احنا جزائريين ....ولا بطلنا؟

[podolsky]

السلام عليكم
بلامانطولو
وعلاش بعض الاعضاء مع انهم جزائريين يقلبو الفيستا ويهدرو ساعة بالبنانية ساعة بالسورية
مثلا " بدي " صبايا *
يا خالونا من هذي لعقلية المقلية
وتشاو عليكم

 

[الحاقد]

ههههههههههههههههههههههههه
والله عندك حق الله غالب كرهو من الدارجة
شكرا علي الموضوع

 

[أم دارين]

السلام عليكم
هههههههههه
عجبتني كلمة العقلية المقلية :001_tt2:
بصح والله الله غالب
هذي حكاية تاع تعود برك :angel_not:​

 

[colbertinho]

هاذو هوما لي زالجيريان
يحبو يبدلو الستيل:lol::lol::lol:

تعجبني بزاف اللهجة السورية
شو به الزلمي:blink:
نحكي متل ما بدنا:yahoo:

 

[yaya55]

راههم يشتوا إبدلو برك (إقلشوا في أرواحهم )ههههههههههههههههههههههههههههههههههههه؟

 

[podolsky]

مارسي عليكم
مي والله لا نتقلق من هدي الهدرة
ام داريين انا نضن بلي لهجتنا مانش متعوديين عليها برك راهي مgرافيا
يا خويا رييح روحك واهدر هدرتك وعلاه التعصار
مشكوريين خاوتنا

 

[blackholedz]

حاول خويا ركز شوية تلقى الكلمات السورية و المصرية غير في المواضيع و ليس في المشاركات و هذا يرجع للنقل بدون تدبر و تعديل ......... يعطيك الصحة خويا

 

[أم دارين]

ام داريين انا نضن بلي لهجتنا مانش متعوديين عليها برك راهي مgرافيا

السلام عليكم
والله تبانلك برك
أنا وحدة من العباد مرات برك وين نستعمل لهجتنا
ويمكن أكثر مكان نهدر بيه بالجزايرية هو اللمة
أما الباقي فربي يجيب حتى فالدار :scared:​

 

[xsxsx]

الصراحه با أخي كرهنا وين رحنا نهدرو جزائري
خلينا نبدلو شويه
وبعدين بيني وبينك كاين كلمات جزائريه متنكتبش
وأذا نكتبت متنقراش

 

[podolsky]

السلام عليكم
انا خوتننا نتقبل رايكم اكيد مي انا algerien نهدر بدزييرية باي لهجة من لهجتنا الي فهم الله يبارك الي ما فهمش ايليق يكسرش راسو شوية
هدا رايي اليوم وغدوة
تحياتي

 

[houda14]

هدى14

دوك انا نقولك علاش كاين لي يهدرو شوية لبناني متلا انا كي ندخل منتدى ماشي جزايري لبناني و لا كي نبغي نهدر معاهم لا زم نهدر لبناني باش يفهمني نيشان و لالا و الهدرة السورية و اللبنانية فور بزاف هبال

 

[dahman kz]

ممكن يكون هاذ العضو عندو مدة في منتدى أجنبي وفي هاذ الحالة ممكن يغلط وممكن يكون بعضهم يبدل اللهجة بالعنوة علا خاطر يحسب فيها حاجة مليحة .

 

[محسن غطاس]

والله عندك الحق ، مالقاوش واش يديرو عادو يتكلموا بالسورية ، والحقيقة كان يروحو لتم .... يزعكوهوم بالمكنسة تاع الدجاج ، وهوما يكلمو فيهم باللهجة اللي كانو يتفلسفوا بيها ، ياخي عباد ياخي ، ياخي ليزالجيريا ياخي ...................................................... :laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::laugh::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2::001_tt2:

 

[podolsky]

لا حول ولا قوة الا بالله
في دارنا وبغا ينشنا
شوفو كاين وحدة العبارة شابة بزاف وكل واحد فيكم يقراها كل مايدخل للمنتدى ولي هي ( منتدى اللمة الجزائرية ::تعرف على الجزائر من اهلها ) اضعف الايمان يعرفو لهجتنا

وما زالنيalger يا

 

[podolsky]

ممكن يكون هاذ العضو عندو مدة في منتدى أجنبي وفي هاذ الحالة ممكن يغلط وممكن يكون بعضهم يبدل اللهجة بالعنوة علا خاطر يحسب فيها حاجة مليحة .

