عــــن قرب مع (( Raouf007 )) ^_^

[ماهروز]

بسم الله الجمن الرحيم
السلام عليكم ورحمة الله وبركاته
مع أول اللقاءات في ((لقاء عن قرب ))ومع اول ضيوفنا في منتـــدى
اللمة ومع أحدى رموز التميز​

الذي سطع نجمه هنا وفي سماء منتـــدى اللمة التي أمتلئت بنجوم التميز ​

بداء عضو فحصل على التميز​

وثم ببراعته وحواره الهادئ البناء حصل على الكاتب المميز وثم ​

مشرفاً على قسم العام وحصل على شرف التميز مرتين​

أين وجد وأينما ذهب حصل على التميز والإبداع فحصل على وسام ​

مصصم اللمة​

نجم لقاء اليوم وأولى اللقاءات
هو
مشرف منتــدى العام و :: قـائد فـريق 4algeria::​

((Raouf007))
أولاً
نود التعريف منك ببطاقتك الشخصية و هواياتك​

ثانياً
في عن قرب نكسر حاجز الأسئلة الروتــنــيــة والتقليدية في كل لقاء ​

نبداء حدثنا عن تجربتك في منـــتدى اللمة منذو بدايتك ​

كعضو في ضيافة اللمة إلى أن أصبحت مشرفاً للمنـــتدى العام​

ثالثاً
صف لنا شعورك بعد كل وسام كرمت به في منـــتدى اللمة​

رابعاً​

ماهو مثلك الأعلى ومن خلف رؤوف في تــنمية موهبتك في الكتابه​

خامساً
من تجربتك كعضو وثم مشرفاُ لمنـــتدى العام بماذا تنصح الأعضاء ​

سادساً وأخيراً
كلمة تصف فيها منـــتدى اللمة الجزائرية في عيون أهلها ولنا في الدول الشقيقة​

أنتهى اللقاء
الرجاء من الأعضاء عدم الرد الا بعد ضيف اللقاء رؤووف​

ملاحظة يحق لكل عضو سؤال واحد بعد أنتهاء اللقاء​

دمتم بكل الود
^_^
إعداد ماهروز وأم دارين​

 

[Ra Off]

اولا وقبل كل شيء
نشكرك خويا ماهروز على المقدمة هههههه راك حشمتنى :blushing:
وبارك الله فيكم اخت ام دارين

أولاً
نود التعريف منك ببطاقتك الشخصية و هواياتك
​

عبد الرؤوف 23 سنة طالب جامعى هندسة معمارية مازالو عامين على التخرج ان شاء الله
انسان عادي يحمل كل معانى البساطة ...
اما الهوايات
لديا موهبة في الرسم ... الا انى نادرا مااستغلها
اهوى التصميم وكل ماهو جديد في عالم الكمبيوتر
كما اهوى الرياضة وخاصة كرة القدم
فقط ....

