ناس بكري هدروا و قالوا.....اتمنى المشاركة من الجميع

[nabil_39]

رد: ناس بكري هدروا و قالوا.....اتمنى المشاركة من الجميع

عمر الشاقي باقي
ما يعجبك نوار دفله في الواد عامل ضلايل و ما يعجبك زين طفله حتى تشوف الفعايل
الي بيتو من زجاج ما يرمي الناس بالحجار
الي معانا في اللمه يبقى مولا همه هذي هديا ليكم كامل من عندي انا تقبلوا مروري و هديتي المتواضعة

 

[belle vue]

رد: ناس بكري هدروا و قالوا.....اتمنى المشاركة من الجميع

المندبة كبيرة و الميت فار:biggrin:

يعطيك الصحة خويا​

 

[tami abdou]

رد: ناس بكري هدروا و قالوا.....اتمنى المشاركة من الجميع

جا معى التالي وقال يامالي

 

[fakhri-dz19]

رد: ناس بكري هدروا و قالوا.....اتمنى المشاركة من الجميع

دخل ولم يخرج اهاهاهاهاهاهاهاهاههااه
خخخخخخخخخخخ هههههههههههههههه:biggrin::biggrin::biggrin::biggrin::biggrin::biggrin::biggrin:
هادي قالها الحاج لخضر مول العمارة

 

[أريج الفجر]

رد: ناس بكري هدروا و قالوا.....اتمنى المشاركة من الجميع

ضربني وبكى وسبقني واشتكى ​

 

[kojak]

رد: ناس بكري هدروا و قالوا.....اتمنى المشاركة من الجميع

الكارتي كارتينا والغاشي خطينا
لي يدخل للمة يبات يقول ايما(هذا من عندي):wink:​

 

[ِchdz]

رد: ناس بكري هدروا و قالوا.....اتمنى المشاركة من الجميع

مشكورين حببنا على مشاركاتكم المميزة في الموضوع و الله غير راكم زهيتونا الله يبارك .... و راو عندنا في اللمة اعضاء بزاف شعراء ....تاع ذرك بصح يقولو كلام تاع ناس بكري:biggrin2::biggrin2::biggrin2:........

وانا نزيدلكم اليوم شوية من كلام تاع ناس بكري :
قالك يا سيدي:
..
عدي على الواد الهايج وبالاك من الواد الراكح
..
عيش تسمع عيش تشوف
..
اللي فاتتو الرجلة يلحقها بالوشام ...
(والنسا بالمكياج..:biggrin2::biggrin2::biggrin2: هذي غير زيادة من عندي برك ...باش نقصرو شوية )

وانشاء الله نتمنى مشاركة اكبر و أوسع


​

 

[لمسة شقاوة]

رد: ناس بكري هدروا و قالوا.....اتمنى المشاركة من الجميع

المندبة كبيرة والميت فار هههههه هذي تعجبني بزاف

 

[ريما الشاوية]

رد: ناس بكري هدروا و قالوا.....اتمنى المشاركة من الجميع

عمي مليح زادولو لهوا والريح
الموس تحت لعروس
الدنيا بالوجود والاخرة بالفعايل

 

[هديل البريكية]

رد: ناس بكري هدروا و قالوا.....اتمنى المشاركة من الجميع

لي ما هو ليك يعييك

 

[أريج الفجر]

رد: ناس بكري هدروا و قالوا.....اتمنى المشاركة من الجميع

لي فاتو وقتو مايطمع في وقت الغير :nerd:
لي فاتو الطعام يقول شبعت ولي فاتو الكلام يقول سمعت :thinking:
لي يزرع الريح كل يوم يحصد غير غبارو كل مايعثر يطيح من فعالو وظلام نهارو
الخبر يجيبوه التوالا :party:​

 

[ِchdz]

رد: ناس بكري هدروا و قالوا.....اتمنى المشاركة من الجميع

السلام عليكم و بارك الله فيكم على مشاركاتكم الرائعة ......يعطيكم الصحا والله راكم جايبينها بالفور و ما كنتش نظن بلي ليجان حافظين كلام ناس بكري كيما هك .....

