ساعدوني يا أعضاء اللمة ....................

[kamilya]

السلام عليكم
عندي موضوع أرجو رأيكم فيه بليز
الحمد لله أني نجحت في شهدت البكالوريا وبمعدل قريب من الجيد لكن عندي مشكل في إختيار الفرع الذي ألتحق به انا إخترت الطب لكن الكثير نصحوني بعدم إختياريه لأن الدراسة في الطب صعيبة والمدة الطويلة أنتم واش رأيكم الطب مليح ولالا
وشكرا لكم مسبقا ومبروووووووووووووووووووووووك لكل الناجحين والي منجحوش العام الجاي نشاله

 

[.biba]

رد: ساعدوني يا أعضاء اللمة ....................

Slt
انا نقلك لا عدتي حابة نتي اديري الطب ومستعدة باش تقرايه وحابة تكوني طبيبة ديريه و ماتسمعي لحتى واحد على خاطر هذا المستقبل تاعك نتي
انا عندي ختي راهي تقر طب وصح القراية صعيبة بزاف بصح لا عدتي نتي حابتها راكي تقرايها مليح ومتندميش كي اديريها وبالتوفيق نشالله

 

[نور الانوار]

رد: ساعدوني يا أعضاء اللمة ....................

كون جيتي تعملي

حقوق خيير


نقولك الحق
الطب طويل بزاف وتشيبي قبل ما تكملي القراية

 

[kojak]

رد: ساعدوني يا أعضاء اللمة ....................

الطب واعر بزاف
كيما قاتلك نور تشيبي قبل الوقت :biggrin2:​

 

[أريج الفجر]

رد: ساعدوني يا أعضاء اللمة ....................

هذه كانت نفس مشكلتي كي جبت الباك

لكن اثر عليا الوالد و ماخيرتش الطب

والحقيقة ندمت لكن الحمدلله على كل شيء

شوفي لي يخرج عليك ادا حبيتي الطب صح ديريه

حتى لو كان طويل و صعب نوعا ما لكن كي تحبي حاجة ديريها و تقدري تنجحي فيها

وربي يوفقك ​

 

[kamilya]

رد: ساعدوني يا أعضاء اللمة ....................

شكرا لكم على مروركم لكن أختي نور الأنوار أنا علمية منقدرش ندير حقوق لكن شكرا كثيرا للإهتمام
وم جهة طول المدة هذ لي راهي مخوفتني شكرا مرة اخرى

 

[لحسن القنال]

رد: ساعدوني يا أعضاء اللمة ....................

تقدري تدخلي للترتيب في المدرسة العليا للإدارة راهي شابة بالزاف ، والله خير من الطب .
ويبقى إهتمامك وميولك هو الفاصل في الإختيار ، على العموم الله يوفقك وينورلك مستقبلك

 

[kamilya]

رد: ساعدوني يا أعضاء اللمة ....................

شكرا لك أخي لحسن رني وضعتها ضمن إختياراتي أرجوكم اود المزيد من الأراء لأنه لم يبقى على تسجيلي إلى يومين وشكرا

 

[kamilya]

رد: ساعدوني يا أعضاء اللمة ....................

 

[الحاقد]

رد: ساعدوني يا أعضاء اللمة ....................

السلام عليكم
اختي كميلياء اتخذي رأيك لأنو اذا مانجح راي الجميع ماتلوميهمش اذا حبيتي تنجحي في حياتك المهنية
اتخذي رأيك وحتا ومانجحتي اللله يبعد عليك الشر تلومي روحك رأي هو رأي الجميع والسلام عليكم

 

[الحاقد]

رد: ساعدوني يا أعضاء اللمة ....................