سؤال لكل انسة لم تنتهي من دراستها

[sousou-love]

سؤال لكل آنسة لم تنتهى من دراستها..
ماذا لو تقدم شاب لخطبتك و أنت لازلت فى المرحلة الجامعية .. فهل تقبلين الارتباط ؟ ؟ ؟
وان قبلت ؛ فى أى سنة من سنوات الجامعة تتم الخطوبة ؟
وان طلب منك الزواج أثناء الدراسة و اكمال الدراسة بعد الزواج ؛ فهل تقبلين ؟ ؟ ؟
مع العلم أنه شاب به كل المميزات التى تحلمين بها ...
تحياتي​

 

[maya31]

مرسي سوسو على الموضوع شباب كيما انت
مع انني مازال ماوصلتش للجامعة و مازال مالقيتش شاب احلامي
مي راح نسيي نجاوبك

غير ممكن ..يعني ماشي كي توصلي للجامعة
تبطلي...و لا تتزوجي
لا
و اذا كان هاد الشاب حقا يحبني و نحبو لازم يحترم شروطي و هي انو نكمل دراستي و من بعد الله يكملنا
هههه
انا هذا هو رايي
و شكرااا
​

 

[صفاء بت قضبى]

ممكن للى كملو دراستهم بالرد ؟؟؟
حتى يأتينى الرد بتاعك ...حأبدى رأيي ماقدرش ما ردش
الدراسة مهمة وليس كل من تزوجت أستطاعت أنتكمل دراستها
للمسؤليات عليها ....قليلٌ فقط ..
قد يكون الزوج متفهم وماعند مشكلة بس الزوجة مش حتقدر مع المسؤليات ...
لهذا أنا من مؤيدات الدراسة أولآ ثم الزواج ...ممكن خطوبة وربما كتب كتاب بس
​

 

[la rose de sable]

والله نقبلو بصح نشرط عليه الزواج بعد القراية واذا ماقبلش
روح ربي يسهلك ويسهلي

 

[sousou-love]

مشكورات على مروركن وربي يوفقكم هدي هي الهدرة فووووووووور و هو ماشي خير من القراية

 

[كلي امال]

ممكن اني نقبل بالخطوبة لكن الزواج يكون بعد التخرج ان شاء الله

 

[عاشقة مجهول]

صح صعيبة باه الوحدة تبطل قرايتها وتتزوج ...........بصح انا كون نلقى اللي نحوس عليه نطيش الدنيا ومافيها ............وزيد محلاها وحدة تكون مرتبطة وتقرى ............يعني لاتشوف منا وملا منيه
بصح انا ننحك ترتبطي وتكسبي العبد اللي عاجبك وكمل قرايتك وتزوجوا بعد لقراية
وزيد مافيا والوا تقراي وانتي متزوجة
كاين بزاف يقراو وهوما متزوجين


تقبلي ردي​

 

[jojo5]

انا نقبل من بعد لقراية

و ادا ماقبلش ربي يسهل عليه

انا قرايتي قبل كله

و شكرا سوسو على الموضوع

 

[نسرين سطايفية حرة]

مرسي سوسو على الموضوع
مع انني مازال منيش نتاع الزواج و مازلت ماوصلتش للجامعةنقولك كلش بالمكتوب
​

 

[ZIZO/SAHARA]

ما اتخموش اقراو برك قاع تزوجو كي اتكملو القرايا القرايا خير من الزواج عندكم الحق؟؟؟؟؟؟ بصح كي اتمكلو القرايا ..........الي جا مقبول كيما جا ما اعهليهش رانا انشوفو فيها ما تقدروش اتريحو في الدار القرايا مليحة الحرية ؟؟؟؟؟سوسو موضوع مليح قاع راكو لتخمو كيف كيف ؟؟؟؟تقبلي مروري

 

[belle rose]

انا نفضل نكمل قرايتي امبعد نتزوج

 

[kamou]

مارسي اختي على الموضوع الهايل
كل بنت لازملها دير في مخها بلي مصيرها الزواج
الا ادا ربي ما كتبش
انا وبكل صراحة
ادا تقدملي شاب في المرحلة الجامعية مانضنش راح نقبل غير هكدا اكيد لازم نتفاهمو حتى نكمل دراستي اولا ..
تم ياتي الزواج من بعد
ماشي انا نقر في عامي الاول متلا ونخطط الزواج فاللخر تع العام.
ماتجينيش بنت تقدر توفق بين قرايتها وزواجها في ان واحد
والحاجة الي نكرها
تع الواحدة تتزوج وتكمل قرايتها وهي متزوجة ....يعني تغبن روحها وتغبن زوجها بالدرجة الاولى الا ادا هناك تفاهم جد قوي من طرف الزوج.
انا من رايي تكمل القراية الاول وتتهنى ومنبعد دير واش يجي في مخها.من خدمة اووو مكوت في البيت.​