أريد جوابا

[نورة منال بن سعد]

سؤال محيرني هذه مدة:
كاين بعض الشباب يخرجوا مع بنات بزاف، ولما يحبوا يتزوجوا يختاروا وحدة عمرها ماعرفت راجل في حياتها.يعني كيما يقولوا **قطة مغمظة**.
راني حابة نعرف السبب؟

 

[حفيد هواري بومدين]

هادي حاجة باينة
بويسك هادوك لي خرجنا معاهم رايحين يbورو

 

[حفيد هواري بومدين]

:wub::wub::wub:

هادي حاجة باينة
بويسك هادوك لي خرجنا معاهم رايحين يbورو

 

[سندس الجزائر]

يكمن حب الرجل للمرأة في غموضها ويقال الرجل يحب المرأة التي لا يستطيع الوصول اليها فان وصل اليها اصبحت غير مرغوبة

دائما يبحث عن شيء جديد وهذا سبب عزوف الشباب من الجانبين علي الزواج الكل يتعرف علي هواه ويحس كل جانب انه ليس بحاجة الي آخر لانه ان رأي شيئا غير جميل عمم علي الكل .

هذا رايي

 

[وليد العلمي]

راكي حطيتينا في السيبلا اختي واش نقولك كاين بعض الشباب يتمسخر بالبنات ويلعب بيهم وقت الزواج تقول جامي شافك ولا هدر معاك واختي لي يستاهل الفتاة هي الغبية من الاول له ديري معاه العلاقة المقرفة وتولي في حل واربط وعلاش مدانيش انا ودا هاذيك واختي راهم بزاف لي تكلحوا في هذا الامور ونقول ربي يهدي ما خلق والمكتوب وين تهرب منوا يلحقك والخبيثات للخبيثون والطيبات للطيبون وانا نامن غير بالمكتوب والله قصص الحب فاشلة جدا والحب الحقيقي عند الزواج وراكي مشكورة على الموضوع اختي

 

[coool]

ماتخافيش مكانش منها على خطراكش الطيبون للطيبات و ........

 

[حفيد هواري بومدين]

دقيقة نفهمك حاجة مدام الموضوع مازال
انا الحمد الله حبيت مرة مي الخرجة من نحكيوش علاها
مانيش حاط روحي نخرج خلاه
+
نهار نخطب هاديك الخرجة صح



انا جامي خرجت هي تكون جامي تاني
يعني جديدة من لاميزون

 

[حضارة أُنثى]

لانه يعرف ان البنات اللي تخرج مع شباب مو وجه زواج , بس المفروض انه يعرف ان مثل ما هو يحب المرأه اللي مالها علاقات مع الرجال المرأه تحب الرجل اللي علاقاته بالنساء سطحيه مع ان هذا الصنف من الرجال وللاسف اصبح شبه معدوم ..

شكرا اختي والله هذي حااجه محيره كل البنات .. ما نقول غير الله يهدي ^_^

 

[koukou9927]

لا لا أختي أنا ما درتهاش ، وإن شاء الله مانديرهاش .
خطراكش اللي راجل راجل : كي البارح كي اليوم ، كي غدوة إن شاء الله.
وكيما يقولوا : هدرت الرجال تبقى في البال.
:thumbup1::thumbup1::thumbup1::thumbup1:

 

[mohamed ali 1992]

يعني كيما يقولوا **قطة مغمظة**
علاه راكم تحسابوا في الشباب الي تخرج مع بنات الناس بدون اي مبرر رجالة............

بئس هذا النوع من الشباب
لو كان هذا الامر لأحد اقاربه ايقبل بهذا؟؟؟؟؟؟؟؟
أكيد لا وألف ألف

الي مكتبه ربي راه يوصل مهما طال الأمد

احذروااااااااااااااااااا؟؟؟؟؟
أحذرواااااااااااااا؟؟؟؟؟؟

الله يراقبكم

اللهم احفظ جميع اخواننا وأخواتنا واسترهم يا رب العالمين

آمين


​

 

[The DoN]

هذا منطقي .....

الرجل " جايب الربع " بالبنات ....
​

 

[faiza34]

لي خدع اكيد يتخدع حتى ولا دار في بالوا بلي زوج بوحدة مغمضة بلاك لي داها تكون اخبث من لي خدعها ..................كما تدين تدان

 

[شمس الدين6]

يا أختي يجب ان تعرفي شيئا حتميا وهو { الطيبات للطيبين و الخبيثات للخبيثين } وهو ان كان يخرج مع فتاة ويخدعها فانه بالضرورة وبدون شك سوف يتزوج مع فتاة كانت تواعد رجالا ايضا

 

[المشوار]

الحمد لله أننا في ولاية واد سوف مازلنا ناس محافظين يعني لا نعرفو خرجة مع طفلة ولاطفلة مع طفل


ممكن أنكم تعتبرونا أبناء الصحراء رجعيين لأننا مازلنا محافظين أكثر


شكرا لصاحب الموضوع الذي بين لنا حال العشاق الجزائرين


​

 

[وليد العلمي]

وعلاش راك تشوف فينا راكبين على بعضانا وانتم محافضين وحنا خارجين طريق

 

[zolaelmahboula]

شوفي اختي نهار لي تخرج الطفلة مع واحد حتى ولوكان ما يوصلوش لحاجة كبيرة مي نهار يصرا غير شي بروبلام صغير يولي يعاير فيها بالخرجات و لي مساج و الكلام الحلو تاع البورتابل
و جامي يخمم بلي راهي دارت هاد الشي اعلى جالي نقلك علاه
لاخاطر السفيه يقرا ما فيه
لي يديرها هو يقراها فيها

 

[zolaelmahboula]

بالنسبة للاخ من واد سوف
ماشي غير انتم المحافظين و كما نقولو المتربي من عند ربي

 

[الستار سوسو]

شكرا على الموضوع
نقولك حاجة الواحد كي يشوف الطفلة ثقيلة وماهيش تاع هادو الصوالح ديما يحب يطيحها بصح ادا فاتت طاحت خلاص
وانا نقولك حاجة اختي انا نأيد الطفل اللي يخليها بويسك ماهيش وجه زواج وتربية
والشح في كل طفلة تطيح بروحها
شدي روحك عندك مايقدرلك حتى واحد وتولي البنت اللي يتمناها كل شخص
هدا رايي تقبلي مروري والسلام
سوسو

 

[rafika32]

هادي حاجة باينة
بويسك هادوك لي خرجنا معاهم رايحين يbورو

​

انت جابتك أمك وما جابتش بعدك ......صحيت
حلوا عينيكم يالجايحات.....كشما كاين درس ابسط من هذا
​

 

[belle vue]

يا أختي للأسف هذه صارت قاعدة عند البعض يعني يعيش شبابه كما ينبغي بما فيه من "خرجات و سهرات" و لما يميل إلى الإستقرار فمن المؤكد أنه سيختار الفتاة التي تحفضه في ماله و عرضه لا غير هذا إن كان عاقلا طبعا .....و مع ذلك أرى من التناقضات ما يكفي لتبرير موقف الكثيرين الذين أعماهم الحب دون إدراك أن الحب الحقيقي هو بعد الزواج ....لكن ماذا أقول...إختلطت المفاهيم و أصبح الشباب يفعل ما يشاء دون إدراك أو وعي صحيح لما يفعله أو بمبررات أقل ما يقال عنها أنها تافهة

نسأل الله الهداية

بارك الله فيك​