وفاق سطيف يقيل مدربه سيمونديه

الحالة
مغلق ولا يسمح بالمزيد من الردود.

aYyÖub aDaM

:: عضو بارز ::
أحباب اللمة
إنضم
3 سبتمبر 2008
المشاركات
2,839
نقاط التفاعل
2,713
النقاط
196
محل الإقامة
ارض الله
الجنس
ذكر

simondi_B.jpg





أقال نادي وفاق سطيف الجزائري حامل لقب دوري أبطال العرب في النسختين الماضيتين مدربه الفرنسي برنارد سيمونديه على خلفية تعثر الفريق أمام ضيفه اتحاد العاصمة 1-1 في المرحلة الخامسة من مسابقة الدوري.
وقالت صحيفة "ليبرتيه" الصادرة بالفرنسية يوم الأحد أن رئيس النادي عبد الحكيم سرار طلب من سيمونديه التوقف عن تدريب الفريق مشيرة إلى أن مجلس إدارة النادي سيجتمع في الساعات القادمة للبحث في اسم المدرب الجديد.
ويحتل وفاق سطيف المركز السادس بالدوري بمجوع سبع نقاط جمعها من فوزين و تعادل واحد وهزيمتين.
وفي سياق متصل وافق الفرنسي جون ديبيرو يوم السبت على تدريب اتحاد عنابة، خلفاً للجزائري بلحوت الذي تمت إقالته قبل أسبوعين، مقابل 12 ألف يورو شهرياً.
ويعتبر سيمونديه سادس مدرب يترك منصبه منذ انطلاق الدوري الجزائري في السابع من آب/أغسطس الماضي.



المصدر: الجزيرة الرياضية
 
تهنينا منو الحمد لله ياربي
سيموندي لاتشتشي.........باي باي
ياربي ويكون بلحوت هو المدرب الجديد
لابناء الفــــــــــــــــــــــــوارة
 
بصح ضك كي زعكوه
شكون راح يجيبوا في بلاصتو
هذا هو المشكل
بصح ماعليهش
هكذا خير من يبقى ويزيد يبهدلنا
 
شكرا بنت الفوارة ومن فمك ربي بلحوت خير من فرنسي مغرور

************************

ايوب شكرا على مرورك سطايفي باين عليك h
 
حسب معلوماتي هناك شرط جزائي يجب على وفاق سطيف إعطائه لمدربه في حال إقالته و يقدر ب 16.000.000.00 دج و لشغور خزينة الوفاق بعد تعاقدها مع عدة نجوم أستطيع أن أتكهن و أجزم أن سيموندي باقي في منصبه حتى يثبت العكس
 
والله ممكن سموندي انسان شرير لازم يضرب ضربتوا
شكرا على المرور اخي
 
حسب معلوماتي هناك شرط جزائي يجب على وفاق سطيف إعطائه لمدربه في حال إقالته و يقدر ب 16.000.000.00 دج و لشغور خزينة الوفاق بعد تعاقدها مع عدة نجوم أستطيع أن أتكهن و أجزم أن سيموندي باقي في منصبه حتى يثبت العكس
ماتخافش خويا شكارة كاينة
سرار مايقدرولوش عندو خطط جهنمية
 
متفهمي والو اليوم قريت بلي سرار راه دايخ اللاعبين القدامى يسلوه11 مليار
ربي يعينوا
 
ومن بعد 11مليار ياخي المنحة تاع الكاس العربية مازالت مادخلتش خزينة الوفاق وارباح الملعب يسلكو كل شيء ...................الشكارة مانخافوش ديما كاينة مايخصناش ..........ان شاء الله يعينو مدرب مليح وحسب الاخبار فان المدرب تريباش ابن الوفاق ولاعب المنتخب الوطني هو من سيكون على راس العارضة الفنية
 
شكرا بنت الفوارة باينة عليك فحلة وبيضة وكحلة
راني نضرب دورة للفوارة باه نجي ليك
نتفاهموا كيفاه نسنيو مع سرار
هههههههههههههه
 
كيما تحبي انا حلمي نكون نلعب والله لو يتحقق
أأأأأأاه
للأسف مجتمع هقأأأأأأأأأأأأر
 
انا حلمي يخليوني نتفرج الماتشات في 8 ماي بزاف عليا
والله ياليماتش تاع كوب دراب نار .......... ...ياحبيبي نار
 
نعم ملعب النار والانتصار

علابالك بلي في الفنال نتاع لوعام لول

سوفريت من المسيلة حتان لسطيف

زيد حوست على التيكي زيد بلا عشاء زيد

بلا رقاد عانيت عانيت ....
 
simondi thenina menou mé ya bent lfouara Belhout mader welou m3a annaba za3ma ylga rassou f l'ESS?rabi yjib lkhir
 
ياختاه بلحوت مدرب من لكبار يعجبني بزاف بصح علبالي مايجيش لسطيف لخاطر علاقته مع سرار ماشي مليحة.....المهم راهم يقولو بعد ماتش الفريق الوطني مع ليبريا رايح يرجع الشيخ رابح سعدان للوفاق وهذا مانتمناه جميعا لان سعدان داهية ومدرب من طينة الكبار ...........ربي يجيب الخير وان شاء الله ياربي الفوارة شامبيوني
 
بنت الفوارة واش رايك نديروك مدربة وفاق سطيف
ومتنسينيش عيطيلي في لكيب واعطيني رقم 9 في بلاصة زياية
واش قلتي

 
انا نقولكم خصنا مدربين وطنين خطينا من الاجانب واتمنى عودة سعدان للوفاق ولكن لو يبقى مع الخضر احسن
والوفاق ارفع اسم الجزائر عاليا في سماء الكرة العربية لازم نوقفو معاه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top