في ضيافة عضو 🏠 "السلطانة" اليوم الثامن

[السلطانة]

السلام عليكم ورحمة الله وبركاته

رمضان مبارك وأحلى على منتدى اللمة الجزائرية



يارب اكتب لنا فيه محوَ الذُنوب وستر العُيوب ولين القُلوب وصحة الأبدان وتحقيق الأُمنيات يارب إنّك على كلّ شيءٍ قدير
اللهم الشفاء لكل مريض والفرج لكل مهموم

سعيدة جدا اليوم لأني سأشارككم الرمضاني، فأهـــــــــــــــلًا وسهــــــــــــلًا بكُم عندي

 

[ام أمينة]

السلام عليكم الأخت الغالية علينا @السلطانة
رمضان كريم لكِ و لعائلتك
شكرا لمشاركتنا تفاصيل يومكِ
في المتابعة بإذن الله
....​

 

[أم إسراء]

السلام عليكم أهلا وسهلا بنا عندك سلطانتنا
رمضانك كريم ومبارك

 

[إلياس]

السلام عليكم الاخت سلطانة مرحبا بيك

 

[السلطانة]

اللهم اجعل صيامي في رمضان صيام الصائمين وقيامي قيام القائمين، اللهم نبهني فيه عن نومة الغافلين، واعف عني وارحمني برحمتك يا أكرم المكرمين.

 

[السلطانة]

صحا فطوركم اخوتي اخواتي
اسمحولي على التأخير بسبب النت
وفترة التحضبير للاختبارات
قبل كل شي راح ندعيلكم دعوة مليحة

ربي بارك في هاد اللمة وزين أيامنا بالستر والهناء. ربي يرزقكم الصحة والرزق الحلال، ويفتح عليكم بيبان الخير كامل. إن شاء الله نكونو خاوة ديما، متحابين في الله ومجموعين على الصواب. ربي يحفظكم لماليكم ويحفظ ليكم بلادنا الغالية."

​

 

[السلطانة]

صحّ صيامكم وصحّ فطوركم يا أهل اللمة الغاليين. اليوم راهي الدالة عندي، والدار داركم! جيت نفتح ليكم قلبي وكوزينتي ونحكيلكم كيفاش نفوّت أيامي في هاد الشهر الفضيل. راني وجدت ليكم السنيوة والتاي، تفضلوا غير بالهداوة!"

 

[السلطانة]

من الـ 10 صباحاً إلى الـ 3 زوالاً: "أمانة التعليم"​

"رمضاني يبدأ حقيقة مع دقة الجرس. على العاشرة صباحاً نكون مع عصافير الابتدائي. نظام الدوامين فيه شوية ضغط، بصح ضحكة الدراري والأسئلة تاعهم تنسيك الجوع والعطش. ربي يوفقنا نأدوا الرسالة على أكمل وجه ويجعلها في ميزان الحسنات."

الثالثة مساءً: "العودة للديار"​

"على الثالثة نفتح باب الدار، وهنا تبدأ رحلة ثانية. أول حاجة نديرها هي الصلاة، نريح قلبي شوية ونشكر ربي على نهار جديد. بعدها مباشرة، نتحول من دور (المعلمة) لدور (الأم)؛ نتفقد ولادي، نشوف واش داروا، واش قراو، ونعطيهم من وقتي قبل ما تدينا الكوزينة."

رحلة الفطور: "بنة اليدين"​

"من صلاة العصر، تبدأ 'المعركة السلمية' مع الطواجن والروائح الطيبة. بين الشربة فريك اللي ريحتها تعبق، وبين البوراك والتحليات، نحاول نوجد فطور يلم العايلة ويفرحهم بعد يوم طويل."

 

[السلطانة]

قولولي يا نساء اللمة العاملات، كيفاش راكم توفقوا بين الخدمة والكوزينة؟ والرجال.. كاش ما تعاونوا ولا غير 'ياذن برك؟

 

[السلطانة]

​

"بينما الشربة راهي تتجمر والطاجين يطلق في ريحتو، هذيك الساعة الأخيرة قبل الأذان عندها قدسية خاصة. رغم تعب النهار في القسم مع التلاميذ، بصح تمّ نلقى راحتي. نذكر ربي، ندعي لولادي، وندعي لكل محروم بالرزق، ولكل مريض بالشفاء. هاديك هي اللحظة اللي نحس فيها بلي ربي عطاني القوة باش نكون (أم، ومعلمة، وطباخة) في آن واحد."


