غدوة رمضان وش راح تدير

A

alaa bad boy

:: عضو منتسِب ::
غدا انشاء الله رمضان وش الحوايج لي تعملهم فالنهار الاول
متلا انا نوض على 12 نبدى مع اللمة و مبعد نخرج نقضي و مباعد كي يقرب المغرب يحكم عليا رمضان نداق مع الجيران وكي نفطر نطلب السماح و مبعد نصلي التراويح ونروح كشما نتفرج فالتيلي و انتوما
 
انا انوض على ال 9.45 نروح نخدم شغلي نكمل الشغل جوايه ال11.00 نبدا مع اللمة منبعد نروح نقرا شوي قرآن وموراها التيلي
 
انا النوظ نتصحر او نصلي الفجر امبعد النوض على 10او11 نعاون ماما اومبعد مع اللمة انا ثاني كي قريب يوصل المغرب يحكم عليا تع الصح اومبعد نفطر نتفرج بالاك ولا نكون مع اللمة رمضانك بصحة والهنى
 
انا مللي نوض و انا مع شغل الدار و في لعشية نعاون ماما في الكوزينا و كي يذن نذوق حاجة و من بعد نصلي المغرب و نفطر ، نغسل لماعن و نرورح نتفرج على روحي
حقى صحة رمضانك خويا علاء تصومو بالصحة و الهناء انشاء الله مع العائلة الكريمة
 
راكم تسجيو انا نخليها على ربي لي علابالي بيه غدا كي نوض اكيد راح نلقى الدار معمرة عباد ربي يكون في عوني وتاني الليلة نسهر حتى نسحر ونرقد
 
شكرا لمروركم .... و صحا رمضانكم :thumbup1::thumbup:
 
أنا الحق الصباح نعرف نصحر ولالا
حسب الحالة خخخ

المهم ومبعد نزيد نجيبها رقدة حتان للـ10 ونص ولا 11 ومابعدها خخخخخخ

لكان لقيت الميكرو مشي محكوم من قبل الاخوة خخخخخ
نقعدو معاه

لاكان لقيناه كومبلي الله غالب نجيبوها حازنين خخخ

ومبعد نقعد مع الميكرو ماكانش حتا غدا الحمد لله خخخ

نجيبها قاعده للعشية

ههه

جوايه الـ5 نخرج مع البنات حتااااااااااااااان لـ 6 ونص بالاك خخخ

ومبعد نجيو للدار نروحو للكوزينة { لاول مرة} خخخ


نشوفوا كشما نعاونو وبالاك مانعاونش اصلا خخخ حسب الحالة المزاجية هههههه


ونروحو نتكااااااوووووو حتان يأذن خخخ
كيما يأذن نروح نجري للما خخخخخخخخخخخخخخخخخخ​
 
ونسيت نقولكم

صحااا رمضانكم خخخخ
 
انا نرقد على 5.00 و نوض على 12 ومباعد نشاتي شوي ماشي بزاف و مباعد تورنوا وليماتش فوت تلحق 5.00 نقرى قراان و نصلي ركعات و نخرج للحومة نقصر شوي مع لحباب يدن نفطر في الليل نصلي التراويح و مباعد نروح للقهوة نشيش و ندير رايي ومباعد ندخل للمة .........
و كي تجي لقراية يتبدل لبروغرام ........

وصح رمضانكم و الف مرسي علا انت فوووور
 
أنا نخرج نشري الصحور بارسكو راني في السيبار مع صحابي نريح مكوناكتي حتى لصباح و في بعض الأحيان نلعبو شوية Counter Strike v1.5 (Réseau) كي أذن الفجر نروحو نصلو و مبعد نرجع لسيبار حتى على 8 تاع صباح نطلع لدار و نوض على 12 نريح شوية قم نروح نصلي الظهر ونقرى شوية قرآن و نزيد نحظر روحي للراتراباج .............
 
علاء راني جارك ونعرفك مليح بركى متمسخير​
 
انا ننوض نصحر ومبعد نصلي الفجر والصبح ونرجع نرقد حتان ل 10 ونص ننوض نقعد مع الميكرو حتان واين يقولي راسي اوقفي ههههه وكي نوقف نروح نرقد و جوايه ل 5 نروح للكوزينة كاشما نعاون ماما و كي يذن ساعات نصليه باه نفطر وساعات كي نعود جيعانا بزاف نفطر سح خخخ
ومبعد نتفرج كاش حلقة و لماعن راهم بالتور ساعة انا ساعة اختي ساعة ماما خخخ
ومبعد كي يروح بابا لصلاة التراويح نبقا نتفرج في المسسلسلات وجوايه العشرة ونص ولا حداش نروح نرقد خخخ​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom