافة البلاد وما الى ذلك ؟ واش فايدة انت واحد يروح لباد يصورلك و يوريلك البلاد هذيك واش فيها ووووو اصلا عل نستطيع تصديق كل شيء؟ الواحد تخدع بالتلفزيون و الاعلام و الأنثرنيت ككل اغلب ما يقدم زائف و كذب و خالوطة ، يكذب عليك تحتاج تجرب بنفسك وتشوف بنفسك و تتذوق من ثقافات اي بلد بنفسك ، وهذا اكيد كاين فالدين تاعنا أنه مليح الواحد يسافر ما يقعدش في بلاصته مليح تتعلم بزاف امور وتدي بزاف امور عن طريق الحضور بنفسك، مش عن بعد ، كذبة تاع تستفاد من تصوير الناس للعالم ، تجاربهم ماتفيدك في والو ، لأنه كل واحد وطريقته وتفكيره وقلبه وميولاته الخاصة اللي يتوجه بيها فأي حاحة. .
غن نفسي لست بحاحة لهؤلاء ، ولا أتابع ما يقدمونه ، ولست مهتمة بما يحدث من انتقاد و تعليقات الناس للاشخاص وليس الفكرة ، لابد أن ننظر للفكرة و ما يترتب عنها ، لذا الذين يحملون مثل هذه الافكار حقيقة لا تغريني ، ولسنا بحاجة للاهتمام بما يحاول تقديمه هؤلآء مع احترامي لكل شخص .. ومع احترامي لرأيك .. لذا سأقول لك بصراحة أخي "أمير" لا اعلم متى و كيف جاء هذا الانسان للجزائر ، ولا أعرف ماذا حدث عندما جآء يعني أكيد سيركض الجميع لمصافحته و التصور معه ههه لأنه في كل بلاصة تلقى شعب من شعوب افريقيا او اوروبا يتصورو حتى مع حجرة هههههه و يقدرو عادييتفرجو لساعات في عبد كيفهم عادي يشطح شوية حركات ههه ولا صابغ روحو بالذهبي وجامد ههههه سبحان الله مهم هذا رأيي ، و رأيي من جانب الشغب ولا الفساد واللي يعاملو إنسان دخل بلادهم بطريقة سيئة ولا يضربوه او يسبوه او اس حاحة تسيء لأي شخص فهذا الامر مانحبوش ومانرضاش أنه يصرى في حتى بلاصة ، يا تبع الشخص هذاك يا ما تبعوش ، عجبتك الحاجة هذيك تبعها مالقيت حتى فايدة ما تبعهاش هذي عي .. لكن انتشار رهيييب للفوضى هذي ولات تقلق ..

المهم نتمنىنكون مديت رأيي مليح ، وماخرجتش عن الموضوع ، خويا أمير لازم تعتاد عليا انا نكتب جريدة وكي يجبدو موضوع لازم نحكي على كل حاجة عهههه ندخلك شعبان في رمضان





نقطة أخرى مضحكة نزيدها من عندي :" اخويا أمير يرحم باباك قولهم اللي يدخل لكاش بلاد يزورها لازم يصور كلش متعلق بالبلاد هذيك من ناحية الأكل ، لأنه الماكلة راهم يتمسخرو يعرفو بماكلة وحدة ياكلوها في بلاصة وحدة هههه تمسخير.. مصلا عندنا فالجزائر عندنا بزاااف ولايات كل واحد وماكلة تاعو لكن عندنا اكباق معروفين ياو طعام اللي هو كسكس ابيض وعندنا كسكس اسود تاع البلوط االي يتخدم بالحوت ياو هذا تاع ناس جيجل ههههو ، والزفيطي مشهور في وحد بلايص ، وعندنا الشخشوخة و البغرير و الفطير و المسمن والفتات و الدويدة و الطمينة والبويشة والعصبان هههههههه عندنا بزاف امور يعني علاش يروحو للكسكس الابيض برك اييييه .. رقلتلك يجو يتمهبلو مهم نسب مشاهدات ههههههه "


هذا رأيي ببساطة هههههه لك حق الرذع هههههه​

 

[ذات الشيم]

الأمم المنحطّة تعظّم التّفاهات
أنا لم أكن أعلم من يكون هذا سبيد من قبل لأنني لا أتابع صناع المحتوى الأجانب ..
إلا بوجوده هنا في الجزائر
وعلى أية حال ، هو أراد زيارة الجزائر سياحة كأي بلد آخر ولا عيب في هذا
لكن المشكلة هي المسيرات الألفية التي كانت تتبعه من مكان لآخر كأنهم لم يروا سائحا من قبل
في حين أن هذه المسيرات وهذه الجماهير لا نجدها في المساجد
هنا نفهم أشياء كثيرة
أولها لو كان المسيح الدجال فما هم فاعلون ؟ ​

 

[أمير جزائري حر]

الأمم المنحطّة تعظّم التّفاهات
أنا لم أكن أعلم من يكون هذا سبيد من قبل لأنني لا أتابع صناع المحتوى الأجانب ..
إلا بوجوده هنا في الجزائر ​

ولا أنا..

وعلى أية حال ، هو أراد زيارة الجزائر سياحة كأي بلد آخر ولا عيب في هذا ​

هو برمج زيارة 20 دولة إفريقية..
وبغض النظر عن مستواه الثقافي والعلمي ودينه.. الخ ..الخ
وعن أهدافه من رحلته ...الخ
المشكل هو من جانبنا.. ما المنتظر؟ وما الأصلح والواحب فعله.. ما نريده نحن؟

لكن المشكلة هي المسيرات الألفية التي كانت تتبعه من مكان لآخر كأنهم لم يروا سائحا من قبل
في حين أن هذه المسيرات وهذه الجماهير لا نجدها في المساجد
هنا نفهم أشياء كثيرة ​

تلك الجموع الغثائية موجودة في كل زمان ومكان... وهم يظهرون في فراغ وانكماش الإيجابيين ومن لهم وزن..
هو قانون أو سُنّة التدافع..
وجدوا الساحة خالية فملؤوها بتفاهاتهم..
وأعدادهم لا تعني شيئا..

أولها لو كان المسيح الدجال فما هم فاعلون ؟ ​

باينة..
الله المستعان..

 

[فادي محمد]

شكرا ..
فهمتك..
مرحبا بك دوما..

شكرا اخي الكريم