مارسي عليك
راني نهدر على منتدانا تحديدا اللمة اما المنتديات الاخرى راني معاك

 

[روز]

يا خويا والله نرفعلك الشابو على موضوعك
على بالك منين يبعثلي واحد ويكون دزيري ويكلمني بالسورية نحس روحي رايحة نرجّع حاشاكم

وين رايحين بهادي العقلية وين راه اصلكم علاش التوانسة والمغربيين يتكلمو لغتهم واحنا نولو نهدر للناس بلغتهم باش يفهمونا علاش مانفرضوش لغتنا حناااااا

وماتقليش كاين كلام ما يتكتبش ومايتفهمش نقدر نكتب ولا نتكلم بللهجة البيضاء كما يسموها

والكل رايح يفهمنى كما الكتيبة الي كتبتها نتحداك اذا ما فهمهاش سوري ولا لبناني يفهمونا دراع والي مافهمناش مايهدرش معانا هادي هييا العقلية


ونقلك الصح عرفت شحال من سورى ومن كل الجنسيات كي يحبو يفهموك يفهموك ماتقليش كفاش والي مافهمش نفهموه يا سيدي وين راه المشكل مي نهدر بلهجتي شوف البلدان العربية كامل يتكلمو بلهجتهم ابداها من المغرب تونس ليبيا مصر فلسطين الخليج سوريا لبنان ياو حتى الهنودا المسخين ولينا نتعلمو فى هدرتهم وين راكم رايحيييييييين ديرو الستوب وخلونا من هاد الكلام الي يوّجع القلب

ووشنو رانى معاك هاداوين قريتها
زعمة فى المنتديات الاخرين ماعليش تتكلم باللهجة اسورية .؟؟؟؟؟
نقلك الصح انا يا إما نتكلم باللغة العربية الفصحى والحمدلله متمكنة منها يا إما نتكلم بالجزائرية لا هاد المنتدى ولا اي منتدى اخر هنا رانى نكتب بلهجتى وفى المنتديات الاخرين كاينة حاجة اسمها اللغة العربية وماتقليش تانى ماكاش الي يفهمها ................................

 

[podolsky]

يا خويا والله نرفعلك الشابو على موضوعك
على بالك منين يبعثلي واحد ويكون دزيري ويكلمني بالسورية نحس روحي رايحة نرجّع حاشاكم

وين رايحين بهادي العقلية وين راه اصلكم علاش التوانسة والمغربيين يتكلمو لغتهم واحنا نولو نهدر للناس بلغتهم باش يفهمونا علاش مانفرضوش لغتنا حناااااا

وماتقليش كاين كلام ما يتكتبش ومايتفهمش نقدر نكتب ولا نتكلم بللهجة البيضاء كما يسموها

والكل رايح يفهمنى كما الكتيبة الي كتبتها نتحداك اذا ما فهمهاش سوري ولا لبناني يفهمونا دراع والي مافهمناش مايهدرش معانا هادي هييا العقلية


ونقلك الصح عرفت شحال من سورى ومن كل الجنسيات كي يحبو يفهموك يفهموك ماتقليش كفاش والي مافهمش نفهموه يا سيدي وين راه المشكل مي نهدر بلهجتي شوف البلدان العربية كامل يتكلمو بلهجتهم ابداها من المغرب تونس ليبيا مصر فلسطين الخليج سوريا لبنان ياو حتى الهنودا المسخين ولينا نتعلمو فى هدرتهم وين راكم رايحيييييييين ديرو الستوب وخلونا من هاد الكلام الي يوّجع القلب

ووشنو رانى معاك هاداوين قريتها
زعمة فى المنتديات الاخرين ماعليش تتكلم باللهجة اسورية .؟؟؟؟؟
نقلك الصح انا يا إما نتكلم باللغة العربية الفصحى والحمدلله متمكنة منها يا إما نتكلم بالجزائرية لا هاد المنتدى ولا اي منتدى اخر هنا رانى نكتب بلهجتى وفى المنتديات الاخرين كاينة حاجة اسمها اللغة العربية وماتقليش تانى ماكاش الي يفهمها ................................

السلام عليكم
نعرف حرة وبنت بلاد ونستعرف بيك
مي كلمة راني معاك قصدت بيها انو المنتديات الاخرى مانيش نهدر عليها انا قصدت اعضاء منتدى اللمة الجزائرية
المهم انا نهدر بلهجتي
ونزيدك في الاصل انا نحشم باش نبدل لهجتي المحلية ومانقدرش تهدر بلهجة اخرى غيرها ( لهجات نتاوعنا) مع احترامي لكل مناطق الوطن فما بالك نقلب الفيستا ونولي لبناني ولاسورى ولا ....
كما اادكد احترامي لهم لتمسكهم بلهجتهم
والسلام ختام
وان تو تلاثة وتحيا دزايرنا

 

[Sarah89]

عيب عليهم اللي يهدرو باللبنانية والسوري

قيمى رواحكم انتم جزائريين واهدرو هدرتنا وهما علاش ميهدروش لهجتنا علا خاطر احنا مقيمنهاش


حت يقيموهما هم​

 

[amel02]

وعليكم التشاو

يكذب عليك ماكاش كيما لهجتنا

صح مخلطةmais هذا هو الCHARME ديالها

 

[روز]

الله يخليك اسمحلي بالاك كثرت مي والله مانقدرش دزيري يهدرلي بالسورية
فاش خير منا والله عندي ظفر جزائري بسوريا كاملة علاش راهم يطيحو من قيمتهم هاك
الي مايفهمناش نفهموه ونعلموه ماكاش مشكل
يعطيك الصحة على الموضوع
تعيش بن بلادي