لو انتم كنتو في مكاني واش ديرو؟؟؟؟؟؟؟؟؟؟؟؟

[°~Kenza_02~°]

السلام عليكم
مريت في موقف صعيب وما عرفتش كيفه نتصرف وقلت غير اللمة الي تسلكني
المهم
انا نعرف اثنين مخطوبين وهوما من عائلتي و حصل وين شفت الخطيب {لراجل} يكلم بنات ويعمل علاقات عاطفية مع اكثر من وحدة وشفتو اكثر من مرة
يعني كان امر واضح قدامي
لكن ما عرفتش اذا نخبر خطيبتو ونقلها واش شفت ولا نسكت وما نقولش
اتمنى تجاوبوني
سلاااااااااااااااااام​

 

[فقير الى رحمته]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

اذا فعلت ذلك ، فأنت نمامة تنقلين الكلام بين الناس
و تفرقين بينهم .​

 

[°~Kenza_02~°]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

اذا فعلت ذلك ، فأنت نمامة تنقلين الكلام بين الناس


و تفرقين بينهم .​

شكراااا لنصيحتك

 

[sarah02]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

قوليلها بصح باسلوب .........
مشي حتى تطفر
ولانقولك خليهم يتوكولا ياكولها ولاتاكلوا
تحياتي

 

[سندس الجزائر]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

من الخطأ اخبارها اظن ستعملين فتنة وربما هذا الشخص سيتصلح وضعه لما يتزوج الاهم عندي من طرق بابها وليس من كلمها ومادام خطبها خلي الحكمة لله

 

[أريج الفجر]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

قولي لماماها وهي تعرف واش دير ادا تقول لبنتها ولا تخبي عليها

دبر راسها هي تعرف مصلحة بنتها وتقولك واش ديري

تحب تقولها تحب تخبي عليها ولا تقول لباباها يهدر معاه ويحطو في بلاصتو المهم جابلي ربي لوكان تقولي لماماها خير ​

 

[°~Kenza_02~°]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

شكراااااا لنصائحكم

 

[عاشقة مجهول]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

اخطيك خير ماتقولي حتى لحد وحطي روحك ماشفتي والوا ....على جال كون تحكي رايحة تديري مشاكل وكون لا قدر الله وفسخو الخطبة رايحة تولي انتي السبة وانتي هي اللي فسدتي بيناتهم ....اوكي حنونة ....
تقبلي مروري

 

[sarah20080]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

وعيها فقط بطريقة indirect

 

[°~Kenza_02~°]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

رايحة نعمل بنصائحكم
شكرااااااا

 

[الناصر صلاح الدي]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

ديري برايي روحي لهاد الخطيب و لمحيلو بلي راكي علىبالك واش راهو يدير.بالاك يفهم روحو و يخاف ويبطل هاد الفعل.

 

[ayased1]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

السلام عليكم
مريت في موقف صعيب وما عرفتش كيفه نتصرف وقلت غير اللمة الي تسلكني
المهم
انا نعرف اثنين مخطوبين وهوما من عائلتي و حصل وين شفت الخطيب {البنت} تكلم ولد وتعمل علاقات عاطفية مع اكثر من وحد وشفتها اكثر من مرة
يعني كان امر واضح قدامي
لكن ما عرفتش اذا نخبر خطيبتها ونقلو واش شفت ولا نسكت وما نقولش
اتمنى تجاوبوني
سلاااااااااااااااااام​

 

[alla2325]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

إفرضي أنك لم تقولي لها و إستمر بخيانتها . في حالة أنك لم تقولي لها , هل ترضين لها أن تكتشف الخيانة بعد الزواج فيؤدي دلك لطلاق أو حتى إحتمال كبير لتيتم الأولاد .

رايك في راسك تعرفي خلاصك​

 

[mordjene]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

شوفي اختي كنزة انا شاب في الثلاثينيات ومش متزوج لكن راح نوريلك حاجة وهي انك انت مش معنية بالنصيحة لانك بنت وافرضي لو نصحتي صديقتك واسمع بيك الخاطب ودار فيها شاشت لا عاشت وشاعت بين الاهل مش هنا تولي انت في حل واربط وتوليلك عائق في زواجك وانت تعرفي البنت تتعيب اكثر من الولد
اذا انا ننصحك ما تقولي والو وزيد بالاك هذا الشاب حاب يتوب ويستر روحوا تحرميه انت؟ وهذي تقريبا عادي عند الشباب الكثير منا تبعو البنات وفي الاخر يتزوجوا ويصلحوا نحي الفاسق منهم برك هذاك ما نهدروش عليه

 

[kojak]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

قوليلها مي بلعقل عليها باه ماتخلعش

 

[الساجدة لله وحده]

رد: لو انتم كنتو في مكاني واش ديرو؟؟؟؟؟؟؟؟؟؟؟؟

مادام راكي تقولي انو تعرفيهم في زوج............البنت غير خليها وماتقوليلهاش........
.........والراجل ممكن ادا كنت تحكي معاه بزاف وماكان حتى احراج بيناتكم...تنصحيه ...ودكريه بحبيبتو اللي داير فيه الثقة............
...........اما ادا كان احراج بيناتكم .....احكي لخوك والا حتى باباك......باش ينصحو...ومايفسد هاد الزواج........
..............وان شاء الله مايكون غير الخير .............
.......................

 

[بنت سوف39]

الحل الاول انك تقولي لصاحبتك عن كل شيء يكون اللي يكون في فترة خطوبة ولا يكون في زواج وطلاق
الحل الثاني انك تسكتي بالاك ربي يهديه هذا الشاب ويتوب ربي ويحاول يصلح نفسه والله اعلم

 

[صريحة]

شوفي اختي كنزة انا شاب في الثلاثينيات ومش متزوج لكن راح نوريلك حاجة وهي انك انت مش معنية بالنصيحة لانك بنت وافرضي لو نصحتي صديقتك واسمع بيك الخاطب ودار فيها شاشت لا عاشت وشاعت بين الاهل مش هنا تولي انت في حل واربط وتوليلك عائق في زواجك وانت تعرفي البنت تتعيب اكثر من الولد
اذا انا ننصحك ما تقولي والو وزيد بالاك هذا الشاب حاب يتوب ويستر روحوا تحرميه انت؟ وهذي تقريبا عادي عند الشباب الكثير منا تبعو البنات وفي الاخر يتزوجوا ويصلحوا نحي الفاسق منهم برك هذاك ما نهدروش عليه

والله كيما قالك

 

[hassen.alg]

نصيحتي تروحي للسيد وتقوليلو بالعقل وتنصحيه انو يبعد على هذا اللعب على خاطر رايح يوصلو أنو يخسرهم كلهم يعني اذا سمعت بيه خطيبتو بلي راه مرتبط بأخريات رايحة تقلو انت في طريق وأنا في طريق ونفس الشئ بالنسبة للأخرين

 

[سهى86]

تاخذي رايي ما كالاه دخلي روحك بيناتهم بنات تاع ذرك تجي تنصحيها تحصلي وتقول عليك غيارة هو أكيد راح يزلي وراح تصدقو هو وتكذبك أنت