ترجيتـك وانـا دموعـي تنـادي لا تفارقنـي
تعال وعالج إحساس ٍ جرحته حيـل وأهملتـه
قتلت الشوق في لحظة عنادك وأ نـت ظالمنـي
وحب ٍ مات في مهده حبيبي كيف أعد مته ...؟
تناسيت الغلا وبعدك ياليـت المـوت ياخذنـي
وترحل روح محرومه عزاها حـب ترجمتـه
جفاك وصدك اسهرني ودموع الحـب تحرقنـي
تشتت فكري وقلبـي عطيتـه لـك ولا صنتـه
تغير قـدري بقلبـك وفيـك ظنـون تاخذنـي
قسيـت وقلبـك القاسـي وانـا للـود علمتـه
خذني من دفا قلبـك ويامـا كنـت توعدنـي
نسيت الحب و أخبـاره وكنّـك مـا تحضنتـه
تردد لي صدى صوتك ( أحبك ) فيها أطربنـي
وانا لازلـت ارددهـا وحبّـك لـي تجاهلتـه
امانـه لا تخلينـي انـا مـا اقـوى تودعنـي
تعال ارجوك في قلب ٍ تركته يمـوت حطّمتـه
أحبك والجروح اللـي مـن عنـادي تعذبنـي
تراني حيل ندمانــه وعنـادي أنـت جنته
كفانـا جـروح ياعمـري طلبتـك لاتزعلنـي
أنا ما اقدر على الفرقـى تعـال بقلـب جننتـه
وضمه حيل لا تقسـي لعالـم ثانـي أسرقنـي
ولحظة حب تاخذنا وهـذا الحـب هـو أنتـه
