الى طلبة ل م د.................

[noussa 2008]

السلام عليكم
اخواني او اخواتي اريد منكم طلب تفهموووووني
انا ادرس تخصص علم اجتماع ل م د وفي السداسي الثاني عندي موديلا ماخرجتهمش
انتم تعرفوا بلي عندنا وحدة اساسية والي فيها فلسفة- وارطوفونيا -وعلم التربية وعلم السكان
طيب انا في هذي الوحدة ما خرجتش زوج
وبعد عندنا الوحدة الاخرى والي فيها احصاء والاقتصاد.
والوحدات الباقية خرجتهم
طيب انا معدلي تحت العشرة
يعني هل يلزم عليا اختار من الوحدة الاولى مادة (ارطوفونيا )مثلاومن الوحدة الثانية مادة(ا قتصاد)مثلا.والا فهموني ماذا افعل الرترباج الاسبوع القادم
الله يوفقكم

 

[noussa 2008]

انتظر ردكم في اقرب وقت

 

[موساوي محمد]

أنا طالب مثلك بنفس النظام لكن شعبة تكنولوجيا و عندما لا نتحصل على المعدل في مقياس ما فيجب دخول دورة استدراكية و إذا كان المعدل العام للوحدة مثلا عندا الوحدة الأساسية عندنا فيها : فيزياء-كيمياء-رياضيات فإذا تحصلت على معدل جيد في الرياضيات مثلا و متوسط في الفيزياء و تحصلت على معدل دون الوسط في الكيماء في هذه الحالة أحسب المعدل العام لهذه المواد أي إذا تحصلت على معدل 10 أو أكثر في هذه الوحدة تكون قد أخذت كامل الوحدات القياسية الخاصة بهذه الوحدة credit

 

[noussa 2008]

مشكور اخي على حسن الاهتمام والرد
لكني لم استطع افهم ماذا يعني باlcridi
انا فهمت انو الكريدي حتى ولو تحصلت على معدل العام 10او اكثر وعندك موديلات اقل من 10يعني تعاودهم في العام الي بعدوا حتى تصير معد الموديلات الكل فوق 10
وضحلي اكثر
ولك مني جزيل الشكر

 

[النظرية المتمردة]

السلام عليكم

أختي أنا طالبة سنة 2 ل م د تجارة

و إن شاء الله نقدر نساعدك

إذا كان المعدل العام للسداسي = 10 فإن كل وحدات هي مرصدة

و تكتسبين 30 وحدة

كريدي يعني رصيد....فمثلا لما تأخذين 10 فمافوق في الرياضيات...و كان المعامل 4..فإن كريدي أو رصيدك يساوي 4


و إذا كان في وحدة أي لونيتي...مثلا 3 مقاييس...معملاتها ( 4..3..2) على سبيل المثال..و كان معدل لونيتي فوق 10 فإنك تكتسبين رصيد يساوي 9

حتى و إن أخذت في إحدى المقاييس تحت العشرة..

أتمنى أني قد جاوبت

و أي استفسار أو مساعدة أنا بالخدمة

الله يوفقك بالإستدراك

و رمضان كريم

 

[rate12400]

السلا م عليكم حبيت
نبهك برك يا بنت بلادي
انا علابالي بلي اذا خرجت المعدل العام عشرة
خلاص مبروك عليك 30كريدي ومبروك عليك السيماستر
وفي ما يخص لي زينيتي
كل موديل اذا خرجتي الديس فيه يعني راكي خرجتي لكريدي على حسب المعامل نتاعو مثلا علم اجتماع معاملو2 اذا خرجتي فيه الدس يعني راكي خرجتي2كريدي واذا عندك مثلا فلسفة معاملها5 اذا خرجتي الديس فيها يعني راكي خرجتى 5كريدي وتاني حطي في بالك بلي لي موديل يخدمو بعضاهم في ليزينيتي
مثلا عندك علم نفس-علم السكانعلم اجتماع في فرد اينيتي
حطي في بالك بلي رام يخدمو بعضاهم
يعني بتعبير اوخر تضربي كل موديل من هاذم في المعامل نتاعو وتجمعيهم وتقسميهم على المجموع نتاعهم انا وهو3
كيما راي شرحتلك الاخت(النظرية المتمردة)
وانت عندك في لبروميار باش تفوتي للدوزيام لازمك 40كريدي
مابين السيماستر الاول والتاني (يعني مجموع لكريدي نتاع السيماستر الاول والتاني)
ومن الدوزيام للتروازيام لازمك 96 كريدي بالصح لازم حاجة تكون معاها؟؟
ايسموها لينيتي فوندامنتال
اوبليقاتوار عليك تخرجيها وتلقيها تضم الموديلات الاساسية لي لازم يخرجو بعضاهم في لينيتي فوندامنتال (لينيتي فوندامنتال لازمتخرج بديس)

وكاش اي سؤال او استفسار ولد بلادك راو في الخدمة

 