لي يزرع الريح كل يوم يحصد غير غبارو كل مايعثر يطيح من فعالو وظلام نهارو

​

و أخت أريج "ديجا لازم تشرحيلي واش معناها اريج" هذا المثل عجبني بزاف و ناس دزاير لكبار يهدروا بزاف بالمعاني و اذا تقدري تجيبيلنا ماذا بيك غير ما تخبلينيش اختي والله غير نموت عليها هدرت لمعاني ...... شكرا لكي من جديد و الف الف شكر على امثالك الحلوة ....

و انا اليوم جبتلكم شوية من هدرة ناس بكري ..و نبداو قالك يا سيدي
..
دير روحك مهبول تشبع كسور
..
ماشي كل اللي يلمع ذهب و ماشي كل خضر حشيش
..
الحقرة بالعين (هاذي معناها واحد كي يحب يحقر واحد و يخوفو يبداها بالخزرة اللي ماشي مليحة تاع التكبر (اعوذ بالله من التكبر)....)
..
اللي يتمنى خير ملي يقطع لليأس
..

و انشاء الله نزيدوكم امثال خرين غير شاركو معانا برك و اللي يتفكر كاش مثل يحطو....​

 

[yassin]

رد: ناس بكري هدروا و قالوا.....اتمنى المشاركة من الجميع

السلام عليكم
شحال نحب الهدرة نتاعنا

( الحديث عند السكة )

معنى السكة هي المحراث معنى المثل يتم الإتفاق من الأول يعني لا رجوع فيه

أرجو أن لا يكون مكرر لأنني لم أتتبع الردود
​

 

[jokonda]

رد: ناس بكري هدروا و قالوا.....اتمنى المشاركة من الجميع

خوك خوك لا يضرك صاحبك

من بعد بابا و يما الناس كدابه

 

[نقاء السطايفية]

رد: ناس بكري هدروا و قالوا.....اتمنى المشاركة من الجميع

ماخص القرد غير شمان الورد
ادا تفاهمت العجوز والكنه بليس يدخل للجنه
خوك خوك لا يغرك صاحبك

 

[بنت الشرق]

رد: ناس بكري هدروا و قالوا.....اتمنى المشاركة من الجميع

كبرت النمالة ولات تحوس في الزبالة (حاشاكم)
الواد ماديه وهو يقول ماحلى البرودة
قهوة وقارو خير من السلطان في دارو
مهما كبرت العين الحاجب ديما فوقها
جيب ولدك مليح لي والا يبوسو
يتعلم الحجامة في راس اليتامة
القط يعلم بوه ينط
ولد الفار يطلع حفار
ادا شفت الطويل يجري اعرف او القصير ديما وراه
حشيشة طالبة المعيشة
سكران ويعرف باب دارو
كبرت القطة ولبست كرافاطا
ماخاص العمشة غير الكحل وماخاص القرد غير الورد
الحمار عطاوه القرنفل يشمو كلاه

تقبل مروري

 

[أريج الفجر]

رد: ناس بكري هدروا و قالوا.....اتمنى المشاركة من الجميع

بلامزية خو حتى انا نحب هدرة العجايز تاع بكري :biggrin2:
اريج معنتها عطر ونسيم يعني نسيم الفجر
واليوم جبت هاد المتل

نوصيك ياوليد الناس خود الصح و التريق قبالة الدهب غالي على النحاس حتى الحر ماينباع فادلالة
​

السلام عليكم و بارك الله فيكم على مشاركاتكم الرائعة ......يعطيكم الصحا والله راكم جايبينها بالفور و ما كنتش نظن بلي ليجان حافظين كلام ناس بكري كيما هك .....



و أخت أريج "ديجا لازم تشرحيلي واش معناها اريج" هذا المثل عجبني بزاف و ناس دزاير لكبار يهدروا بزاف بالمعاني و اذا تقدري تجيبيلنا ماذا بيك غير ما تخبلينيش اختي والله غير نموت عليها هدرت لمعاني ...... شكرا لكي من جديد و الف الف شكر على امثالك الحلوة ....