ثانياً
في عن قرب نكسر حاجز الأسئلة الروتــنــيــة والتقليدية في كل لقاء

نبداء حدثنا عن تجربتك في منـــتدى اللمة منذو بدايتك

كعضو في ضيافة اللمة إلى أن أصبحت مشرفاً للمنـــتدى العام
​

اييييييييه
المشواار طويل ... سأختصر

كان عندي بحث العام الماضي وبالضبط حول الهندسة المعمارية المزابية
واثناء بحتى في المواقع والمنتديات الجزائرية وقعت على منتدى اللمة اعجبت في البداية
بواجهته وروعة تصميمه مع انها بسيطة
فقمت باضافته الى المفضلة وبعد متابعة لبعض المواضيع وبعض الاعضاء الرائعين
الى نحييهم بالمناسبة كاين لي غابو ورجعو وكاين لي مازال مارجعوش
قررت التسجيل في فيفري 2007
الا انى كنت وكباقي الاعضاء الجدد لاصدى لموضوعاتى او ردودى
فتملكنى الفشل واليأس
وتركت المنتدى لمدة طويلة الى ان عدت بالضبط برمضان الماضي
بعزيمة جديدة مع هدف جديد هو الافادة بكل مااملك
مقابل ماستفدته
وكنت لا اطرح موضوعا الا بعد مضغه مدة طويلة في جهازي
ودلك حسب المناسبات يعنى مش يعنى انو عندي 20 موضوع بجهازى نطرحها كامل في يوم واحد
اختار الوقت المناسب لانها مواضيع تاثرت بها كتيرا ولو ان بعضها لايعبر بصورة
كبيرة عن شخصيتي .... الا انها تمثل طموحي
المهم بقيت حاضرا وكثفت الردود وبديت نتعرف على ناس
الى ان جاء يوم ورشحت للاشرااف
!!!!
في الحقيقة ترددت كثير في الرفض او القبول
وبعد استشارة احد اصدقائ هنا
الذي كان له الفضل في تشجيعي
فقبلت امر المسؤوليه
صح ... الاشرااف ليس تشريفا هدا اقتنعت بيه ... لكن ساعة ساعة
نفكر بجدية في هاد المسؤولية الصعبة
ودائما يجي في بالى عمر بن الخطاب رضي الله عنه
وماادراك ماعمر
لما كان يبكي ويقول : اخاف ان تعثر دابة في ارض العراق فاحاسب عليها
نعم فهو المسؤول على تامين وتسهيل الطريق
فمادا نقول نحن ادا وجدنا موضوعا فيه ما فيه وبامكانى حدفه !!!!
المهم طولت شوية ههههههههه
ربي يقدرنى وكامل اخوانى المشرفين على مسؤولياتهم
وتحياتى

ثالثاً
صف لنا شعورك بعد كل وسام كرمت به في منـــتدى اللمة

​

ايييييييييه
هههههه في كل مرة يجيني وسام كنت نرجع مباشرة للادارة رسالة شكر وتقدير
ونفرح ... وخاصة انهم يجيو في وقت مفاجىء مانكونش منتظر
تكريم
وعلى بيها نبات ساهر غير باه نثبت استحقاقى للوسام

رابعاً

ماهو مثلك الأعلى ومن خلف رؤوف في تــنمية موهبتك في الكتابه
​

ههههه
واش راح نقولك
انا عصامى يعنى نحب نتعلم ذاتيا وخاصة انو لاعلاقة لي بمجال الادب والكتابة
الا انى نحب نتثقف احيانا
واحيانا نحب نكون على طبيعتى احسن واحسن
يعنى العامية نعرف نعبر بيها اكتر
اما مثلى الاعلى
ربي يقويلنا الايمان ويكون
محمد صلى الله عليه وسلم
على بالى الناس الكل تقولها ومقصرين في حقو بزاااف ومنهم انا
الا انى نقولها لاني متمنيها ... فهو سيد البشرية
ومن بعدو ياتو والديا

خامساً
من تجربتك كعضو وثم مشرفاُ لمنـــتدى العام بماذا تنصح الأعضاء
​

كاين ناس ترمي مواضيع وكانها grenades ويغلقو وذانيهم
وكاين ناس تغرس مواضيع كالازهار
وتمر عليها كل يوم تسقيها ... فتزين المكان وتنشر رائحة طيبة
فلكم الاختيار

سادساً وأخيراً
كلمة تصف فيها منـــتدى اللمة الجزائرية في عيون أهلها ولنا في الدول الشقيقة
​

اللمة الجزائرية بيتي التانى فعلا
جمعتنى باحباب واصدقاء واخوة واخوات
من كل مكان
فعلا لمة تع خير لمة تع اخوة لمة تع صداقة
لمة حب
لكل الجزائريين والعرب
:-:-:-:-:-:-:-:-:-:-:-:-:-:-:-:-:-:-:-:

وشكرااااااا جزيلا خويا ماهروز نتمنى تكون الاجوبة وافية
واي استفسار اخر رانا هنا

تحياااتى​

 