[athman1212]

الله غالب ما نقراش في هذا النضام تاع lmd
راني نقرا في النضام لقديم كاش ما يخصك راني هنا
ربي يعاونك
بشوية برك ضرك تفهمي مليح

 

[maminefm]

اختي انا نقر تكنلوجيا في نظام lmd
اونعرف بلي الي الي يتحصل اعلى 10في السداسي انتهى عندو اكريدي 30
او بلي مايطولكش لكريدي انتاع الوحدات حتى ايكون معدل الوحدة 10 مثلا نحن في الوحدة الاساسية متكونة من الرياضيات والفيزياء والكيمياء اذا كان معدل هاذي المواد الثلاث 10 ايكون عندك اكريدي 18
اوكل وحدة اشحال قيمة لكريدي انتاعها
.................................................واذا احتجتي مساعة اخرى فانا في الخدمة



صح رمضانكم

 

[noussa 2008]

خويا rate12400 هنا راني بديت نفهم شويا
احنا واش قالولينا اذا عندنك في الوحدة الاساسية اقل من 10تختار موديل ولا زوج منهم تفوت فيهم رترباج وذلك حسب الحاجة المهم تخلرجها ب10
وبعد عندك في الوحدة الاخرى (احصاء واقتصاد)الي معاملها03 تاني هي ابلجي عليك تفوت فيها رترباج
وانا اذا راح انفوت فيهم رترباج ونخرجهم بالديس ونخرج السداسي الكل ب30
يعني خلاص مايصبحش عندي لكريدي ولا لا

ولكم مني جزيل الشكر جميعا
الله يوفقنا.

 

[اسهاء]

طيب انا معدلي تحت العشرة

اذا كان المعدل اعام تحت العشرة ؟
اختى ﻻزم تدخلى رترباج وذلك حسب

انك تشوفين الوحدة الى معدلها اقل من عشرة وانت تدخلين بالمواد اللى معدلها تحت العشرة

على حسب علمى وربى يوفقك

 

[noussa 2008]

اختى ﻻزم تدخلى رترباج فى المواد الى معدلها تحت العشرة

على حسب علمى وربى يوفقك

مشكور ة اختي اسماء عالمرور
رمضان كريم

 

[النظرية المتمردة]

حنونة

كي تقفلي 10دو موايان يعني عندك 30 كريدي

و ما عندكش لي دات

تطلعي مسلكة

و ما تعاوديهمش

حتى و لو كانو عندك دي موديل تحت 10

ربي يوفقك حنونة

 

[noussa 2008]

مشكور اختي النظرية المتمردة على وقوفك معي
بارك الله فيك
ان شاء الله يوفنا ربي في الدنيا والاخرة
رمضان مبارك

 

[موساوي محمد]

شكرا على الشرح المفصل و على الإهتمام بنظام ل م د و لكن أنا عندي سؤال إن أمكن
عندي معدل السداسيين فوق 10 و أصبح عندي كريدي 60 وحدة ولكن ينقصي الوحدة الأساسية من السداسي الأول معدل هذه الوحدة عندي أقل من عشرة فسألت الإدارة إن أدخل رترباج أو لا فقالوا لي لا تحتاج إلى رترباج و حسب علمي و حسب ردودكم فإنه يجب آخذ معدل فوق 10 بالنسبة للوحدة الأساسية و إلا ما نباسيش للسنة الثالثة.
أرجو إجابي إن أمكن و شكرا للجميع.​

 

[noussa 2008]

السلام عليكم
اخي والله على حسب علمي انك ماتفوتش على الرترباج لان معدلك اكثر من عشرة يعني الكريدي تاعك ماهوش ناقص
بالاضاف الى انك سالت الادارة وتاكدت
خلاص ماكلاش اتقلق روحك
كون جيت اقل من عشرة صح تعاودهم
والله اعلم

 

[موساوي محمد]

أشكرك جزيل الشكر أختي الكريمة على الرد السريع .
شكرررررررررررررررررررررااااااااااااا.​

 

[MOHGOSTO1]

السلام عليكم ورحمة الله ....بارك الله فيك الأخت ( النظرية المتمردة ) والأخ ( rate12400 ) على هذا التوضيح و الشرح ...جزاكم الله خيرا.....

 

[zozo]

في الحقيقة عندي أختي تقرا في الجامعة lmd تخصص علم اجتماع وكيما فهمت منها راهي عندها تفرعت إي لا سبيسيلتي لي تقدر تتوجه ليها ونضن أنها أختارت الرطوفونيا وكيما تعرف علم الاجتماع و علم النفس مرتبطين مع بعضاهم وفكري مليح قبل ما تتخذ الخيار الأنسب ليك وفقكم الله .

 

[noussa 2008]

مشكور اخي زوزو بارك الله فيك

 

[طيور الجنة21]

بالتوفيق.....
و اكيد اذا كان عندك تحت 10 راح تدخلي للراتراباج
​