دردشة عربية

[د.بنت الأقصى]

لا ما تخاف
بنحكيلكم كل شي بالتفصيل

 

[البرنس]

وانا بدي اشوف عرس فلسطيني
عندكم ريسيفر

 

[عاشقة الجنان]

راح أعن أحكيلكم عن أعراسنا الفلسطينية التراثية ..

بتغنيها العجائز والصبايا وراهم..
اسمعوا الحكاية..

تميز العرس الفلسطيني بأغانيه الشعبية التي ينظمها ويلحنها شعراء القرية أو المدينة الفلسطينية، والتي تعكس الحالة النفسية لأهلها والعادات والتقاليد الاجتماعية، وهي الإرث الذي يتوارثه الأبناء عن الآباء بكلماته وألحانه.
وتشكل الأغاني الشعبية حلقة الوصل بين الماضي والحاضر، وتعلق المواطن الفلسطيني بأرضه، وحبه الشديد لقريته، وحرصه على حماية تراثها. وتحفظ هذه الأغاني شخصيته وعواطفه وهمومه باللهجة العامية المتداولة في كل قرية أو مدينة، وتمدح شباب هذه القرية ونسبها وحسن بناتها. .

راح أبدأ بالخطبة .. وكيف بيخطب العريس..

وشو بيحكوا..

 

[د.بنت الأقصى]

وانا راح اساعدك بهاد اللينك
اسمعوا منه العرس الفلسطيني الاصلي


http://www.i3tesam.com/cats.asp?flag=songs&album_id=14&album_name=العرس الفلسطيني

اي اشي ما بتفهموه احكولنا
ان شا الله يعجبكم​

 

[البرنس]

اوكي كملو قبل وامبعد نسمعو وشو هوا الاكل المفضل في اعراسكم

 

[عاشقة الجنان]

الطرق اللي كان العريس يتعرف فيها على عروسته كانت في الغالب غير رسمية، مثل أنه يراقبها وهي عم
تملأ الجرة أو في فترة الحصاد أو في بيت أحد الأقارب ..طبعا هاد أيام سيدي وستي
أما هلقيت طبعا العريس بيشوفها وهي رايحة على الشغل أو على المدرسة..
أو امه بتكون بتسأله على عروسأو اذا شافت بنت وعجبتها بتروح تخطبها لابنها..
والخطبة كانت تتم عن طريق الأم أولاً، وبعد أخذ الموافقة المبدئية بيروح الرجال إلى والد العروس ليقرأوا الفاتحة ويتفقوا على المهر. ومن الطريف أن موعد الزفاف كان يتحدد عادةً في يوم 14 أو 15 من الشهر الهجري وذلك لاكتمال القمر الذي كان يعوض عن الكهرباء للسمر وإقامة العرس..​

انسيت شغلة بدي أروح أسأل ستي شوية أسئلة عن العرس في أيامها وأرجع..​

 

[عاشقة الجنان]

اوكي كملو قبل وامبعد نسمعو وشو هوا الاكل المفضل في اعراسكم

على شو مستعحل..

جا يين في الطريق..:p

على العموم في أعراسنا بيجي الطباخ وبيطبخ لحمة ورز

 

[البرنس]

التغريبة الفلسطينيه

 

[د.بنت الأقصى]

الاكل المعروف لاهل القدس واهل رام الله بيسموها الجريشة
وهي عبارة عن قمح يطبخ بطريقة خاصة مع اللحم
ما تسألوني كيف
لأني ما بحبها ولا بحب اتعلمها

 

[البرنس]

لا احكيلي لاني حبيتها هجريشه كملي

 

[د.بنت الأقصى]

اول اشي اسمها جريشة
مش هجريشة
بعدين ليش الاحراج
انا ما بعرف اعملها
يمكن ستي ولا امي بس انا لا:p :p​

 

[البرنس]

اوكي هاتي حتى نسكافي

 

[عاشقة الجنان]

سألت ستي عن الخطوبة وشو بيصير حكتلي..

والله يا ستي على ايامنا ما كان يصير الي بصير هلا .. كان لما خطبني سيدك اروح اتخبى لأني مستحية
مش زيكو .. اول ما يجي الخطيب بتقعدوووو وما بتقوموووا :p .. كان في شي اسمو حشمه يا ستي ..

أنا : طيب يا ستي احكيلي شوو كانوا بيحكوا أول الخطوبة..