[ماهروز]

أود أن أشكر رؤووف على تقبله لفكرة اللقاء وتعاونه معي وبساطته وتواضعه الجميل وإجابته على أسئلة االقاء..
فشكراً جزيلاً له

والان يمكن للاعضاء وضع سؤال واحد فقط



​

 

[sql]

السلام عليكم ورحمة الله تعالى وبركاته

آآآآآآآه يا رؤوف اليوم نعمل فيك حالة بالاسئلة :thumbup:

1-واش هي الحاجة لي تتمناها في حياتك ؟

يا رؤوف جاوب على هذا السؤال برك مرانيش حاب ندخل في التفاصل العاطفية :laugh:

جزاك الله خير اخي على طرح هذا الموضوع

 

[أنا وأخي]

أعتقد أن الأمر حدد بسؤال واحد :confused1:

فلما صاحب الرد أعلاي :thumbup1: تجاوز هذا الأمر :glare:

اما سؤالي هوا :. هل قررت في يوم من الأيام ترك المنتدى لمجرد شجار مع صديق او صديقة ؟؟ .:​

 

[layla]

لا يوجد عندي اي اسئلة ؟

 

[sql]

أعتقد أن الأمر حدد بسؤال واحد :confused1:

فلما صاحب الرد أعلاي :thumbup1: تجاوز هذا الأمر :glare:

اخ انا واخي شكرا على التنبيه فانا لم انتبه لهذه الجميلة

ملاحظة يحق لكل عضو سؤال واحد بعد أنتهاء اللقاء

وكذالك رايت صاحب الموضوع كاتب ست اسئلة ..فااردت انا ان اكتب اسئلة

كثير ..شكرا على التنبيه :thumbup1:

 

[Ra Off]

ههههههه
ماهدا خويا سمير !!! .... ايا معليش من عندك كلش عسل
نجاوبك

1-واش هي الحاجة لي تتمناها في حياتك ؟​

نضمن مستقبلى وننجز مشروع (بالطبع في مجال الهندسة) ضخم في بلادي

2-واش من بيس عندك -الو -جيزي-موبليس-نجمة​

هههههه قولى حط النيمرو برك !!
عندي موبيليس .... والكل يتالم
بصح بلاك رح نبدلها جيزي ... كرهت حياتى معاها
حاكمها خاطاك عشرة قديمة برك

3-واش من برنامج تعمل بيه ..فوتوشوب- ستديو ماكس -فيديو استديو​

في تصميم الصور نستعمل ulead photo express v3
وبعض البرامج الصغيرة الاخرى

وراني نتعلم فالماكس ... لي نحتاجو في المجال المعمارى
تقدر تقول مازلت في بداياتى

ومع هدا راني مجرب بزااف برامج وكل واحد نستعملو في وضيفة معينة

4-واش رايك في صاحب الموضوع​

مع انو جديد ولا اعرفه جيدااا ... الا انى نلاحظ عليه نشاط
غير معتاد ... ومواضيعو رائعة .....

ربي يبارك فيه

5-واش رايك في منتدى اللمة الجزائرية ليك عيونا​

والفتها بزاااف .... ومانتصورش الانترنت بلا لمة
سي بون .... قريب نديرها صفحة البداية
هههه

وشكراا سمير
تحياااتى
​

 

[Ra Off]

بارك الله فيك انا واخي
وسؤالك

:. هل قررت في يوم من الأيام ترك المنتدى لمجرد شجار مع صديق او صديقة ؟؟ .:​

والله سؤال في الصميم ودايما نخمم فيه مع انى والحمد لله ماتشاجرت مع حتى واحد
الا انى لاحظت الكثير لي داروها

اما عنى انا ... لالا خويا لم اقرر هدا ... ربما في منتديات اخرى نديرها اما هنا
لالا
خاطاك انا مانتفاهمش بالاك مع واحد يبقاو 70000 اخ وصديق هنا
ممكن نتفاهم مع بعضهم
وكي نكون غالط ونقتنع بانى غالط تاكد انى نعتذر ماعندي حتى حرج


