الحرقة ولا معيشة الدل

[مسعود-92-]

افهمونى ميش الشعب ..................... نحوس على صحاب الكروش

 

[blidi9]

خويا الحرقة الحرقة الحرقة ...عندكم ساهلة شوف باش تروح يلزملك 60 مليون على الأقل قيس الفلوكة ...أيا قولي منين راح تجيبها ؟؟؟؟ تخدم ...آه قبضتك ..كي خدمت وجبت الستين علاه ؟؟ ماتقدرش تزيد وتلحق للمية وتحل حانوت ولا اللي هي وراك ثمة شوية شوية تعشي بقاليري ..... علاه ملي نزدنا واحنا نهدرو ونقولو فيف بلاد الخارج ..ياخو باش هوما لحقو لواش راهم فيه خدمو ... وشوف نعطيك حاجة ديرها مليح في بالك ...شفت كي تمرض ... تروح للديسبونسار ..شعال تخلص ؟؟؟ 50 دينار ...صح ... الليسانبو شعال على الأكثر مليون لصحاب المحال .... الدواء كاين الرونبورس ...بصح كون تروح لللاميريك ... كلش بالدراهم ... خلص وخلص وخلص وخلص وخلص وعيش ..... واحنا خلص وعيش .. إمالا ماشي خير لوكان تبقى في بلادك واللي عوض تخمم كيفاه تفليكسي روحك للهيه خمم كيفاه تخدم بلادك ... وعيش فيها وراسك للفوق ...

وسامحوني ولا طولت بصح بزاف الحرقة صح ولات لامود ..
​

 

[RaNiA]

انا نهدرو برك مي مانقدروش نفرطو في بلادنا
بلادك هي لي تلمك و جامي بلاد الناس تلمك
مرة واحد جزايري كان حاب يخدم عند gاوري قالو الgاوري وما مديتلوش الخدمة يا مخص انت

وكيما نسمعو لي جون تعنا يقولو يا كلني الحوت وما يا كلنيش الدود او تعبير مجازي برك بالنسبة ليا

 

[مسعود-92-]

الله غالب هذاك ماكان

 

[zahra09]

انا راني معاك كامل واش قلت سواسوا
هدا هو رايي الشخصي​

 

[Maysoun_dz]

c coooooooooooool ma soeur

​

 

[روز]

تتذّل في بلادك وما تتذلش في بلاد الناس وسيرتو حنا الجزائريين عندنا النييييف ومانحبوش الي يزيد معانا كلمة واذا حرقت لازملك :
تنح النيف
تنسى حاجة اسمها الكرامة
قلة القيمة
أما إذا كنت رايح بنيفو فور راه تنقص (الكرامة) .. باسكو راك بنيفوك
هذي الي نقولهالك وصدقنى منين تخرج من البلاد مالغري تكون زاهي مي دايمن تعرف بلي قيمتك غير في بلادك

 

[مسعود-92-]

مشكووووووورة الاخت الكريمة الرائعة
بصح افهمونى ميش الشعب وناس الجزائر
حكام الجزائر
​