[/center]

 

[labrune]

رد: ناس بكري هدروا و قالوا.....اتمنى المشاركة من الجميع

مول الذهب الناس ليه ذهبوا واللي ما عندوا الذهب الناس عن ذهبوا
مول الفضة الناس عليه فاضوا واللي ماعندوا فضة الناس عن انفضوا
مول المال الناس ليه مالوا والي ما عندوا المال الناسمنو ملوا
***
كمشة نحل خير من شوارى ذبان أو واحد فحل أو في وقت الشدة يبان
***
ربع أنسا والقربة يابسة
***
ما خص الفرطاس غير حكان الراس
***
راسي وراسك في شاشية وحدة
***
مد رجليك على قد حصيرتك
***
ألبس على حساب واش تهدر وألا أهدر على حساب لبستك
***
أقتلني اليوم وأحييني غدوة
***
الحصان كي يطيح يكثرو عيوبوا والثور كي يطيح يكثروا مواسوا
***
قولي شكون تصاحب أنقولك شكون أنت
***
أنا بالمغرفة الفمو وهو بالعود العيني
***
شي عايش وشي يطايش
***​

أنشاء الله يكونوا عجبوكم​

 

[ِchdz]

رد: ناس بكري هدروا و قالوا.....اتمنى المشاركة من الجميع

شكرا أخ ياسين شكرا أختي jokonda شكرا أختي نقاء السطايفية ، شكرا اختي بنت الشرق ، شكرا أختي أريج الفجر ، شكرا أختي لابرين .... مشكورين جميعا على مشاركاتكم المميزة والله سررت كثيرا بمروركم ...و اتمنى ان تزيدوننا بامثلة و حكم اخرى بارك الله فيكم.​

أختي أريج بارك الله فيك على شرح كلمة "أريج" .....ونقولك لمثل الي تجيبيه أحلى من اللي قبلو و كل ما تجيبي مثل راكي تفتحيلي الشهية باش نزيد نستنى منك أكثر .... الله غالب نموت في هدرت ناس دزاير ...حلوة بزاف ......و انشاء الله عندي مشروع باش نلم هذو الامثلة قاع و نديرهم مع بعض و نحطهم لاعضاء اللمة .....بصح الامثلة تاعك يكونو في كازا سبيسيال انشاء الله.........
نوصيك ياوليد الناس خود الصح و التريق قبالة الدهب غالي على النحاس حتى الحر ماينباع فادلالة و هاذ لمثل فكرني في دحمان الحراشي الله يرحمو اللي كان غناه قاع معاني... مشكورة أختي بارك الله فيك......و راني نستنى منك encore plus.​

و اليوم انا جبتلكم هاذ الامثلة
..
العود اللي تحقرو يعورك
..
كسكسلو يرجع لأصلو
..
اللي حي قسمو حي
..
انسى الهم ينساك
..
الزهر يكسر لحجر ​

وانشاء الله مازال كاين امثلة خرين و الموضوع مستمر بمشاركاتكم...بارك الله في الجميع​

 

[أريج الفجر]

رد: ناس بكري هدروا و قالوا.....اتمنى المشاركة من الجميع

بلامزية خو يعطيك الصحة
وان شاء الله تكمل المشروع هادا

ونزيد نجيب شوية متال نريح مع ماني ونقولها تقولهوملي ونجيبهم ان شاء الله :sun:
وصح اكتر المتال الملاح لي في غنى دحمان الله يرحموو
وفيك بارك الله خويا
​

أختي أريج بارك الله فيك على شرح كلمة "أريج" .....ونقولك لمثل الي تجيبيه أحلى من اللي قبلو و كل ما تجيبي مثل راكي تفتحيلي الشهية باش نزيد نستنى منك أكثر .... الله غالب نموت في هدرت ناس دزاير ...حلوة بزاف ......و انشاء الله عندي مشروع باش نلم هذو الامثلة قاع و نديرهم مع بعض و نحطهم لاعضاء اللمة .....بصح الامثلة تاعك يكونو في كازا سبيسيال ان شاء الله.........
نوصيك ياوليد الناس خود الصح و التريق قبالة الدهب غالي على النحاس حتى الحر ماينباع فادلالة و هاذ لمثل فكرني في دحمان الحراشي الله يرحمو اللي كان غناه قاع معاني... مشكورة أختي بارك الله فيك......و راني نستنى منك encore plus.​

وان شاء الله مازال كاين امثلة خرين و الموضوع مستمر بمشاركاتكم...بارك الله في الجميع​