أرجو من كل عاصمي أو عاصمية يعرف هاد الجملة يساعدني

[karine]

بسم الله الرحمان الرحيم
آسفة على الإزعاج لكني مضطرة لدلك
أختي مخطوبة لشخص من العاصمة
قال لها مرة على الهاتف
" حطيني في عبونك "
و هي من داك الوقت مازالت تخمم
واش تعني هاد الجملة الغريبة بالنسبة
علينا حنا ناس الغرب
أرجو من كل من يقرأ الموضوع أن يجيبني بصراحة
و أكرر أسفي ان كانت غير لائقة​

 

[KAKASASA]

يعني راكي في قلبي

 

[karine]

يعني راكي في قلبي

الله يعطيك ما تتمنى
ربي قاع ما يغبنكش ان شاء الله
بارك الله فيك​

 

[أريج الفجر]

شوفي اختي هاد الجملة يقولوها النسا ماشي الرجال

يقصد بيها بلي رايح يحميها ويقيمها

المهم ربي يهنيها

​

 

[النظرية المتمردة]

ههههههههه

الله يا ليزالجيروا

ربي يهنيهم

 

[youcef algérien]

من فضلكم ساعدوني

احبت فتاة دو اخلاق واحبتني لكن حين تكبرني سنا لم تصارحني بدلك خوفا على علاقتنا لم اتقبل الفكرة وفكرة بالانفصال لكن لم استطع دلك لاني احببتها وهي تحبني حتى انها مرضة مرضا مطولا
لم استطع بعد عنها حتى شفية لكن كل مرة افكر لمادا قامت بهدا التصرف هدا دون علم والدينا
مل العمل اريد من يريحني بكلمة

 

[نجاة40]

اختي بصراحة عندنا يقولوها النساء الشاوية ومعناها ماشي قلبك بل صدرك​

 

[faiza34]

مساء الانوار اني مع اختي لي قالت معنتها صدرك ..........ربي يخليهم لبعضاهم ويهنيهم

 

[xsxsx]

أنا كل الذي أقدر أقلك هوا

أنا بعض الضن أثم

فأنتبهي يا أختي أن تسيئى الضن قبل أن تعرفى معناها

 

[karine]

وجهة لاأي

احبت فتاة دو اخلاق واحبتني لكن حين تكبرني سنا لم تصارحني بدلك خوفا على علاقتنا لم اتقبل الفكرة وفكرة بالانفصال لكن لم استطع دلك لاني احببتها وهي تحبني حتى انها مرضة مرضا مطولا
لم استطع بعد عنها حتى شفية لكن كل مرة افكر لمادا قامت بهدا التصرف هدا دون علم والدينا
مل العمل اريد من يريحني بكلمة

أخي الكريم تحية صادقة مني لك كصديقة
اعلم أخي أن الحب لا يعرف الأعمار بعنى لا فارق بين من كان أكبر و من كان أصغر
و بين عدد السنوات بين المحبوبين
فإدا كنت في نفسك مقتنعاً بأنها سوف تكون لك نِعْمَ الزوجة المخلصة فلم يبقى لك سوى إقناع والديك . و الله يكون معاك و يوفقك
ان شاء الله تقدر تقنعهم .​

 

[karine]

أنا كل الذي أقدر أقلك هوا

أنا بعض الضن أثم

فأنتبهي يا أختي أن تسيئى الضن قبل أن تعرفى معناها

شكراً لك أخي على الرد
أنا تاني كنت نخمم كيفك
c'est pour ça
بغيك نسوّل ناس العاصمة
jusqu'a présent
مازال ما قنعتش بلي قالوهلي.​

 

[largo19]

السلام عليكم..... أنا من سطيف و أعرف معنى هذه الكلمة جيدا... العبون=الصدر. لأنه في الماضي غالبا ما كانت النساء تضع الأشياء الثمينة داخل الملابس من جهة الصدر ..... و بقيت تستعمل هذه الجملة كمثل........................... شكرا و السلام

 

[abdelmalek88]

افرح اخي اختك في امان راح يحطها في قلبو

 

[karine]

السلام عليكم..... أنا من سطيف و أعرف معنى هذه الكلمة جيدا... العبون=الصدر. لأنه في الماضي غالبا ما كانت النساء تضع الأشياء الثمينة داخل الملابس من جهة الصدر ..... و بقيت تستعمل هذه الجملة كمثل........................... شكرا و السلام

ربي يحفظك خويا على المساعدة
و المرور الكريم
الله يعطيك ما تتمنى​

 

[الناصر صلاح الدي]

حنا عندنا تعني حطيني في حجرك

 

[karine]

شكراً على المساعدة
بارك الله فيكم خوتي.​

 

[دودو لبزاف]

خو معناها و بكل تاكيد " حافظي عليا "

مرسي

 

[IMANE91]

احنا عنا معناها صدرك
والله اعلم

 

[نسمة البحر]

شوف خويا هذي كلمة يقولوها عدنا وانا نعطيك الرسمي حطيني في عبونك معناه حطيني في صدرك وهي فقط للمجاملة.طبعا هي خيطبته ومن حقو يجاملها كون مهني ما فيها حاجة لدل على شر (بعيد عنا) وحتى ام تقولها لولادها وأي طفل صغير يعني ذلك للمجاملة ودلال لا تخف​

 

[karine]

شكراً لمروركم الكريم و الردود الرائعة
ربي يحفظكم على المجهود الي
بدلتوه
بارك الله فيكم
​