السلام عليكم
المقادير :
أربعة صدور دجاج متبله وخالصه باللي تحبينه
4 هوت دوق مسلوق
يعني نقانق للناطقين باللغه الخبيه
جبنة موزريلا
شوية كزبره , حسب مذاق ابوكم يحبه ولا لأ
كوب دقيق ابيض املحيه وحطي عليه فلفل ابيض وشوية بهارات حسب ذوق حضرتس
كوب بقسماط
3 بيض
سكين
طريقة الكرف :
امسكي صدر الدجاجه وسوي خرم بالوسط و حاولي إنه ما ينخرم من تحت
والله النشبه وش لون ابشرح لكن
امسكيه مثل مسكة الكوسه إلا بغيتن تقورونها وتحشنها
ثم اطعنيها
فهمتن !!
ادخلي حبة الهوت دوق
ثم ادحيها جبنة موزريلا الين تقولين بس
وكذلك الكزبره
غمسي قطعة الصدر في البيض
ثم في الدقيق
ثم في البيض
ثم في الدقيق مره ثانيه
ثم في البيض
ثم في البقسماط
ثم إقليها في زيت غزير
ولا تبربرين بالتلفون وتنسينه عشان ما تحترق ويهاوشكم ابوكم
تقدم مع الرز الأبيض والخضار المسلوقه
او البطاطس المقلي
وانا ماعندي لا خضار ولا شي
ماعندي إلا فقع
الجبنه سااااااايحه وتذوب في الفم
من جددددد طعمها خيااال
بالهناء والعافيه