وبالأخص ندعي لوالدتي لي راهي مريضة بالشفاء
العاجل
خاصة أني متزوجة في ولاية أخرى بعيدا عن أمي
ديما ندعيلها وندعمها بالكلام الطيب

 

[السلطانة]

​

"بعد ما يخلص الفطور ونغسل المواعين (اللي ما يخلصوش هههه)، ونصلوا التراويح، هنا تبدأ السهرة الحقيقية. كوني معلمة، لازمني نوجد روحي لغدوة ونحضر دروسي، بصح سنيوة التاي والقهوة مع العايلة هي اللي تنحيلي التعب. نراجع لولادي دروسهم، ونقعد نقرا شوية من ردودكم في منتدى اللمة الجزائرية، لأنكم صح ونيسي في سهرات رمضان."

 

[فريد أبو فيصل]

صحا فطوركم اخوتي اخواتي
اسمحولي على التأخير بسبب النت
وفترة التحضبير للاختبارات
قبل كل شي راح ندعيلكم دعوة مليحة

ربي بارك في هاد اللمة وزين أيامنا بالستر والهناء. ربي يرزقكم الصحة والرزق الحلال، ويفتح عليكم بيبان الخير كامل. إن شاء الله نكونو خاوة ديما، متحابين في الله ومجموعين على الصواب. ربي يحفظكم لماليكم ويحفظ ليكم بلادنا الغالية."

​

تقولي وليتي نايلية عاودولك البرمجة ول؟

 

[السلطانة]

• أمهات اللمة، كاش ما راكم تعاونوا ولادكم في الاختبارات والدروس في هاد الشهر؟"

علابالي الآباء لاعلاقة ميقروش ولادهم
كيما السيد لي عندي

رمضان ولقراية وزيدها الاختبارات
زنقة لهبال رسمي

 

[السلطانة]

تقولي وليتي نايلية عاودولك البرمجة ول؟

شنهي

 

[السلطانة]

لحظة ادراك
من سنة 2010
وأنا أشارك في أقسام اللمة الرمضانية

هذا الرمضان رقم 16
فعلا هذه اللمة بيتي الثاني

 

[aljentel]

السلام عليكم ورحمة الله وبركاته

مشاهدة المرفق 183545

رمضان مبارك وأحلى على منتدى اللمة الجزائرية



يارب اكتب لنا فيه محوَ الذُنوب وستر العُيوب ولين القُلوب وصحة الأبدان وتحقيق الأُمنيات يارب إنّك على كلّ شيءٍ قدير
اللهم الشفاء لكل مريض والفرج لكل مهموم

سعيدة جدا اليوم لأني سأشارككم الرمضاني، فأهـــــــــــــــلًا وسهــــــــــــلًا بكُم عندي

فيك الخير والله
وشكرا على الدعوه الشامله بارك الله فيك …

 

[aljentel]

من الـ 10 صباحاً إلى الـ 3 زوالاً: "أمانة التعليم"​

"رمضاني يبدأ حقيقة مع دقة الجرس. على العاشرة صباحاً نكون مع عصافير الابتدائي. نظام الدوامين فيه شوية ضغط، بصح ضحكة الدراري والأسئلة تاعهم تنسيك الجوع والعطش. ربي يوفقنا نأدوا الرسالة على أكمل وجه ويجعلها في ميزان الحسنات."

الثالثة مساءً: "العودة للديار"​

"على الثالثة نفتح باب الدار، وهنا تبدأ رحلة ثانية. أول حاجة نديرها هي الصلاة، نريح قلبي شوية ونشكر ربي على نهار جديد. بعدها مباشرة، نتحول من دور (المعلمة) لدور (الأم)؛ نتفقد ولادي، نشوف واش داروا، واش قراو، ونعطيهم من وقتي قبل ما تدينا الكوزينة."

رحلة الفطور: "بنة اليدين"​

"من صلاة العصر، تبدأ 'المعركة السلمية' مع الطواجن والروائح الطيبة. بين الشربة فريك اللي ريحتها تعبق، وبين البوراك والتحليات، نحاول نوجد فطور يلم العايلة ويفرحهم بعد يوم طويل."

جزيتي خيرا على هذا العمل الدؤب لاحرمك الله أجره …

 

[لمعانُ الأحداق]

أهلا بنا عندك سلطانة

صحا رمضانك
كل عام و أنتِ بخير

و ربي يشفي و يعافي والدتك
طهورا إن شاء الله

و يمدك بيد العون في عملك ..

في المتابعة

 

[dahman kz]

صحا رمضانك وربي يتقبل
ربي يعاونك وربي يوفقك
وربي يشافي الوالدة و يحفظها


و شكرا لمشاركتتا مجريات يوم من اياممك الرمضانية

في المتابعة

 

[إلياس]

الاخت السلطانة لا تنسي حقي تع قلب اللوز مع الشاي