موضوع للنقاش * رمضان كريم *

[كونان2000]

انا قلت مع رمضان قريب نديرو قعدة رمضانية
**( اقتراح للمشرفين * واش رايكم تفتحو منتدى رمضان)**
نعود للموضوع **
القعدة الرمضانية
كل واحد يحكي على واش يطيبو الدار
كيفاه يغلبك رمضان ههه
و خاصة * التلفزيون الجزائري برمضاان
كل واحد يقول واش يحب في رمضان * * *
كاين واحد شعاره ( رمضان بلا براك 0 )
توافقو و لا لا .....
يالله نبدأ
​

 

[كونان2000]

في خصوص الماكلة / حنا نديرو شريبة صخونة
و البوراك و لا لبريك
طاجين الزيتون يوم و الرشتة يوم ( اختياري )
نديرو اللحم لحلو شكراا

انا رمضان يغلبني مي نصبر
في التلفزيون فيف ناس ملاح .. و حال و حوال

 

[كونان2000]

و انتم واش الديرو
راني حاب نعرف واش دير يارا باه نعرف تقاليد مصر
و تان فتاة السعودية

 

[©§¤°الجزائـ صوت ـر°¤§©¤]

السلام عليكم:
موضوع جميل ولطيف شكرا لك.....أما بالنسبة لطياب ما نختالفوش بزاف عليكم...نديروا شربة فريك(ما نحبهاش) والكفتة وطاجين الزيتون..والبوراك(ما نحبش فيه الدبشة والمعدنوس) ولا طاجين لحلو والرشتة وبيان سور السلاطة والديسار والزلابية(ما نحبهاش)وقلب اللوز وباقلاوة ديما حاضرين...أه وما ننساوش الفلو....
أما التلفزيون العايلة كامل تتلم على القناة الجزائرية(عندها قو سبيسيال في رمضان) كامل نحبوا ناس ملاح سيتي....الله غالب عادوا مايجيبوهاش:sad::angry:

 

[حنين الروح+]

انا في رمضان غير الكوزينة
كل يوم طاجن جديد والكفتة محشية بالبيض و الزيتون و الكراب محشي (جديدة ) و البكبوكة و السلاطة
و السلاطة مشوية يعني الحميص
والبوراك ديما و الجاري فريك و المرقة حلوة و الملوخية
نكرها خخخخخخخخخخخخخخخخ طيبها غير اختي ونحب الزلابية و التاي
و في رمضان ان شاء الله نكمل ليكم

 

[كونان2000]

شكرا على المرور و الرد الجميل
شكرا مرتين