يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

[نور الانوار]

السلام عليكم

يا أعضاء اللمة
ان شاء الله نلقاكم في أحسن حال

حبيت نهدرو اليوم على موضوع الهدايا

يعني في أي وقت
مثلا حفلة عيد ميلاد ولا الخطوبة ولا النجاح في كاش شهادة

تلقا الي يكونولك ولا صحابك واحبابك
يمدلولك كادوات <<< مع انو في هذا الوقت يمدو غير الصوارد < الله غالب اغنياء ههه

وبيانسير راك تفرح بهذي الكادوات
وتقول هذم يشتيوني صح

وقادر ترفض الكادو لأسباب تخصك انت برك

حبيت نعرف

وشي تعنيلكم هذي الهدايا ؟

وتعجبك الهدية بقيمتها المادية ولا المعنوية ؟ خاطر كاين ناس تشريلهم كادو يقولك هذا راهو بعشرالاف برك

وكون الشخص الي هدالك الهدية يفارقك بعد ما كان مقرب ليك
تحتفظ بالهدية كتذكار ولا طيشها ؟ ويكون مصيرها سلة المهملات

ووشي هي اجمل هدية استقبلتيها في حياتك ؟ ووقتاش كانت ؟؟

نتمنا نشوف التفاعل منكم


وراني كنت حابا نزيد نكتب بالصح غلبت سيرتو كي عاد الكلافي ما فيهش حروف عربي خخخخخ

وتشااوووو​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

نقلك نور لافيرتي :
انا مانقبلش لي كادو نقبل الصوارد :sun:
خخخخخخ........

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

الله يبارك يا سيف

وش تروح تعمل بيهم ؟؟





انا نقبلهم في زوز خخخخخ​

 

[salma2]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

انا نقبلهم لزوج والصراحة الهدية لكان صغيرة وبسيطة
تفرحني
شكراااااااااااااااااااا موضوع رائع

 

[يسرى 2008]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

وشي تعنيلكم هذي الهدايا ؟

الهداية هادي تعنيلي كثيير ومنها ان الي عطاهالي يحبني ومازال يتفكرني


وتعجبك الهدية بقيمتها المادية ولا المعنوية ؟
انا منشوفش الى الهدية المادية او المعنوية مهما كان الكدو نشوف اكبر بكثير والي يعطيهولي يكبر في عيني كثير
تحتفظ بالهدية كتذكار ولا طيشها ؟
اكيد احتفظ بها

ووشي هي اجمل هدية استقبلتيها في حياتك ؟ ووقتاش كانت ؟؟
والله اشياء كثير واكيد عمري ما انساها
مشكورة نور على الموضوع

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

وشي تعنيلكم هذي الهدايا ؟

الهداية هادي تعنيلي كثيير ومنها ان الي عطاهالي يحبني ومازال يتفكرني


وتعجبك الهدية بقيمتها المادية ولا المعنوية ؟
انا منشوفش الى الهدية المادية او المعنوية مهما كان الكدو نشوف اكبر بكثير والي يعطيهولي يكبر في عيني كثير
تحتفظ بالهدية كتذكار ولا طيشها ؟
اكيد احتفظ بها

ووشي هي اجمل هدية استقبلتيها في حياتك ؟ ووقتاش كانت ؟؟
والله اشياء كثير واكيد عمري ما انساها
مشكورة نور على الموضوع

علاه نحيتي المشاركات تاعي ماقلت والو انا

مكان غير الخير خويا
انا حدفت مشاركاتك لانك كررتها فقط لا اكثر ولا اقل
مع احترامي لك ​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

وشي تعنيلكم هذي الهدايا ؟
تعنيلي الكثير سيرتو كي تكون من عند واحد نشتيه :redface:
وتعجبك الهدية بقيمتها المادية ولا المعنوية ؟
بيان سير تعجبني قيمتها المعنوية
تحتفظ بالهدية كتذكار ولا طيشها ؟
كي تقدام نطيشها ولا نديرها كرنيتير :wink:
ووشي هي اجمل هدية استقبلتيها في حياتك ؟ ووقتاش كانت ؟؟
اجمل هدية استقبلتها ساعة ..........................عندها بزاف :angel:

