كي دزاير تهدر....انت تحل ودنيك........

الحالة
مغلق ولا يسمح بالمزيد من الردود.

kamou

:: عضو بارز ::
أحباب اللمة
إنضم
10 مارس 2008
المشاركات
1,743
نقاط التفاعل
1
النقاط
37
الكلمة للسيدة الام:
وطني الجزائر






بناتي ولادي
بعد طوال صمت
اتيت
والكلمات انصرفت
سرقها مني
الحكام والمدراء
وغيرهم من من يمشون على ترابي
ويتنفسون هوائي

انتم شعبي وانا شعبكم
لي انتم
وانتم ستكونون لي وحدي​

راح نتكلم بلهجتنا للي قع تفهموها
( بين قوسين)

دايما تقولوو وطننا حقرنا
ارضنا وارض والدينا وجدودنا
ماعطاناش قيمتنا
....خلانا نروحو لبلاد البراوية.....
نديرووو قع الطرق والوسائل
نتحداو الحياة ونصادقو الموت

صح قلبو العنوان دقيقة برك
انتوما قيمتو ارضكم وارض اجدادكم؟؟؟

الواحد قبل مايحكم على احبابوو يليق يحكم على روحو
صح الوضع ماهوش ساهل
وتقدروو تقولوو رانا عاد نايمين بصح
حسوو بيا شوية
ماديروش في بالكم بلي انا مجرد
اسم لوطن ما
يحمل علم ..نشيد...ومبادئ...ورموز وطنية فقط
ماتنساوش تاني بلي انا
وطن على راسه شعب يقوده التيار من هنا وهناك

اليكم اولادي وبناتي​

انا ارض
دمي
دم مليون ونصف شهيد
وعروقي تنبض باسم كل واحد فيكم
اماهاتكم
اباءكم
احفادكم​

ماتقولووش رانا عاد لخرين
بصح قولوو
راح نزيدوو لقدام​

ونبنووو والحاجة الي ماشي مليحة نهدموها
....خلونا من القعاد...
البطالة يليق نلقاولها حل...حتى ادا الحكام ماعرفوش يلقاولها هاد الحل

...التظهور الصحي ...نحاربوه مع انووو جماعة الخفاء يسيووو باه يخفو الاسوأ
الحالة الاجتماعية يليق نقصوو من صعوبتها


علابالي راح تضحكوو وتلاقو الامر صعيب ومستحيل..
علاخاطرش بصراحة انتوما حاقريني وحاقرين ارادتكم​


انا ودي نعاونكم
بصح نقول الله غالب
ماكانش الي يسمع
والهدرة علابالي الي نقولها راح يديها الريح​

بطريقة ما الى مكان مظلم

اصحاوو وخليكم ماتلوموو وتحسبو الحسابات الفارغين
الجزائر مستقبلكم
وانتوما مستقبل الجزائر​

بصح علاابلي الشباب يفضلوو يبنو مستقبل الدول لخرى احسن
هادي هي الحقيقة المرة
لوقتاش راح تعشووو في سبات وتقولوو عاد رانا لخرين

عيشوو هاكدا
وتشووفو وين راح توصل بينا الدنيا
راح توصل للوقت وين نقولوو
كونا لخرين
ودرك رانا ميتين​



دمتم
من امكم الجزائر​




Hotel+el+Aurassi+$28baie+d$27Alger$29.jpg
 
موضوع متميز يعطيك الصحة
 
يعطيك الصحة على هذا الموضوع الرائع
 
بارك الله فيك على الموضوووع الرائع
 
:confused1:تبانلي امنا الززاير غلبها رمضان :confused1:
 
شكرااااااااااااااااااااااااااااااا
 
شكرااااااااااااااااااااااااااااااا
يعطيك الصحة على هذا الموضوع
 
:confused1:تبانلي امنا الززاير غلبها رمضان :confused1:

مشكورين على الردود
امك الجزائر اخي
ماغلابهاش رمضان
غباءنا هو اللي غلبها
 
مشكورين على الردود
امك الجزائر اخي
ماغلابهاش رمضان
غباءنا هو اللي غلبها
اذا تقصدي الحكومة وأغبياءها راني معاك أمك الززاير مغبونة منهم وأذا قصدك أنا وأنت على خاطر قلتي غباءنا ؟؟؟ أنا نظن رانا بعاد على مظرتها :blink:
 
اذا تقصدي الحكومة وأغبياءها راني معاك أمك الززاير مغبونة منهم وأذا قصدك أنا وأنت على خاطر قلتي غباءنا ؟؟؟ أنا نظن رانا بعاد على مظرتها :blink:

اخي العزيز
احنا نضرووو بلادنا بلا مانفيقو ولا حتى نحسوو ولو بشعور ضيق وقليل من الندم
لوكان ماشي سكاتنا على المدراء والوزراء والرؤساء في جميع الميادين ....
ماكانتش بلادنا راح تولي هاكدا ليوم
تقدر تقول رانا مجرد فئران تجارب
 
اختي kamou انا حبيت نتعارك معاك برك ونشوف ردة الفعل نتاعك يعطيك الصحة غلبتيني بالقدر صح فطورك ..حبيت نقلك برك بلادي هلكوها أولاد بختة:sleep:
 
يعطيك الصحة على الموضوع
ومشكورة على اسلوب الطرح

تحياتي
 
اختي kamou انا حبيت نتعارك معاك برك ونشوف ردة الفعل نتاعك يعطيك الصحة غلبتيني بالقدر صح فطورك ..حبيت نقلك برك بلادي هلكوها أولاد بختة:sleep:

وانا اخي راني فاهماتك
رايك راه على عيني وراسي
خسارة والله .....
وصح هلكوها ولاد بختة
صح فطورك ...
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top