التريّث قبل الزواج ... قرار عقلاني أو هروب من المسؤولية ... بقلمي

[ام أمينة]

وعليكم السلام ورحمة الله وبركاته

هو التسرع ماشي مليح مش غير في الزواج في اتخاذ اي قرار تحت اي ظرف من الظروف لازم انسان يخمم ويستخير الله عز وجل فما خاب من استخار.
كاين بنات يتزوجو باش يقولو تزوجت ومقعدتش (بايرة) ولو تولي مش متقبلة خاطب لي جاها تقبل ومن بعد تولي في ندامة نفس شيء مع رجل.
انسان يتزوج كي يلقى روحو مستعد لهاذ الخطوة نفسيا وعارف بلي شريك تاعو راح يتهنى معاه ويسعدو غير هك ميتزوجش خير ويمرمد روحو.
عن نفسي اي حاجة نخمملها بزاف قبل لا نديرها خصوصا قرار مصيري كما الزواج.
بوركتي على الموضوع الجميل

القرار لازم يكون مبني على إستعداد داخلي و قناعة شخصية
و ليس على ضغط المجتمع أو الخوف من كلام الناس
الزواج مسؤولية كبيرة و اللي يتأنى و يستخير ربي قبل ما يخطو خطوة يلقى الخير و يعيش حياة مستقرة أما التسرع غالبًا يجيب غير المشاكل و الندامة
أسعدني تواجدكِ و ردكِ في الموضوع
.....​