متزوجة ........... وعازب

[المتالقة]

كاين مرا فى منتدى اخر فى عمرها 40 عام متزوجه وعندها اولاد وناشطة فى المنتدى وتراسل فى شاب عندو 28 سنة تقصر معاه فى الرسائل الخاصة وتحكي معاه وللامانه كلام ماشي خارج علي الاداب يعني فى اطار الاحترام يقصرو وينكتو مع بعض ويزعق عليها وكلش ومرات كيطول عليها هي تبادر وتراسلو وتعتب عليه ، لا تظنو اني انا والله ما انا ولكن عرفت من الشاب نفسو لاني معاه فى ذاك المنتدى انا يا جماعة والله ما جاتني نورمال وراه راسي تخربط لما عرفت يعني كيف متزوجة وتراسل شاب عازب ممكن وحدة عازبة مقبول بلاك طامعة دير معاه علاقة وتتزوج مي متزوجة وبراجلها انا راني دخت خلاص والله غير كيما راني نحكي واش تقولو بعيد عن العاطفة الصدق ​

 

[abdelmalek88]

انا تاني دخت كيما انت ​

 

[xsxsx]

آن كيدهن عضيم
أنا في بدايت القصه كنت شاك أك أنتى المقصوده
وبعدين يا أختى ممكن دايراتو كي وليدها أن بعض الضن أثم
أنا كنت نهدر مع وحدا في النت من الكويت أكبر مني 25سنه نورمل دايرتني كي وليدها
حتا أذا لم أراسلها في بعض الأحيان هي تبادر وتراسلني
الله يذكرها بي الخير

 

[Adel Adel1]

؟؟؟؟؟؟؟؟؟؟؟؟؟؟؟؟؟؟؟؟؟

 

[نور الانوار]

نهدر مع واحد اكبر مني 22سنة
ههه
بالاك يعتبرني حفيدتو مشي غير بنتو

ودركا راه كلش نورمال

غير ماتخمميش

وراجلها هذا راقد بالنوم ولا واش ؟ ههههههه

 

[ahras algerie]

40 سنة يا أختي وتقولي كلامهم لا يخرج على الأداب ..هذي في حكم الزانية والعياذ بالله...ربي يقول ولا تتبعو خطوات الشيطان وهذي خطوة من خطوات الشيطان......... 40سنة متزوجة ؟؟؟؟ ماشي خياطة برزار :lol:

 

[noussa 2008]

اختي انا نقلك قوليلها الوقت الزايدة الي عندها تبعث هولنا
تحكي مع واحد في الشات والراجلها واش به بككوش ولا اعمى ولا اطرش حتى تخليه وتروح تحكي مع الغاشي
ونفول ان بعد الظن اثم
والله اعلم

 

[bnbnbilal]

؟؟؟؟؟؟؟؟؟؟؟؟؟؟؟؟؟؟:001_tt1::001_tt1::001_tt1::001_tt1::001_tt1:

 

[malika55]

ربي يهدي ماخلق

 

[المتالقة]

يا جماعة متسيئوش الظن وبعدو عن عرضها هي تعتبرو مثل بنها مرات تقلو يا ابني وهو كما قال يحترمها جدا ويعتبرها اختو الكبرى انا اللي مدوخني كيف راجلها يقبل برك وعلى ما تقرا مواضيعها تجدها انسانة متدينة وفاضلة هل بهذا الفعل تخون زوجها ونفرض انو على علم ما موقفكم منو

 

[ABDOU LAKAMORA]

?????????????????????????????????????????????

 

[ahras algerie]

ههههه هي 40 سنة وهو 28 سنة وتعيطلو ابني :blink: يعني مكانش بنات باه تراسل الذكور زيدي قليلنا على ماه يحكو لكي تتوضح الأمور أكثر يابنيتي واذا كان زوجها يعلم فهذا يدل على اننا تفتحنا ورجالنا اصبحو مفتوحين يعني على التفتح وفي الحقيقة احنا تفتحنا ماشي من اليوم وما زلنا بعاد على الخليج والشرق الأوسط بعامين برك عندي جاري مفتوح بسلامتو فتحاتو مرتو وبناتو انفتاح فظيع .........ربي يفتح علينا رانا مازلنا بعاد على التفتح الحقيقي اما الانفتاح تقريبا 60 بالمئة من بيوتنا مفتوحة واذا ما فهمتيش ننصحك بعدي على الانفتاح الموازي .:blink:...يتبع

 

[nanin85]

إيه دايراتو كي وليدها وهو دايرها كيما ماماه لخاطرش هي مرأة بسلامتها وهو بيبي مازال صغير راهو يقسر مع طاطا
خلينا يرحم باباك خلاص راحو فيها قاع ....... الله يجعل الخير​

 

[algerien]

وانت يا nanin مكيش تشاتي مع دراري وتراسلي فيهم ​

 

[aziz-org-007]

يا جماعة متسيئوش الظن وبعدو عن عرضها هي تعتبرو مثل بنها مرات تقلو يا ابني وهو كما قال يحترمها جدا ويعتبرها اختو الكبرى انا اللي مدوخني كيف راجلها يقبل برك وعلى ما تقرا مواضيعها تجدها انسانة متدينة وفاضلة هل بهذا الفعل تخون زوجها ونفرض انو على علم ما موقفكم منو

يااااااااااااك ...عمرها 40 و هو 28 و دايراتو كي وليدها
تسمى كون جا صح وليدها كانت ولداتو في 12 سنة.....
وراجلها بدون تعليق يعني ماكالاه نعطيلو صفة سيرتو كي قولتي قابل بالشيء هدا....ايه نسيت = على حساب ما راكي تديفوندي عليها ان شاء الله ماتكونيش نتي

 

[clearworld]

ما تدخلش للراس...:thumbdown:

 

[sabrina]

انا جاتني حاجة نورمال
وهدي ماهيش خيانة

 

[اشراقة الغد]

وعلاه تدوخي ؟؟ ياما في الدنيا اشكال والوان
وهاذا النوع اقل وصف ليه انهم خونة وغدارين ومتصابيين