وشكرااا خويا لعزيز على الالتفاتة
تحياتى
​

 

[Ra Off]

لا يوجد عندي اي اسئلة ؟

مرسي ربي يبارك فيك اختى ليلى مرورك برك
يشرفنا

تحياتى​

 

[Ra Off]

ماعندي مانزيد عليك
بصح عندي ليك كادوووووو

الحمد لله مرسي خويا حمزة :thumbup:

:confused1::confused1:
ترى ماهو الكادو ؟؟؟
الف شكر ليك مسبقاااا وردك ديجا كادو

تحياتى ​

 

[حضارة أُنثى]

ما شالله عليك ماهروز موضوع رائع يعطيك العافيه ^_^.
---------------------------------------------------------
اهلين خويا رؤوف c.v رائع ماشالله عليك ^_^

جلست ادرو سؤال ما ادري ليش جا في بالي هاذا السؤال

فيلم كرتون تحب تتابعو وانتا صغير ..؟

وشكراً

 

[belkhir djaralla]

قلي الصح خويا رؤوف شكون الاعضاء للفت إنتباهك؟
مع تحيات كوكو​

 

[Ra Off]

ما شالله عليك ماهروز موضوع رائع يعطيك العافيه ^_^.
---------------------------------------------------------
اهلين خويا رؤوف c.v رائع ماشالله عليك ^_^

جلست ادرو سؤال ما ادري ليش جا في بالي هاذا السؤال

فيلم كرتون تحب تتابعو وانتا صغير ..؟

وشكراً

هههه مرسي اختى هيا او حياة ... :lol:
والف شكر على مشاركتك الطيبة

هههههههه
سؤالك رجعنى بعيييييييييييييد للماضي هههههه

اممممممم كنت نتابع بزاااااف مي نسيت معظمهم نشفا على

الكابتن ماجد :tt2: الرمية الملتهبة :tt2:جونغر :tt2:سازوكي
و........ كاين الكتير

مرسي راني حاب نزيد نتفرجهم دركا هههههههههه

تحياااتى ​

 

[Ra Off]

غير متخافش عن قريب

انشاء الله

الله يبارك خويا

راني نستنا ..... ​

 

[Ra Off]

قلي الصح خويا رؤوف شكون الاعضاء للفت إنتباهك؟
مع تحيات كوكو​

اهلا خوياا كوكو
روماركيتك نتا في قلب الليل :tt2:
يا راك تسهر كيفي !!!!!
ههههههه

لالا في الحقيقة عندي حبابي وصحابي هنا ... يعنى هادو
ماكلاه نروماركيهم
وزيد كل يوم نكتشف عضو جديد ... هادى هي الانسان مايقدرش يقرا كلش
في وقت قصير ويعرف الناس الكل في نفس الوقت

​

 

[الساجدة لله وحده]

سلام...شكرا اخي على الموضوع....
*****************
رؤووف...كاش نهار واحد دار موضوع عجبك بزاف؟
...بارك الله فيك..واصل هذا التميز...

 

[صفاء بت قضبى]

السلام عليكم جميعآ:biggrin::biggrin::biggrin:
أنا ما عندى سؤال:blush::blush: ..بس كنت بتمنى أتعرف على الشخصية خلف الجمجمة السوداء:confused1::glare:...أهلآ يارؤوف.:biggrin:

 

[CONSTANTINOISE]

مزال منعرفش الاعضاء هنا مي راني حسيتك فنان قديـــــــر وهادا حفل تكريم؟ (فنك ذهبي:thumbup
الله يبارك عليك خويا رؤوف
معنديش سؤال:huh:

 

[ضباب]

اخي رؤوف بما انني منحتك صوتي فمن حقي طرح سؤالين ...ههههههه....لكن سأكتفي بواحد
لماذا لا اراك في القسم السياسي؟؟؟