انا ضد الشباب الدين يهجرون الى سردينيا وغيرها .هجرة غير شرعية ليست حل. حبيت نفهم الي يحرقو يعني في بالهم كيما يصلو حيلقاو خدمة ودراهم وغيروا يخي اغبياء يخي الي عندو نيف يقعد في بلادو مع ناسوا وحببوا لهيه لكان تموت قدامهم يخليوكم ويروحو. والله يرخسوا في رواحيهم برك هنا شباب يحشموا يغدمو في بلادهم ولهيه يخدموا ويعملوهم متل الحيوانات
. شاب جزاءري يجازف بحياته فلبعض يموتون واخرون يصلون فتمسك بهم الشرطة فيحبسون.
الرجل تع الصح الجزاءري الي عندو النيف يصبر ويخدم في بلادو سلطان
قتلك تظلوا تنتقدوا في الشباب كي عاد مشي ميليح ما تحوسوش عليه واش يدير وين يروح
كي راكي تهدري بلا ما علابالك وش من خدمة كاين هنا وش من كرامة في الجزائر
أنت على خاطر ما شفتيش الناس اللي راه صاري فيها الباطل في الشوانط وغيرها
روحي لكاش شونطي في بلادك تشوفي السلطان كيفاه مداير أقسم بالله سب وشتم وتهنبير يعاملك على أساس أنك حمار أكرمك الله وفي النهاية ماهي النتيجة والوا الفارغات فرغا ما يقدر يدير والو خاصة الناس المتزوجين واللي يخدموا مونافرية أقسم بالله غير يذلهم صاحب العمل أشد الإذلال كاين غير الرخس تروح للصطاد كاش ما تنافيغي ولا كاش ماتبيع يجرو عقابك البوليس ويشبعوك ضرب كي يشدوك
هنا تبقى طول عمرك في التمرميد واش من نيف كاين هنا
الشباب مايخدمش أي خدمة هنا لأن فيها الرخس والذل ومافيهاش مستقبل قوليلي مونافري ولا قهواجي يقدر يدير حاجة والله غير يعقب حيياتو كامل هكذا بركاونا من التبلعيط والكذب والفوخ والزوخ
هناك نعم كاين تمرميد ميزيرية بصح 4سنوات 5سنوات يقدر يدير التاويل ويستفيد من الفارق في العملة
يعني يتميزر ثمة يلم شويا يروح يقدر يدير مشروع هنا يعيش منو ويهني روحو
هنا مكانش مستقبل وكاين الرخس وكاين الذل وكاين الحقرة
أنا مجرب الشونطي عليها بطلتوا مرة قلت لواحد زعمة حاج خلصني هبط السروال تاعو حتى قريب قتلنا بعضانا باه خلصني
لذلك نخدم هناك أيخدمة ندير منها التاويل وهنا ما نخدمش أي خدمة انا مديت الشونطي كمثال بويسك منين تهدر على الخدمة يقلك كاين الشونطي تقولوا السلاك قليل بزاف ما تقدر دير بيه والوا يقلك ياكي جيب بيه عشاء هلاه أنا حيوان نخمم غير ناكل
هذه هي النهار كامل وهو يهنبر ويجبد ما يرحمكش خلاص ومن بعد يقلك سلاكك يجيبلك عشاء حتى الحمار هكذا تعبي عليه ومن بعد تعطيه شويه حشيش وعلف
هذه المعاملة في جزائر الذل والمهانة
على خاطر مجتمع حقار وما يرحمش وتظلوا التالبو فينا
أخطونا برك رايحين نطيشوا رواحنا في البحر وا مقلتوناش باركات كرهنا منكم