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

salma2

ايه عندك الحق

حتا الكادو غالي

وانا نشتي الكادوات خاطر يبقاو سوفونير

مشي كيما الصوارد في يوم يروحوا​

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

يسرى 2008

عندك الحق سوسو

وتسلمي على المرور


والله يعطيكي الف عافيه​

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

مالك الحب

هههههه
وتقبل بكعبة شيكولا نتاع عشرة دورو ؟ خخخخ

من يأيد رأي يرفع صبعوووووووووووووووووووووووو

باين عليك توحشتي القراية في الابتدائي​

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

سيف الدين التبسي

حتشي يا سيف خخخ راهم يتعوضو

وحبسو برك

تزيدوا تعملونا لاgـار لهنا ههه​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

علاه نحيتي المشاركات تاعي ماقلت والو انا

مكان غير الخير خويا
انا حدفت مشاركاتك لانك كررتها فقط لا اكثر ولا اقل
مع احترامي لك ​

:yes:الكونيكسيو عيانة هذاك لاش تكررت المشاركات
مرسي عليك اختي يسرا​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

سيف الدين التبسي

حتشي يا سيف خخخ راهم يتعوضو

وحبسو برك

تزيدوا تعملونا لاgـار لهنا ههه​

مشاركاتي راهم بصوارد يتشرو:crying:​

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

وشي تعنيلكم هذي الهدايا ؟
تعنيلي الكثير سيرتو كي تكون من عند واحد نشتيه :redface:
وتعجبك الهدية بقيمتها المادية ولا المعنوية ؟
بيان سير تعجبني قيمتها المعنوية
تحتفظ بالهدية كتذكار ولا طيشها ؟
كي تقدام نطيشها ولا نديرها كرنيتير :wink:
ووشي هي اجمل هدية استقبلتيها في حياتك ؟ ووقتاش كانت ؟؟
اجمل هدية استقبلتها ساعة ..........................عندها بزاف :angel:

هههههه
تطيشها ؟؟

حرام عليك
خليها سوفونير خير خخ​

 

[يسرى 2008]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

علاه نحيتي المشاركات تاعي ماقلت والو انا ​

​

​

مكان غير الخير خويا
انا حدفت مشاركاتك لانك كررتها فقط لا اكثر ولا اقل

مع احترامي لك ​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

[/center]

مكان غير الخير خويا
انا حدفت مشاركاتك لانك كررتها فقط لا اكثر ولا اقل ​

مع احترامي لك ​

نورمال اختي ماجرا والو:yes:​

 

[kojak]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

هههههه
تطيشها ؟؟​

حرام عليك

خليها سوفونير خير خخ​

بيان سير غير الساعة هذيك مانطيشهاش:sun:

 

