رد: اثرت فيكم السخانة.....ارواحو نتفكرو الصغر باش تروح علينا هذ السخانة
السلام نحكيلك على وح الخطرة
كنا نقرا في الاكمالية وكان المولود قرب المهم اللي ما عندو حتى حاجة عندو المحارق
في الراحة تع العشرة بداو نضربو في المحارق دويناها للطرف
جا وحد المراقب حاط روحو بزاف يلعب فيها ويحوس على اللي عندو المحارق ويهدر ويسب وانتو متحشموش والله اللي نلقاه غير ....تقدم واحد يقولو السعيد وشعل وحدة ورماها في التريكو تاع المراقب وهرب
وحدو هداك النهار التريكو نثقب والمراقب قريب ما تغاشا
وامبعد دخلنا للكلاصا انا كان عندي عود تع عنبر حبيت نبهي بيه الجماعة والكلاصا كنا نقرا في المات عند شيخة وهرانية قوتلو المحجوب جيب البريكي المحجوب هدا كا يتكيف الدخان وكانت عندي ثقبة في الطابلة رشقت العود وقاعدة نروحلو باش الريحة تطلع مليح وفااقت بينا الشيخة وفضحتنا وحدة يقولها سهام عشينا كامل في الادارة نسينيو على التعهد ودارونا كامل استدعاء
