كرهت حلوة العيد بسبب شراء لوازمها -بزاف-ما سحقيتش الحلوى

[zagane]

السلام عليكم

هده العشرة الاواخر في رمضان الاجتهاد فيها مطلوب
ولكن عندي مشكلة كي يجي الليل نطيح كاو
نمركي في الكار نتاع العشرة
التراويح بسيف باش نقدر نكملها
والسبب هو الحلوة
ملي تقوم من الصباح وانت تشري في لوازم الحلوى الزواق
العسل السكر السباغة الفرينة الطوابع الحلوى الرقيقة المايزينة
المهم نهار كامل وانت تحول وهما نسينا هاديك
زيدنا هاديك لازما في المقروظ وزيد وزيد

لازمهم t g v

طيحولي صحتي بالشري بزاف ما ستحقيتش الحلوى هدي

 

[غادة اليم]

هههههههه ربي يعينك هذا انت تقضي برك وشوف حالتك امالا ألي يطيب كيفااااااه ....... بصح يهوون ماعليش ماشي كل يوم العيد لالا :angel_not::angel_not: و الحلوى لازمة بلا بيها نظن نحسوا بحاجة ناقصة​

 

[bnbnbilal]

هههههههههههههه نورمال

 

[ندى الورود]

والله يا اخي ماشي غير انت

انا خرجت نشري اليوم لحوايج تاع القاطو ما لقيتش روحي خلاص

شريت احوايج واحوايج ما شريتهمش وجيت عيانة ما قدرتش نوقف على رجليا

وزيد راه يسنا فيا ميات شغل وراسي رايح يطرطق الله يعين برك :crying:​

 

[نبيل الوهراني]

واش غادي تعمل خويا ؟

هذون هم رجال البيت دائما .... فيهم ههههه

ياك العيد مرة في العام اصبر ...وراه ربي يفرجها

شكرالك خويا على طرحك للموضوع

عيدك مبارك وكل عام وانت بخير

مسبقااا​

 

[نور الانوار]

ايه نتوما هذا مايليق لكم

وزيد لاكان شفتو رواحكم هكا تخدمو

النساء يخدموا كثر خخخخخخ​

 

[ahras algerie]

كاجي ياخويا عسكري ولا بوليسي وتتهنى القاتو تولي تديه في كرتونة:thumbup:​

 

[colbertinho]

هههههههههههه نورمالللللللللل
تكبر وتنسى....................
متنساش لابار نتاعك اعطيهالي.......هههههههههههه
مصائب قوم عند قوم فوائد....
اياااااا هناااااا

 

[Silent Hill]

:lol:
° ° ° و الله شفت اسمك فرحت .. معليش حبيبي اصبر ° ° °
° ° ° صحا فطورك ° ° °
° Silent Hill °​

 

[دودو لبزاف]

الحق انا هادي الساعة

نمونجي سيتو و الباقي على الشايب

راقدة و تهمهم


مرسي خو

وربي يعينك

​

 

[sofiane dj]

والله انا ثاني هبلوني بالقضية تاع الدار
سيرتو كي نكون مكوناكتي نهيج تاع الصح هههههه
ربي يكون فالعون خوياااااااااااااااااااااا

 

[rafika32]

والله غير عندك الحق هو يجي العيد تحكمني الخلعة
​

 

[مايلي]

تحيا البيمو والقوفريط والزبدة والكانفيتير هههههههههههههههههههه

 

[sofiane dj]

تحيا البيمو والقوفريط والزبدة والكانفيتير هههههههههههههههههههه

واش يا مايلي ماماك ماتعرف دير والو ولا:angel_not:

 

[مايلي]

واش يا مايلي ماماك ماتعرف دير والو ولا:angel_not:

لالا بعيد الشر بالعكس...بصح ماكانش الي يحسن عونها تخدم برا ولداخل وزيد عندها بيبي شايقدها تصنع ونزيدها أنا وخويا في الدار ديما الدباز نايض والعياط ههه أمالي خاوتي ديما أنا المسؤولة عليهم ...ياك أك فاهم؟ هاد ليامات أنا راني نصنع في القاطو:yahoo::laugh::cursing:
تعرف علاه؟غير باه مانقراش ههه

 

[malika55]

واش تحب وانبعد انا الي راح تاكلو ولالا هههههههههههه معليهش راكم لعام كونبلي وانتم مريحين

 

[nina]

هههههاه ربي يعاونكراك شفيتني

 

[سوسو العاصمية]

يا خويا و لي يخدموها كيفاش:crying:......هدا شريت برك عييت :closedeyes:

و هوما واش يقولو.............

ف العيد ما نعرف شكون راح ياكل الحلوة:music_whistling::music_whistling:

ههههههههههههههههههه

ما تتقلقش....يامات و يجوزو و تولي تتوحش العيد

 

[قطرة ندى1]

هههههههههههههههه لازم ربي يعاونك خويا

 

[zagane]

السلام عليكم

المشكلة الكبيرة كي يتحرق السني كامل نتاع الحلوى ويقولوا ليك عاود شري لوازم اخرى من جديد
تولي تطيش السنوج من راسك