ستي : اسمعي يا ستي ..من الأغاني اللي كنا نغنيها عند قراءة الفاتحة ..

ظليت أدوّر ع الاجواد تَنَاسبهم

لما رماني الهوا على مصاطبهم

ظليت أدور ع الاجواد تلاقيهم

لما رماني الهوا على أراضيهم



ولما تتم الخطبة ..

لما وصلنا دار ابوك يا ولد واحنا مشينا من بلد لبلد
يا بيها يسوى قليعة حلب
واحنا خطبنا البنت من بيها
قلعة حلب تسوى مالها ذهب



واحنا مشينا من الصبح للعصر واحنا خطبنا طيبات الاصل

يا بيها يسوى قليعة مصر
واحنا خطبنا البنت من بيها
قلعة مصر تسوى سرايا وقصر

حُمْنا القرايا ما لقينا غيركو يخلف عليكو كثر الله خيركو

وعند دفع المهر

يخلف عليه خلفين
يخلف على أبو محمد" أبو العروسة"

أعطانا بناتو الثنتين طلبنا النسب منو

لا تحسبونا من عدّ المية انهمّينا
عدّينا المّية وقنبعنا طواقينا[ قنبعنا : لبسنا بفخر ]

لا تحسبونا من عدّ المية فلّسنا
عدّينا المية وحنينا عرايسنا

لا تقولوا يا أجاويد بعدّ المال انذلينا
دفعنا خمس آلاف وع الكراسي صفينا



بعدين بأحكيلكم عن الحنة​

 

[البرنس]

نطلب من الاخت جنان ترجمة الابيات وشكرا

 

[الحياة]

السلام عليكم


واش كاين


راكو تعرسو وحتى واحد ما اعرضني

اوك و انا اللي جيت نعاون فيكم يا بنات فلسطين

بصاح ما تعاودوهاش

المرة الجاية ما تنساونيش



صح نسيت واعلاه دخلت

راح نترجملكم هاد الكلام

كيراكي بنت الأقصى
حنا نبغو فلسطين مالك شا حسبتي .
و انشاء الله تزوري الجزاير و ن(ق)ولك الجزائر ولات شابة بزاف على بكري .
و ما تقلقيش الأعضاء يردو عليك و غادي تتعلم (ق)اع لهجات الجزائر ............ ( ق) = G

يا ستي قال
كيفك يا اختي بنت الاقصى
احنا كمان بنحب فلسطين و لا شو فكرك
و ان شاء الله تزوري الجزائر واقولك ان الجزائر صارت بلد كتير حلو
و لا تخافي الاعضاء راح يردو عليك و راح تتعلمي كل اللهجات الجزائرية




ان شاء الله تكونوا فهمتوا هلا


سلام

​

 

[د.بنت الأقصى]

اااااااه
هيك حسيت فينا اخونا البرنس
امبارح نزلتو فينا انا وجنان
وما فهمنا اشي
خليكم شوي كم يوم يعني
بعدين بنترجملكم
والحياة خليك محضر خير

 

[البرنس]

اوكيشن
كما قلتي امبعد نفهم

 

[عاشقة الجنان]

فاصل اعلاني ثم نعود للحنة..

ع اللام لاموني أصحابي في حبه حكوا عليه
ع الميم ميلي يا نفسي وفراقه يصعب عليه
ع النون نهوني أهلي في حبه وغضبوا عليه
ع الهاء هالت دموعي وفي حبه زادت عليه
ع الواو ودعت أحبابي وتصعب الفرقة عليه
ع الياء يا ربي صلي ع محمد زين البرية

من أغاني زمان في الأعراس..​

 

[البرنس]

الفاصل الاعلاني على ريد بوول بيعطيك حوااااااااااااااااانح

 

[د.بنت الأقصى]

لا
انا لااح اترجملكم
كنت بختبر صبركم بس

ظليت أدوّر ع الاجواد تَنَاسبهم

لما رماني الهوا على مصاطبهم

ظليت أدور ع الاجواد تلاقيهم

لما رماني الهوا على أراضيهم

يعني بحثنا وفتشنا على الاجواد (اهل الكرم يعني)حتى نسابهم يعني نصير انساب

لما رماني الهوا على ديارهم(مصاطبهم)





هاد اول مقطع
الباقي انت احكي شو الكلمة اللي مش فاهمها بالضبط؟
لانه انا جاسة انه نفس كلام اليوم
مش كتير بيختلف
بس اي اشي احنا بالخدمة​