[ِchdz]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

السلام عليكم
والله ياختي نور راكي فتحتي موضوع كبير و الواحد عندو واش يكتب فيه ....بصح نكتبو شوية و نخليو شوية حتان نشوفو الموضوع كيفاش يطور.... و انا نحب نبدا بمقارنة بين المجتمع تعنا و المجتمعات المتطورة (الغربية)....تلقي مثلا الجزائري كي يعرضو صاحبو للدار يديلو في يدو كادو .....شوية فاكية و لا حلاوة (باط باتيسري) يعني يخمملو ديراكت في ليسطوما :biggrin2::biggrin2::biggrin2:.....بصح عند الغربيين كي يديو كادو بارفان ولا ورد ولا حتى كرفات للراجل و شوميز للمرة...... المهم جامي يخمو في ليسطوما :biggrin2::biggrin2::biggrin2: ....... و راكي فكرتيني كي كنت صغير في الابتدائي كانو بابا و عمي كل عام يقولولي كي تنجح نشرولك بسكيلات و جابو بيا قداش نعام حتان ديت السيزيام باش جابوهالي ....... والصح حنا معندناش ثقافة ليكادو في المجتمع الجزائري .و الناس يمدو ليكادو غير في المناسابات يعني بسيف عليهم و قليل ليتفكر واحد من قلبو و يديلو كادو .....طبعا هنا رانا نهدرو على الاصدقاء .....ماراناش نهدرو على زوج يحبو بعض :inlove::inlove::inlove: لان الحب طبيعي يخلي الانسان يفكر في الانسان اللي يحبو:heart::heart::heart: و دائما يخليه يفكر باش يديرولو حاجة الي تفرحو ....
و في الاخير حبيت نقولك اختي نور بلي راكي غالطة لان الهداي للكبار و للصغار .... و هنا راني تفكرت الحديث تاع الرسول صلى الله عليه وسلم "تهادوا تحابوا" ... اللي قالو و هو شحال في عمرو هذاك الوقت اكثر من 40 سنة سور ...و تخيلي لوكان هذا الحديث مطبق بيناتنا كيفاش راحا تكون العلاقات بينا ....تسمى هذي ثقافة اللي الجزائريين مازالو ما يتقنوهاش مليح خاصة بين الاصدقاء.
و نختم راني تفكرت وحد العام مرضت فيه و طولت في السبيطار ....جا عندي جدي ( الله يرحمو) وقعد معايا شوية و من بعد كي جا خارج جبد السوارد و مدهملي ........و انا الحق تنشعت و حشمت في هذاك الوقت :frown::frown:لان كان وقت زيارة و الصالة كانت معمرة بالناس و انا جان .... و قلتلو خلي برك بصح تعرفي ناس بكري ما يروحش حتان تحكمهم ..........و حكمتهم وانا منشوع:redface: .......بصح ذرك راني فهمت بلي هذه الهدايا تاع جدودنا ما يعرفوش مساكن بصح كانت عندهم النية و كانت قلوبهم صافية.... علابلي راني هدرت بزاف اسمحيلي اختي نور واش راح يقرالك هذا كل ربي يعينك:biggrin2: :biggrin2:..... كي تكملي تحبي نزيدك نزيدك مازال كاين ....

 

[الساجدة لله وحده]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

يايما على الكادوات....عندهم وقع كبير على قلبي..سيرتو كي يجيو من عند اللي نحبهم...نحس ديما يفكرو فيا...
...نحب كادو ماشي دراهم....بصراحة ..نحشم نشد الدراهم على واحد ..وهاذ الخصلة فيا من لي كنت صغيرة..
....وعندي وحد المبدأ...الهدية لاتهدى....يعني مانفرط فيها.....ماوالو...واللي سوفونير غاليين على قلبي بزاف...
.....شكرا على الموضوع ...تحياتي لك نور..

 

[نور الانوار]

رد: يجيبولكم كادوات..؟؟ ولا راكم كبرتوا خخ..؟؟ ؛<>×فريق الضياء×<>؛

ِchdz

وعليكم السلام

قول وش تحب خويا شي دي زاد

فرغ قلبك ماكانش مشكل

خاطر يفرحني نشوف التفاعل في موضوعي

وعلى ليكادو غير في المناسبات
انا الحمد لله بعض اقاربي مشي كل
ساعات يفاجؤوني بكادو سامبل شوية

ونحب نقولك راني ما قلتش بلي ليكادو للصغار برك

حتا الكبار عندهم نصيب في هاذ الشىء

لاني نشفا بلي كنت نشري لجداتي ربي يرحمها ليكادو في لانيفارسار تاعها ههههه
<< ماتقولش هكا ولا هكا بصح الحق راني نشتيها في قلبي ودمي

ووعندك حق
المدة تاع الصوارد شوية تنشع
نحشم كون انسان يمدهملي قدام الغاشي

نولي كلي نخزر منا ومنا بشط العين خخخخخخ

بصح الله غالب
كيما قلتي
تاع بكري نيتهم صافيه

وعلى القراية
راني سريعه القراءة + الاستعاب

يعني اكتب قد ما تحب
ماكانش مشكل معايا ههههههه

وراني نسنا كشما تزيد تقول​